منتدي مدينه شندي
الف مرحب بك في منتديات مدينة شندي,الرجاء تسجيل الدخول ان كنت عضوا,أو يمكنك الذهاب لرابط التسجيل لكي نتشرف بك عضوا بيننا...
بحـث
 
 

نتائج البحث
 


Rechercher بحث متقدم

المواضيع الأخيرة
» تقبل الله منكم وعيد مبارك
السبت 24 يونيو 2017 - 9:43 من طرف الحسين محمد

» اللهم اغفر لهم جميعًا
الأحد 18 يونيو 2017 - 6:18 من طرف الحسين محمد

» رمضان مبارك
السبت 27 مايو 2017 - 14:20 من طرف الحسين محمد

» إنا لله وإنا إليه راجعون
السبت 27 مايو 2017 - 14:16 من طرف الحسين محمد

» مع النبيين والصديقين
الثلاثاء 4 أبريل 2017 - 11:13 من طرف الحسين محمد

» دعوة للتوثيق
الأحد 19 فبراير 2017 - 23:05 من طرف الحسين محمد

» إلى رحمة الله
الأربعاء 8 فبراير 2017 - 11:38 من طرف الحسين محمد

» نعوه أخًا
الأحد 29 يناير 2017 - 11:47 من طرف الحسين محمد

» رحم الله سيد
الثلاثاء 17 يناير 2017 - 10:44 من طرف الحسين محمد

» عائشة أبو السعود في رحمة الله
الأحد 8 يناير 2017 - 10:59 من طرف الحسين محمد

» مجازر نميري في الشجرة (1)
الأحد 8 يناير 2017 - 4:08 من طرف الحسين محمد

» حكمة اليوم
الإثنين 2 يناير 2017 - 5:25 من طرف الحسين محمد

» حكمة اليوم
الأحد 25 ديسمبر 2016 - 2:06 من طرف الحسين محمد

» ازيكم يا غالين
السبت 17 ديسمبر 2016 - 12:40 من طرف نزار الجمري

» وظيفة مدرس لغة عربية
الثلاثاء 8 نوفمبر 2016 - 23:12 من طرف الحسين محمد

» عثمان حجو في رحاب الله
الأحد 6 نوفمبر 2016 - 7:51 من طرف الحسين محمد

» ورحل الخلوق وجاء يوم شكره
الثلاثاء 25 أكتوبر 2016 - 11:46 من طرف الحسين محمد

» عثمان التاج إبراهيم في
الخميس 20 أكتوبر 2016 - 14:10 من طرف الحسين محمد

» حكمة اليوم: لا تفتخر
الأحد 16 أكتوبر 2016 - 4:39 من طرف الحسين محمد

» اللهم اغفر لرجاء القريد
الجمعة 14 أكتوبر 2016 - 11:37 من طرف الحسين محمد

التبادل الاعلاني
احداث منتدى مجاني

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 34 بتاريخ الثلاثاء 7 يوليو 2015 - 13:13

في القولد إلتقيت بالصديق

استعرض الموضوع السابق استعرض الموضوع التالي اذهب الى الأسفل

في القولد إلتقيت بالصديق

مُساهمة من طرف زيزو في السبت 3 أبريل 2010 - 13:45

في القولد التقيت بالصديق




[ فى القولد التقيت بالصديـق أنعم به من فاضل ، صديقى

زرنا معاً حدائق النخيلِ00في ظلها قد طاب لي مقيلي



خرجت أمشى معه للساقية ويا لها من ذكريات باقيــة




***
ودعته والأهل والعشيرة ثم قصدت من هناك ريره
نزلتها والقرشى مضيفى وكان ذاك فى أوان الصيف
وجدته يسقى جموع الإبل من ماء بئر جره بالعجـل
***
ومن هناك قمت للجفيـل ذات الهشاب النضر الجميل
وكان سفري وقت الحصاد فســرت مع رفيقى للبــلاد
ومر بي فيها سليمان على مختلف المحصول بالحب إمتلا
ومرةً بارحت دار اهـلى لكي أزور صاحبى ابن الفضل
ألفيته وأهله قد رحلـوا من كيلك وفى الفضـاء نزلوا
فى بقعة تسمى بابنوسـة حيث اتقوا ذبابة تعيســــة
***
ما زلت فى رحلاتى السعيدة حتى وصلت يا مبيو البعيدة
منطقة غزيرة الاشجــار لما بها من كثرة الأمطــار
قدم لى منقو طعـاـم البفره وهو لذيذ كطعام الكســـره
***
وبعدها استمــر بى رحيلى حتى نزلت فى محمد قـــول
وجدت فيها صاحبي حاج طاهر وهو فتى بفن الصيد ماهـــر
ذهبت معه مرةً للبحـــــر وذقت ماء لا كماء النهــــر
****
رحلــت من قول لودْ سلفاب لألتقى بسابع الأصحــــاب
وصلته والقطن فى الحقل نضر يروى من الخزان لا من المطر
أعجبنى من أحمد التفكيـــر فى كــــل ما يقوله الخبيرُ
***
ولست أنسى بلدة أم درمــان وما بها من كثرة السكـــان
إذا مرّ بي إدريس فى المدينة ويا لها من فرصـــة ثمينة
شاهدت أكداساً من البضائــع وزمراً من مشتر وبــــائعْ
***
وآخر الرحلات كانت أتبره حيث ركبت من هناك القاطره
سرت بها فى سفر سعيد وكان سائقى عبد الحميـــد
أُعجبت من تنفيذه الأوامر بدقة ليسلم المســـــافر
***
كل له فى عيشه طريقـة ما كنت عنها أعرف الحقيقـة
ولا أشك أن فى بــلادى ما يستحق الدرس باجتهـــاد
فإبشر إذن يا وطني المفدى بالسعي مني كــي تنال المجدا




منقوووووول



اها قولوا ما متذكرنها
والله انا غايتوا بتذكر كنا صغاااار في سنه رابعة بيغشونا يقولوا لينا
الليلة مسافرين القولد ونحن نفرح ..
بعد شوية الاستاذة تقول لينا يلا نركب القطر...
القطر كان (
التكالة
) البنكتب فيها لانها اعلي من الكنبه ..
نركب في التكالة كلنا وتقول لينا يلا القطر حيتحرك بعد شوية
كل وحده فينا تمسك في الجنبها (
خايفين
) هههههههههه
بعد كده الاستاذه البارعة تقنعنا ليك ان القطر اتحرك وفجأة
تأشر علي الشباك .. شايفين الاشجار دييييك والحيوانات البترعي؟؟؟ نحن بكل براءة نقبل علي الشباك نعاين (
نسينا اننا في الفصل
)
وتبدأ رحلة الخيال الواسع في كل ما يمر بنا ويقابلنا حتي ياتي
مضيفنا ويستقبلنا ويكرمنا من أفضل الوجبات العندهم (
البفره و الكابيدا
)
ويورينا ملامح عامة عن المنطقة وبعد كده نودعة ونركب القطر عشان الحصة الجاية نمشي حته تانية... ههههههههه
وأحلي ما في الموضوع لما ترجع البيت وتحكي ليهم عن الرحلة كأنك مشيت..
وتحكي بالتفصيل وتجي تاني يوم متشوق تركب القطر وتسافر مكان تاني....

زمن جميل بالجد00ياجماعه المتذكر أي حاجه من المقررات حقت زمان00أرجوكم تنزلوها00



avatar
زيزو
مشرف عام حواء شندي
مشرف عام حواء شندي

انثى عدد المساهمات : 687
تاريخ التسجيل : 03/01/2010
الموقع : المملكه العربيه السعوديه /الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف نزار الجمري في السبت 3 أبريل 2010 - 16:29

زيزو مساء الخير ..

الأستاذ قال لينا بكرة ح نسافر رحلة الى القولد عشان نلاقي صديقنا الصديق عندنا صاحبنا كلم ناس بيتن وتاني يوم من الصباح جاء شايل شنطة السفر Smile Smile

المقررات زمان فيها تشويق واسلوب جميل يحبب الطلاب فى المدرسة ابتداء من الجمعية الأدبية وكل يوم الجمعية علي فصل من الفصول..وتعليم الحروف من البداية فى حوش المدرسة و ورق فيه صمغ ومكتوب الحرف بالتراب وعليه صورة اسم يبدا بالحرف أأأأأأأ أسد ن نمر ث ثور ج جرس وتعليم الحساب بالتمرات لو عندك تمرة وادوك عليها تمرة تانية كم تمرة تكون عندك Laughing Laughing والقصب تربط القصبات مع بعض وتقعد تحسب Very Happy
اجمل حاجة كانت لما تلقي الكنز كيس الحلاوة مع القروب بتاعك ونجى نكورك وجدنا الكنز وجدنا الكنز والزيارات الى التاجر والشفخانة والطابونة..
من المقررات امل وبدر أمل كتبت أمل كتبت العمل العمل وبدر رسم
امل كتبت وما رسمت وبدر رسم وما كتب Smile Smile

وسهام والهام فى محطة القطار انا سهام من الخرطوم وانا الهام من حلفا
ومريم الشجاعة
وهجم النمر هجم النمر
والزرقاء لما تطلع فى الجبل Smile
ومن القصائد قصيدة المزارع
زارع الحقل فى البكور عيشك الدهر اخضر
من زراعيك للفقير حبة القمح تولد

وقصيدة شوينا السنبل النضر على الجمر الجمر الطلبة فى الوقت داك كرهونى اسمي Smile Smile
وهيهات هيهات لاجن ولاسحر
بقادرين على ان يلحقو اثرا
هذا المنازل قد مرت على عجل
كانها ومضة للبرق مختصره
وهذا قطيع من الأغنام المحه وهذه دوحة فى ظلها بقرة


زيزو فى داعي للنكيت ده Very Happy Very Happy بجيك راجع نتذكر مراحلنا ومقرراتنا معاك ..
avatar
نزار الجمري
مشرف عام المنتدي الاجتماعي
مشرف عام المنتدي الاجتماعي

ذكر عدد المساهمات : 679
تاريخ التسجيل : 16/03/2010
الموقع : الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف زيزو في السبت 3 أبريل 2010 - 18:48


أهلاً نزاريادُفعه
فعلاً الرحلات الوهميه00كان خيالنا الصغير آنذاك يصورها لنا حقيقة00
وطريقة التدريس نفسها كانت ممتعه ومشوقه00خلتنا نستوعب الدروس والمواد كويس00والدليل إنها مازالت عالقه ومحفوره بالذاكره00
بتذكر القلتو ده كلو00وبتذكر كمان نشيد غنمي ترعى فوق المرعى00
وحلَ الخريف حلَ00أهلاً به وسهلا00
والغراب النبيه وقصتو مع الماء00
آآآآآه ياحليل الأيام ديك00ياحليلو زمن التربيه أولاً00وبعدين التعليم00
أشكر لك حضورك الأنيق نزار00الذي أكسب البوست إشراقاً00
وفي إنتظاركل من ترد بخاطره قصه00أو قصيده00أو درس من الزمن الجميل00
وسيكون هذا البوست بمثابة سياحه مع المحفوظات والدروس من مقررات الإبتدائيه00
حيث الطفوله00والبراءه00والذهن الخالي من الهموم00
avatar
زيزو
مشرف عام حواء شندي
مشرف عام حواء شندي

انثى عدد المساهمات : 687
تاريخ التسجيل : 03/01/2010
الموقع : المملكه العربيه السعوديه /الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف عبدالله حسن بشير في الأحد 4 أبريل 2010 - 7:36

فى القولد التقيت بالصديق
عندما قرات هذا الكلام رجعت بى الذاكره الى تلك الايام الصافيه وعاد صوت الاستاذه الجليله عائشه قدور يرن فى أذنى فهى معلمتنا لمادة الجغرافيا وهى التى كانت تحملنا على أجنحة السعاده فى تلك الرحلات التى زكرتموها أخوتى زيزو ونزار .
رغم مشاغل الحياة ورغم تهالك الزاكره وتشتتها فى محطات الغربه
الا أن تلك المرحله من حياتنا ظلت خالده وأنا شخصيا أتزكر معلمينى وزملائى فى الابتدائى أكثر من أى مرحله أخرى ونزكر منهم الاساتذه عبدالرحمن أبودقن وأبراهيم المليك وصلاح وعزالدين وعبدالله جون وعبدالماجد خليفه وعائشه قدور والمقام والسره عثمان وبنت وهب نسأل الله أن يمد فى أعمارهم ويسعدهم جميعا بقدر ما أنارو لنا الطريق .
ومن زملاء المرحله الذين أشتاق جدا لمعرفة أخبارهم عبدالحليم أبوضوه ومحمد على الشيخ محميد ومحمد عثمان بادى ومجدى على الشيخ وهيثم عمر الياس وخالد الصادق ووليد يحي وخالد ابراهيم ونفيسه محمداحمد بحر ونهى بابكر ومها عماره وهويده ربيع وامل بشير مهدى ومشاعر عزالدين .

ولنا عوده اليكم ومعكم الى تلك الايام الجميله
avatar
عبدالله حسن بشير
مشرف عام المنتدي الثقافي
مشرف عام  المنتدي الثقافي

ذكر عدد المساهمات : 337
تاريخ التسجيل : 04/07/2009
العمر : 44
الموقع : السعوديه ــ حفرالباطن

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف نزار الجمري في الأحد 4 أبريل 2010 - 14:49

عبدالله حسن بشير يسعد مساءك ..
طبعا الطلبة ودفعتك الذكرتهم ديل معظمن أولاد حلتنا محمد عثمان بادي (كنيد ) ودى عمي طوالي وهسي بقي تاجر منقه كبير يتكلم بالواري Very Happy ومحمد علي الشيخ محيمد مقيم فى الطائف وشغال فى شركة وليد يحي ساكن فى الحوش لكن بجى شندي طوالي (اب زلفة ) ونفيسة البحر ماشاء الله دكتورة كبيرة كانت شغالة فى مستشفي شندي مجدي على الشيخ ده طولت منو والله لكن اتوقع قاعد فى غرب شندي وخالد ابراهيم (كلي ) هسي عنده ركشة شغال فى سوق شندي ما تشيل هم الاجازة فى شندي الترحيل ملح Smile Smile وهيثم عمر الياس (الشفقة ) بقي تاجر وعنده دكان بقعد في طوالي فى مربع 7 فاتح فى (ترعة فرانكة )
avatar
نزار الجمري
مشرف عام المنتدي الاجتماعي
مشرف عام المنتدي الاجتماعي

ذكر عدد المساهمات : 679
تاريخ التسجيل : 16/03/2010
الموقع : الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف عبدالله حسن بشير في الأحد 4 أبريل 2010 - 16:52

مشكوووووووور اخى نزار صدقنى سعدت جداً جداً لهذه الاخبار الحلوه عن دفعتى وربنا يديك ألف ألف عافيه ويسعدك ويسعدهم جميعاً ويجمعنا بهم فى الافراح انشاءالله
avatar
عبدالله حسن بشير
مشرف عام المنتدي الثقافي
مشرف عام  المنتدي الثقافي

ذكر عدد المساهمات : 337
تاريخ التسجيل : 04/07/2009
العمر : 44
الموقع : السعوديه ــ حفرالباطن

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف نزار الجمري في الأحد 4 أبريل 2010 - 22:08

تسلم يا ود البشير وربنا يسعدك وينور طريقك..
زيزو ازيك..
هاك اتذكري القصائد دي
ام الحمائم مرة قالت لهم لا تخرجوا
قالت لهم فــــــــــــي عشهـــــــــــــم
قالت لهم لا تخـــــــــــــــــرجوا
فضحكوا من قولها ولم يحسوا بالخطــــر
وخرجوا من عشهم ولم يحســـوا بالخطــــر
لكن أتاهم ثعلب فأكــــــــــــــــــــــل الحمائــــــــــــم
وجد المكان خاليا.... فأكل.... الحمـــــــــــــــــــــائـــم.


يا ابنتي إن اردت اية حسن وخلق
فانبذي اية التبرج نبذا....
فجمال النفوس اسمي واغلي
يصنع الصانعون وردا ولكن
وردة الروض لا تضارع..شكلا...

إن الكريم... كالربيع
تحبه للحسن فيـــه
وتهش عند لقاءه
ويغيب عنك فتشتهيه
لايرتضي ابدا
لصاحبه الذي لايرتضيه
وأذا تاّمر حاسديه
بكي ورق لحاسديه
كالورد ينفح بالشذي حتي انوف السارقيه



العجب يوم النتائج الخلت عواستا والخلت ملاحا فى النار والحريم اتكسرن وقعدن اها ياود فلان جيت الكم لو من الاوائل جيد لي جيد لي لو مطفش اريتو عمار اليابه والتابه Smile Smile ماذي شفع الزمن ده النتيجة فى الانترنت لاشقو بيها حلة ولا زازو بالشارع لغاية الناس ما تدخل بيوتا Very Happy Very Happy :
avatar
نزار الجمري
مشرف عام المنتدي الاجتماعي
مشرف عام المنتدي الاجتماعي

ذكر عدد المساهمات : 679
تاريخ التسجيل : 16/03/2010
الموقع : الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف sala35 في الإثنين 5 أبريل 2010 - 6:34

تسلمى يازيزو على الافكار الحلوة وجد زكريات الدراسة الاولى مابتتنسى وتظل راسخة .
فى القولد التقيت بالصديق متذكرة الحصة دى ذى امبارح وحافظاها باللحن ترررررررتررررررررم...
والله يانزار ماشاء الله اظنك كنت شاطر فى الابتدائى ولا عمار التابه؟
والمنتدى دا ياعبدالله جمعنا كلنا وشوف انت الليلة عرفت اخبار دفعت والله بختك.
التحية تانى وتالت وعااااشر للرائعة زيزو......... 
avatar
sala35
مشرف عام المنتدي الاجتماعي
مشرف عام المنتدي الاجتماعي

انثى عدد المساهمات : 773
تاريخ التسجيل : 22/01/2010
الموقع : القاهرة

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف نزار الجمري في الإثنين 5 أبريل 2010 - 17:04

سلاااااا عندي خالتي ربنا يرحما ويجعل قبرها روضة من رياض الجنة بتقول اريتو عمار هاشم وميرغني وديل أولادها الكبار اها أنا كنت من عمار هاشم وميرغني ديل Smile Smile
avatar
نزار الجمري
مشرف عام المنتدي الاجتماعي
مشرف عام المنتدي الاجتماعي

ذكر عدد المساهمات : 679
تاريخ التسجيل : 16/03/2010
الموقع : الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف بنت نمر في الإثنين 5 أبريل 2010 - 17:20


اله يعطيك العافية يازيزو دايما مواضيعك متميزة وحلوة جدا
لي قطة صغيرة
سميتها سميرة

تنام في الليل معي

وتلعب باصابعي

وشعرها جميل

وذيلها طويل

ودايما تغني

ولا تخاف مني

لانني احبها

ولا اريد ضربها

وده كان نشيد سنة اولي ابتدائي

لكن الملاحظ اننا كلنا درسنا (في القولد التقيت بالصديق) بنفس طريقة التشويق ياربي لي(
التحية لكم جميعا
avatar
بنت نمر
شنداوي مميز
شنداوي مميز

انثى عدد المساهمات : 313
تاريخ التسجيل : 05/02/2010
العمر : 29
الموقع : الخرطوم

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف زيزو في الثلاثاء 27 أبريل 2010 - 20:22

التحيه لكم جميعاً00ولكل من مرَ وعطَر هذا البوست00بذكريات الطفوله00والإبتدائيه00

و هناك الدجاجة الصغيرة الحمراء ( زرعته وحدي وحصدته وحدي وسأكله وحدي)و لتقم صاحبة الحاجة الى حاجتها و بتول تعودعند الغروب ومريم والقطار و سهام والهام في القطار وما تنسوا رحلات الجغرافيا وسليمة بائعة اللبن وهي كما في الكتاب المطالعه كانت سليمة العربية تحلب كل يوم بقرتها في برمة ، كانت تذهب إلى السوق لتبيع اللبن، وكانت جارتها ست البنات تذهب أيضاً يلبنها ، وتبيعه في نفس السوق ، وتعودلأولادها بالطعام والسكر والشاي والحلوى ، أما سليمة فما كانت تجد أحداً يشتري منهاوكان يحمض فتعود به إلى المنزل حزينة تبكي .
وفي يوم من الأيام قالت سليمةحكايتها لست البنات فقالت لها ست البنات (إني أعرف طريقة حسنة ، بها يمكن أن تبيعياللبن ، أرسلي لي البرمة كل يوم قبل الحلب)
فوافقت سليمة ، وكانت ترسل البرمةلست البنات كل يوم قبل الحلب وبعدما تعود البرمة كانت سليمة تحلب اللبن ، وتذهب إلىالسوق وتبيعه جميعه ، ثم ترجع مسرورة لأولادها .
وفي يوم من الأيام ، سالت سليمةست البنات عن السبب في أخذ البرمة كل يوم ، وأنها الآن تبيع كل اللبن ، وكانت لاتبيعه من قبل ذلك ، فقالت لها ست البنات : السبب سهل وهو أني أغسل البرمة كل مرةغسلا جيداً ، ثم أجففها وأردها إليك . وبذلك يكون اللبن نظيفا ويشتريه الناس
.
فشكرت سليمة صديقتها وصارت تعمل مثل ذلك كل يوم
.

وايضا اتذكر برز الثعلب يوما في ثياب الواعظينا والفيل الظالم والنملة

وكيف عرف الأنسان الاول النار و الأعمى والمقعد والقصة هي كان في قديم الزمان ملك عادل . وكان هذا الملك يحبه الناس وكان يسكن في مدينة إسمهاالكوفة
.
وفي يوم عيد الأضحى دعا الملك سكان الكوفة جميعهم للعشاء ولما سمعالناس الخبر ذهبوا إلى منزله من كل مكان
.
وكان في الكوفة رجل أعمى ، وكان يسكنفي جواره رجل مقعد واراد الأعمى أن يذهب وحده إلى الحفلة فلم يقدر . واراد المقعدأن يذهب وحده فلم يقدر . ففكر الأعمى والمقعد في طريقة للوصول لبيت المنزل
.
ركب المقعد على كتف الأعمى . وكان الأعمى يمشي والمقعد يقول له يمينك ، شمالك ،أمامك .... حتى وصلا إلى حفلة الملك فلما أبصر الملك رحب بهما . وسألهما كيف وصلا
إليه ، فذكرا الحكاية ، وكيف تعاونا على الوصول إليه ، فسر الملك واكرمهم


وغيرها الكثير الكثير00ياليت تجود به الذاكره00
avatar
زيزو
مشرف عام حواء شندي
مشرف عام حواء شندي

انثى عدد المساهمات : 687
تاريخ التسجيل : 03/01/2010
الموقع : المملكه العربيه السعوديه /الرياض

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف ام تسابيح في الأربعاء 28 أبريل 2010 - 6:58

ما شاء الله علي الزاكرة الفولاذية العندكم دى ...
نزل المطر ..
ونزل ونزل ..
فرح اهل البلد..
والحافظ الباقي يكمل..
وبتزكر امل وبدر
امل كتبت
وبدر قرأ
امل كتبت ..
الولد ولد البلد
وبدر قرأ ..
الولد ولد البلد
امل كتبت وقرأت
وبدر كتب وقرأ..
وبرضو كتابة الحروف والارقام بالرملة علي ورقة فيها صمغ وكانت في حصة مهمة شديد وهي حصة الاعمال اليدوية وكان بطلعونا في حوش المدرسة ونلعب بالطين وكل واحد يبدأ يبدع في التشكيل (طبعا الاعمال دي هسه بقت بالصلصال وما شابه لكن اكتشف علماء التربية وعلم النفس انه لا بدبل للعب بالرمل والطين
ومن اهم فوائده انه بطريقة ما يشكل جزء كبير من بناء دواخل الانسان وتنمية مهاراته)) برضو كان في حصة الزراعة وجدول نضافة الفصول قبل الطابور ..
من الدروس البتزكرا درس طه القرشي كان ممتع وشيق الا انى اكتشفت فيما بعد انو الدرس دا فيه اساءةلاسم الرسول صلي الله عليه وسلم... وكانت بتعجبني قصة مريم الشجاعة ومحمود والنمر.
والله زكريات ما بتتنسي.. والجمعيات الادبية وجريدة الفصل واهم شئ حب المدرسين واحترامهم والخوف منهم في نفس الوقت
انا لحدي هسة لما اقابل مدرساتى بقول ليهم ست فلانة وست فلانة وما بقدر ارفع عينى في عيونهم..
ولنا عودة
avatar
ام تسابيح
مشرف عام حواء شندي
مشرف عام حواء شندي

انثى عدد المساهمات : 1275
تاريخ التسجيل : 04/02/2010
العمر : 42
الموقع : المدينه النبوية

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف محمد أحمد مصطفى في الخميس 29 أبريل 2010 - 20:30

الحمد لله كنت احسب نفسي عجوز المنتدى اقصد بعد الباشمهندس محمد احمد الامين ولكن بحمد الله وجدت الزي كتار كما اعيب على الجميع الاسماء المستعارة وعدم كتابة الاعمار يا جماعة نحن اهل انا بعد بحث عرفت الكثيرين في المنتدى او اعرف اهلهم ومنهم نزار ونعيمة وسلا ولوكا ومحمد احمد محمد الامين
يعني في ناس من زمن المدونة وفي القولد التقيت بالصديق الحمد لله
avatar
محمد أحمد مصطفى
شنداوي فضى
شنداوي فضى

ذكر عدد المساهمات : 84
تاريخ التسجيل : 09/04/2010
العمر : 57

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف ام تسابيح في السبت 1 مايو 2010 - 19:19

والله فعلا الناس اهل
والدنيا دي بقت صغيييييرة
لكن معروف انو ناس شندى
كلهم بتعارفوا ..
انا طبعا من قرية مويس ومع ذلك
عرفت عدد من الاعضاء
وبرضو كتبت قبل كدا
اني بحمد الله انى من جيل
السبعينات ..
والسن بتضاحك نديدا
ولا شنو يا سلا
avatar
ام تسابيح
مشرف عام حواء شندي
مشرف عام حواء شندي

انثى عدد المساهمات : 1275
تاريخ التسجيل : 04/02/2010
العمر : 42
الموقع : المدينه النبوية

الرجوع الى أعلى الصفحة اذهب الى الأسفل

رد: في القولد إلتقيت بالصديق

مُساهمة من طرف زيزو في السبت 1 مايو 2010 - 20:57

محمد أحمد مصطفى كتب:الحمد لله كنت احسب نفسي عجوز المنتدى اقصد بعد الباشمهندس محمد احمد الامين ولكن بحمد الله وجدت الزي كتار كما اعيب على الجميع الاسماء المستعارة وعدم كتابة الاعمار يا جماعة نحن اهل انا بعد بحث عرفت الكثيرين في المنتدى او اعرف اهلهم ومنهم نزار ونعيمة وسلا ولوكا ومحمد احمد محمد الامين
يعني في ناس من زمن المدونة وفي القولد التقيت بالصديق الحمد لله



ياريت لو تعرِفنا أكتر بي نفسك يا أخ محمد00والمثل بقول : المابعرفك يجهلك00
avatar
زيزو
مشرف عام حواء شندي
مشرف عام حواء شندي

انثى عدد المساهمات : 687
تاريخ التسجيل : 03/01/2010
الموقع : المملكه العربيه السعوديه /الرياض

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى