دعم المنتدي ومدينتنا الحبيبة

أم احمد كتب:أوافق بشدة .. وفكرة جميلة جداً يانزار لما نقدر نترجم تواصلنا عبر المنتدى الى خدمات لمدنية شندى ، وحتى لو كانت رمزية فى البداية مين عارف المستقبل بيحمل لينا شنو ؟
مش يمكن يجى اليوم ونقدر نعمل مشاريع مفيدة للمدينة ؟

محمد الدقير البصيرى كتب:فكره جميل شد حيل ونحن معاك وتوكل على الله

عبدالله حسن بشير كتب:فعلا نزار فكره جميله
وانا اتفق معك تماما فى كل ماقلت
ومن يعلم قد تكون فكرتك الجميله دى نواة لأكبر المؤسسات الخيريه فى المستقبل
كل مشوار بدأ بخطوه
وكل شجره وارفه نبتت من بذره
واذا توحدت النوايا وشدينا عزمنا سوف نضع بصمتنا فى تاريخ مدينتنا الحبيبه

وماذا يسوى الانسان غير عمل طيب وسيره عطره خالده

huthy2000 كتب:

فكرة رائعة وتشكر عليها كثيرا..ولكننى لا اتفق معك فى كتابة ان فلان دفع كذا وبالتالى نفهم ان فلان الثانى لم يدفع..اعتقد من الافضل كتابة عدد الناس الذين دفعوا من غير ذكر للاسماء حتى نرفع الحرج عن الذين لا يستطيعون المشاركة باستمرار ولان الفكرة من اساسها خيرية ولذلك السر فيها افضل من العلن..

خالد ود تمبول كتب:نزار البتقولو ماش ومعاك ياباشا لكن اول حاجه شيل لينا ازيارك البارده دي رمضان قرب وحتجرح لينا صيامنا ساكت .

أكيد يا ودتمبول طوالي معانا إنت وفي كل لحظة فى حياتنا
الأزيار دي أهم حاجة وإن شاء الله نصل بمشاريعنا الخيرية
لغاية تمبول ونكرم تمبول فى شخص احببناها وأحبنا بس ماتفرح

sala35 كتب:والله فكرة حلوة واكيد من البسيط بتعمل الكتير والغيث فى اولو قطرة..
والله شندى تحتاجنا بشدة وانسان شندى عرف بالعفة وعزة النفس واكيد بنقدر نقدم حاجة ليتيم او فقير او مريض
وعندى اضافة بسيطة لفكرة بحلم بيها من زمان
وهى صندوق للملابس الفائضة عن حاجتنا وحاجة اطفالنا وانا متاكدة كل دواليبنا تتكدس بالفائض
ياريت لو نقدر نجمعا فى شندى ونسلما لكل محتاج

لك التحية الاخ نزار وانت دايما كما عهدناك سباق لكل ماهو جميل
دمت بخير،،،