منتدي مدينه شندي
الف مرحب بك في منتديات مدينة شندي,الرجاء تسجيل الدخول ان كنت عضوا,أو يمكنك الذهاب لرابط التسجيل لكي نتشرف بك عضوا بيننا...

انضم إلى المنتدى ، فالأمر سريع وسهل

منتدي مدينه شندي
الف مرحب بك في منتديات مدينة شندي,الرجاء تسجيل الدخول ان كنت عضوا,أو يمكنك الذهاب لرابط التسجيل لكي نتشرف بك عضوا بيننا...
منتدي مدينه شندي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» اللهم ارحم أخينا وصديقنا عبد الغظيم مرحوم
في أحوال المغتربين السودانيين Icon_minitime1الجمعة 1 مارس 2024 - 22:40 من طرف عبد الرحمن احمد الحاج

» كلامات
في أحوال المغتربين السودانيين Icon_minitime1الخميس 1 فبراير 2024 - 18:57 من طرف عبد الرحمن احمد الحاج

» اللهم رحمتك
في أحوال المغتربين السودانيين Icon_minitime1الأحد 3 ديسمبر 2023 - 16:43 من طرف عبد الرحمن احمد الحاج

» سجل دخولك للمنتدى بالصلاة على سيدنا محمد صلى الله عليه وسلم.
في أحوال المغتربين السودانيين Icon_minitime1الأحد 3 ديسمبر 2023 - 16:40 من طرف عبد الرحمن احمد الحاج

» سجل حضورك باسم منطقة؛ معلم بارز ؛شخصية من مدينة شندي
في أحوال المغتربين السودانيين Icon_minitime1الأحد 3 ديسمبر 2023 - 11:53 من طرف عبد الرحمن احمد الحاج

» اين انتم؟؟
في أحوال المغتربين السودانيين Icon_minitime1الخميس 17 أغسطس 2023 - 12:09 من طرف عبد الرحمن احمد الحاج

» كيف نجعل من شندي مدينة نموذجية ؟؟؟
في أحوال المغتربين السودانيين Icon_minitime1الأحد 12 سبتمبر 2021 - 21:02 من طرف عبد الرحمن احمد الحاج

» ذكريات قروي
في أحوال المغتربين السودانيين Icon_minitime1الأحد 12 سبتمبر 2021 - 20:57 من طرف عبد الرحمن احمد الحاج

» رسائل إداريـة
في أحوال المغتربين السودانيين Icon_minitime1الأحد 12 سبتمبر 2021 - 20:07 من طرف عبد الرحمن احمد الحاج

» اللهم ارحم عمنا عبد الله أحمد عباس
في أحوال المغتربين السودانيين Icon_minitime1الخميس 4 يونيو 2020 - 14:00 من طرف الحسين محمد

» إلى جنات الخلد برحمة الله عثمان عبدالله هلال
في أحوال المغتربين السودانيين Icon_minitime1الخميس 21 مايو 2020 - 12:44 من طرف الحسين محمد

» الشاعر المركون وشعره المهجور
في أحوال المغتربين السودانيين Icon_minitime1الأربعاء 6 مايو 2020 - 8:55 من طرف الحسين محمد

» نعي وتعزية
في أحوال المغتربين السودانيين Icon_minitime1الإثنين 4 مايو 2020 - 9:02 من طرف الحسين محمد

» نشاط الجمعيات التعاونية في شندي وريفها
في أحوال المغتربين السودانيين Icon_minitime1الثلاثاء 28 أبريل 2020 - 13:17 من طرف الحسين محمد

» رمضان مبارك
في أحوال المغتربين السودانيين Icon_minitime1الثلاثاء 28 أبريل 2020 - 13:13 من طرف الحسين محمد

» تأكل
في أحوال المغتربين السودانيين Icon_minitime1الجمعة 8 يونيو 2018 - 5:23 من طرف الحسين محمد

» نميري وقصص منسوجة
في أحوال المغتربين السودانيين Icon_minitime1الخميس 7 يونيو 2018 - 12:38 من طرف الحسين محمد

» رحل كمال عليه الرحمة
في أحوال المغتربين السودانيين Icon_minitime1الثلاثاء 5 يونيو 2018 - 7:00 من طرف الحسين محمد

» انا لله وانا إليه راجعون
في أحوال المغتربين السودانيين Icon_minitime1الجمعة 25 مايو 2018 - 18:01 من طرف الحسين محمد

» إنا لله وإنا إليه راجعون
في أحوال المغتربين السودانيين Icon_minitime1الأربعاء 28 مارس 2018 - 8:40 من طرف الحسين محمد

التبادل الاعلاني
احداث منتدى مجاني

المتواجدون الآن ؟
ككل هناك 7 عُضو متصل حالياً :: 0 عضو مُسجل, 0 عُضو مُختفي و 7 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 341 بتاريخ السبت 2 أكتوبر 2021 - 9:05

في أحوال المغتربين السودانيين

3 مشترك

اذهب الى الأسفل

في أحوال المغتربين السودانيين Empty في أحوال المغتربين السودانيين

مُساهمة من طرف نصرالدين حسون طة الثلاثاء 20 أبريل 2010 - 21:04

كما وصلنى
في أحوال المغتربين السودانيين

إذا كنت راكب جيب برادو ولافي عمة كبيرة وشايل جوال غالي الثمن وتتجدع في شوارع واستراحات الرياض وجدة فأنت سوداني ظاهرك غنيا وباطنك غرقان في التقسيط إلى أذنيك .
إذا كنت زول شاطر في مهنتك ومعاك مؤهلات حلوة وما لاقي شغل كويس رغم مرور عشرة سنوات على اغترابك ، معناها أنت سوداني ينطبق عليك احد أمرين ( أما انك شين ومبشتن وشكلك ما سياحي ) ومافي زول هضمك أصلا عشان ينظر لشهادتك أو أنك مسكين وعبيط وما بتعرف تقدم نفسك في عالم الـ malt nationality وفي الحالتين بنصحك بالعودة فورا إلى بلدك يمكن تلقى ناس تفهمك وتقدرك .
إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حا تغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "
إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( مودلز ) جديدة منه.
إذا كان عمرك بلغ الستين أو أوشك وبناتك أتزوجوا وأولادك أتخرجوا من الجامعات ولا زلت قاعد في الغربة ، معناها أنت سوداني يائس من تحسن الوضع في السودان وغير قادر على التأقلم معه والعيش فيه بنمطه الحالي والغربة جرت في دمك بسرعة 360 كيلو متر في الساعة وأنخفضت الى 40 فقط تجاه وطنك وتفضل قضاء بقية عمرك متغرباً عن وطنك ومتقربا لله في مساجد السعودية الفخمة مستفيدا من سهولة وتوفر أجواء العبادة والعمل للآخرة، وغالبا ما تكون ليس من ذوو الطموحات المادية ومكتفي بان تعيش مستور الحال إلى أن تلاقي ربك .
إذا كنت مغترب من أوائل الثمانيات وكنت شغال في الحكومة وحضرت فترة الطفرة الخليجية وانتقلت الآن للقطاع الخاص بعد سعودة وظيفتك التي قضيت بها ما يقرب من ثلاثون عاما واشتغلت في شغل اقل من شغلك الأسبق بكثير وراكب عربية هكرة فأنت سوداني جسور وصبور ونبيل بس تخطيطك الاقتصادي تعبان شوية لأنك مفروض تكون راقد في الضل بعد هذه الرحلة الطويلة ولكن ربما تكون عند الله أفضل من الكثيرين .
إذا كنت ليك سبعة سنوات ما نزلت إجازة رغم مناشدات اهلك لك للحضور حتى لو أيد وراء وايد قدام على الاقل لمقابلة والدتك المريضة وزوجتك "حامياك " تمشي لوحدك بحجة خوفها من أن تتزوج عليها والميزانية غير كافية لسفر جميع أفراد أسرتك ، وسرقك الزمن حتى جاءك خبر وفاة والدتك ونفس الظروف منعتك من السفر للبكاء فأنت سوداني ميؤس من حالتك وعليك تغيير أسلوب حياتك عشان ما تجلي من الدنيا والآخرة معا .
إذا كنت محمول ومليان أطفال إلى أضنيك ومزنوق على مدار العام ورغم ذلك كل يوم تهدد زوجتك بأنك إذا الله أداك رزق حا تعرس فوقها رغم تحملها لفقرك وضنك الحياة معك فتأكد من انك شخص جاهل وأناني ولن يفتحها الله في وشك مدى الحياة بسبب ظلمك لهذه المسكينة العايشة معاك على الحلوة والمرة ومتحملة ( ؟؟؟ ) .
إذا كنت كل إجازة بتنزل مع نسابتك وتقضي معهم معظم إجازتك وتزور اهلك في البلد لمدة يومين بس وتشيل هدايا لنسابتك أغلى وأكثر من التي تحملها لأهلك وكل سنة أو سنتين بتعمل زيارة لي نسيبتك ولم تعمل زيارة لامك سوى مرة واحدة فقط فأنت إنسان مهروش ومغلوب على أمرك ورافع الراية ومصيرك سيكون صعب بعد أن تعجّز وتنزل المعاش ويروح بريق الشباب والقروش وتترمي رمية الـ ( ؟؟؟؟ ) .
إذا كنت من النوع البغير شرائح جواله كثير وله عدة أرقام معظمها لا يمكن الوصول إليه حاليا فأنت أما انك شخص مديون من عدة جهات وغير جاد في التسديد ولا تملك القوة والصراحة والمصداقية والجدية مع الدائنين وتتهرب منهم بعدم الرد وتغيير الأرقام ، أو انك شخص تنتمى لعائلة ممتدة مطلبية وفاكرنك شغال نائب رئيس الدولة المغترب فيها وشغالين طلبات لو ضاعفوا راتبك عشرة مرات ما بتقدر تكفيها وأنت غارق في الحلم وما قادر تكشف وضعك الحقيقي وتعترف لهم بأنك موظف بسيط ودخلك مش مكفي عيالك بدلا عن الزوقان والتهرب وفي الحالتين تبديل الشرائح ما بحلك.
إذا كنت من النوع الببدأ مع المدام في شراء الهدايا لإجازة الصيف منذ فبراير وتبدأ الرحلات المكوكية اليومية لكافة الأسواق ومقاسات وتطقيم وعطلة لأجل الأولاد وأخوالهم فقط فأنت سوداني كلاسيكي وما عندك شغلة ومرتك كلاسيكية اكترمنك حيث عفا الدهر عن مثل هذه الأمور وانك لم ترتدع من العبارات الجارحة التي تسمعها كل اجازة مثل ( الدلاقين دي هنا زاتها بقت رخيصة ) بتتعبوا تجيبوها كل سنة لينا لي شنو ؟؟؟.
إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة ومخليه لاختك تسكن فيه بدون ايجار كمساعدة لها وعندما ذهبت في اجازة مرافقا لابنتك المقبولة في الجامعة كي تسكنها في بيتك مع اختك تفاجأت بأن اختك اجرت البيت لصالحها ورجعت سكنت في البلد بدون اذنك والمؤجرة طردتك من بيتك ومشيت سكّنت بنتك في داخلية غالية التكلفة وما قدرت تسأل أختك من تصرفها فأنت سوداني ويا حليلك كمان الله يكون في عونك ,

نصرالدين حسون طة
شنداوي مشارك
شنداوي مشارك

ذكر عدد المساهمات : 15
تاريخ التسجيل : 09/04/2010
العمر : 62
الموقع : الولايات المتحدة- ولاية Minnesota

الرجوع الى أعلى الصفحة اذهب الى الأسفل

في أحوال المغتربين السودانيين Empty كلامك مئة مئة

مُساهمة من طرف motasem63 الثلاثاء 20 أبريل 2010 - 22:14

طيب شنو رايك فى العايز اغترب لان ولقى شغل لكن بالف ريال وعمره 24سنة

motasem63
شنداوي جديد
شنداوي جديد

عدد المساهمات : 1
تاريخ التسجيل : 20/04/2010

الرجوع الى أعلى الصفحة اذهب الى الأسفل

في أحوال المغتربين السودانيين Empty رد: في أحوال المغتربين السودانيين

مُساهمة من طرف محمد أحمد مصطفى الخميس 29 أبريل 2010 - 20:42

اْمرك عجيب يا مغترب

شايل حقايبك ماشي وين ؟؟؟

ما الغربة طالت يامسيكين

وانت في نص الدرب

والناس هناك ماشايلة هم

لاهم حكومة ولا لحم

سكت ليه يامغترب؟؟؟

حاول اْجب؟؟

الناس وراك دفنت اْلوف

وانت جالس تنتحب

الناس هناك هزمت

طوابير الصفوف

وازدادو نجمات في الكتوف

وانت جالس زي خروف

لا فيك لبن لافيك صوف

شعار جميل مكتوب حروف

زول مغترب

انت يا اْبوي مين اللي زيك

انت مازول مغترب

لا ليك اْرض

لا ليك راْي

لا خطة اسكان لا حزب

انت عندك حزب واحد

اسمه حوّل

اْخوك وراك راقد تعب

جاك اتصال من ناس منال

يا اْخوي حول وماتطول

جدي الخضر عضو الكلب

يا اْخوي حول

في الشهر مرتين

ود اللمين جاهو المقص

في الكليتين

خلآهو زي زول الكٍتب

يا اْخوي حول وما تطول

وجيب معاك طقم العشاء

ودهب الكضب

وانت جالس يامسيكين

الغربة طالت

وانت في نص الدرب

مرت سنين فوق السنين

لا اشتريت قطعة اْرض

ولا سقفت الغرفتين

والحالة طين

يا اْخوي صلي ركعتين

بعد الفرض

يا اْخوي حول جيب قروش

وخاتم الجنيه للسيدتين

اْم العريس واْم العروس

ولا تقول فلنفترض

اْضرب خماسيك في سداسيك

واْضرب الطول في العرض

الغربة طالت

والعيال كبرت وجالت

وانت حالك يامسيكين

والله تغني عن سوْالك

والفكر مشغول

وشايل هم عيالك وين بتقراْ

والغريب كل الحكومات

في البلد تنكر نضالك

وحتي العيال في الجامعات

يامسيكين

بدل الجنيه تدفع ريالك

ومهما تكتب اْو تقول

هذا اختيارك

لا ليك راْي ولا هناك

من يرد ليك اعتبارك

شد حيلك واشتغل

عشرين شغل خارج مجالك

شد حيلك والثغور راجاك كتيرة

ست البنات صارت مديرة

ولسه ما جاها العريس

والبيت ملان

ناس محاسن وناس سميرة

يابا ماتخليك معصلج

وانت ماتخليك عويرة

وما مهم ود اللعم

ومامهم من القبيلة

المهم اْبقي راجل

وما اْكون زولا خميلة

اْلم اْقل اْمرك عجيب يامغترب ؟؟

جيت شباب تلبس خفيف

حتي في عز البرد

بعد السنين الجلود اتكرمشت

واْصبحت ودعم القرد

وآخر المطاف السنين

صارت عجاف

شالوك مقفل في طرد

وآخر المطاف السنين

صارت عجاف

شالوك مقفل في طرد.
محمد أحمد مصطفى
محمد أحمد مصطفى
شنداوي فضى
شنداوي فضى

ذكر عدد المساهمات : 84
تاريخ التسجيل : 09/04/2010
العمر : 63

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى