لكل صاحب احساس مرهف وقلب شفاف

في مثل هذه الايام من العام قبل الماضي كانت فاجئه أليمه لكل صاحب احساس مرهف ولكل صاحب وجدان نابض بالشفافيه ولكل ذو ذوق عال ... في مثل هذه الايام رحل عنا امير الغناء السوداني الراحل المقيم عثمان حسين ( طيب الله ثراه بقدر مااعطي لهذا الشعب ) بكته القلوب قبل العيون وادمت له العيون وشيعه الرجال والنساء والاطفال في نعش مغطى بعلم السودان يتقدم الموكب رئيس الدوله في موكب مهيب حزين ومؤلم ايما ألم.
ونحن اليوم بصدد احياء ذكرى الفنان العملاق عثمان حسين وإن كان لم ولن يفارق خيال ووجدان الشعب السوداني لحظه
شارك في هذا البوست بكلمات اعجبتك لامير القلوب الفنان الراحل المقيم عثمان حسين

ليه تقول ايامنا راحت وإنتهينا
ياحبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل عذابها
*****
كنت عايش كل أيامك محنة
وانا بحرق كل عمري .. في الصبابة
ياحبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا .. والمظنة
نمشي في درب الأماني المستطابة
*****
لست أدري هل عذابي أم عذابك كان أكثر
حين شق الدهر بينا والفراق المر أجبر ..
فلماذا كنت تخشى ماضي المسير
*****
كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي ...
****
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة
******
ليه ماتصبر .. ونتحمل يا حبيبي
بكرة تلقى الدنيا بي خيرها .. ونعيما

Sad

لى متين يلازمك في ... هواك مر الشجن
ويطول بايامك سهر ... ويطول عذاب
يا قلبـــى لوكانت ... محبتــــه .. بالثمن
يكفيك هدرت عمر ... حرقت عليه شباب
لكن هواه أكبر ... وما كــــان ليه ثمن
والحسرة ما بتنفع ... ومــــا بجدى العتــــاب
أحســـــن .. تخليـــه ... لـــى الليالى والزمن
يمكن يحس ضميره ... ويهديه لــــى الصواب
لكنى اخشى عليه ... مــــن غـــدر الليــــالى
وأخشى الامانى تشيب ... وعشّنا يبقى خالى
وهو لسع في نضارة ... حسنه فى عمر الدوالى
ما حصل فارق عيونى ... لحظة او بارح خيالى
اغفـــر لــه يا حنيــِّن ... وجــاوز لـــو ظلم
ما اصلها الأيام مظالم والعمــر غمضة ثواني
واصبر على جرحك ... وإن طــــال الألم
بى جراحنا بى أشواقنا ... بنضوى الزمن
انا عارفه بكره بيعود ... فى رعشـــة ندم
ننسى الحصل بيناتنا ... والسهر اللى كان
تصبح حياتنا نغم ... وعشنــــا يبتســــم
وتعود مراكب ريدنا ... لـــــى بر الأمان

ياسلااااااااام عليك يا حبيبنا أبو فادي
علي الكلام الجميل والفنان الأجمل
صاحب الصوت الشجي والكلمات الرائعة
عثمان حسين
ربنا يرحمه ويحسن إليه..

نهديك ..

تسلم عزيزي على الابيات الشجية ....

يديكم العافيه وشكراً الاخ نزار والغاليه ام فادي تسلموا

أحييك أخي عبدالعزيز على الإحساس المرهف00وروعة الإختيار لأجمل أغاني الفنان الراحل المقيم عثمان حسين00
و طبعاً أغانيه كلها درر
وأسمح لي بأن أساهم في هذا البوست الرائع بواحده من أغانيه
وهي

كل لحظه
كل لحظة بتمر على
أنت فى خاطرى وعيني
أنت في فني البعيشو
في المدى في الأبدي

قدر ما حاولت أخاصمك
وأنسى أحزاني وأسايا
واكتم الغيرة في قلبي
وأطوى جرحى في الحنايا
القي أثرك في حواسي
وظلك يتبعني في خطايا
ألقى كل الدنيا حولي
تنادي اسمك معايا

في حياتي قبلك أنت
عشت قصة حب قاسية
لسه ما زالت بقلبي
زكرياتها المره باقية
لما هليت في وجودي
و قلت بيك سعادتي باقية
لكن أنت هدمت أملي
بعد عشره نبيلة سامية

أنا لوعارف خصامك
لي أيامه بتطول
كنت ما اترددت لحظة
لما حار بى الدليل
أنسى ظلمك وأرجى حلمك
وأنسى كل الراح قبيل
أصلو حبك فوق ارادتي
وحبي قام بالمستحيل

والسؤال : هل سيجود الزمان بمن يأتي بمثل هذا الفن الراقي00والإحساس المرهف والنبيل لكل صاحب احساس مرهف وقلب شفاف Icon_question

ولي عوده بإذن الله لهذا البوست مره أخرى ...برائعه من روائع الراحل المقيم

شكرا اختى زيزو وربنا يديك العافيه ده دليل واضح على فهمك الراقي وحسك العالي واكيد عثمان حسين رائد من رواد الفن السوداني يطرب له القلب قبل الاذن وقليل من ابناء هذا الجيل من يعرف مقدار هذا الفنان الرائع

من أجمل الاغنيات التى تغنى
بها الراحل المقيم عثمان حسين..
فهو من علمنا الشجن والحنان
والمحبة والغفران للحبيب
وكل المعانى السامية التى
تحملها اغانيه..

لا وحبك
لو خلاص انكرت حبي..
في النهاية .. لا وحبك
لا وحبك لن تكون ابدا نهاية ..
انت عارف نظرتك كانت بداية
و ما اتغيرت..
ما بتغير حبنا.. ناس قالو وشاية
انت وحدك يا حبيبي اخترت قلبي
و كنت حابك..
كنت تتمنى اطيب حسنك
و ازدهي شبابك..
رحت تغريني ..
تغريني بحنانك ومرة تغمرني بعتابك..
كل يوم تزرع حياتي بالامل و يهون عذابي..
كنت في قمة شعوري ..
قلت فيك اجمل غنايا ..
فجأة يتبدل مصيري ..
القا احلامي وسمايا..
لا لا لاوحبك يا وحيدي ..
مستحيل نرضى النهاية..
حبنا اكبر من الدنيا و اطول من سنينا..
فيه من وطني المسالم كلو طيبة و اغلى زينة..
فيه من عاطفتي معنى الكلمة و العشرة الامينة..
نبني للعشاق منارة وتفرح الحزينة...
و برضو يحصل..
تنسى عشك ..
في النهاية ..
لا وحبك لن تكون ابداً نهاية

كيف لا اعشق جمالك

ما رأت عيناى مثالك.. و كيف لا اعشق جمالك
كيف لا اعشق جمالك ..و انت مغرى
زنت بى ادبك جمالك..و انت سحرى
فيك اجمل شي خصالك..و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
بسمتك توحى الاغانى
و اسمى ايات المعانى
فى هواك لاقيت هوانى..و بيهو راضى
معتلى قلبى و لسان
انت ذى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك..
انت رافل فى نعيمك
و بس انال منك جحيمك
و قول لى كيف اظفر بليمك
نارى تطفا..روحى ترفا
فى سما العز ذى كماك
كيف لا اعشق جماك

لو قلتو حبيبي سلاني
ودع حبه ونساني
ما بصدقكم
ده حبيبي الروح بالروح
أنا عارف حبه إلي
داري بعطفه علي
نساني غرامي البيا
قاسمني الليالي الهنية
ضم الفؤاد ذكراها
أزكى الخيال معناها
ولو قلتو حبيبي سلاني
ما بصدقكم
غرامنا أسمى غرام
ما بطوله أي حسود
زايد مع الأيام
وتصونه أغلى عهود
حبيبي العهود راعيها
مهما الزمن طال بيها
لو قلتو لي نا سيها
مابصدقكم
خلاص اتجمعوا القلبين
خلاص اتوحدوا الأملين
وأصبحنا رغم البين
روح واحدة في جسدين
مهما تقولوا ظلمني
مهما تقولوا هجرني
لو باع لحبي خدعني
ما بصدقكم
ده حبيبي الروح بالروح

عشرة الأيام ما بصح تنساها ...

كانه ما حبيتك وكأنه ما عشناها

وضمانا أحلى غرام .....

ليه تجفى دون اسباب ... من غير عتاب او لوم

اخترت غيري صحاب ... واصبحت قاسى ظلوم

هان ليك فراقى خلاص ... وانا برضى حولك احوم

كان عهدى بيك ترعاه ... واجمــل صلاتنا تدوم ...

آمـــــل المحبة ســـــلام ....

بعــدك أمانى هواى ... بعـــدك جنيته عــــدم

ولا عرفـــت صديق ... لقلبى غير الهــــم

كم غيرى يشدو سعيد ... وانا في هواك مغرم

ورينى ايه ضراك ... لو كان صبرت شوية

واسلم من الأوهـــــام

ما كان فراقنا المر ... في بيتى أو فى ايدي

لكن ظروفك أبت ... وقست ظروفي علي

واتلاشت الأحلام ... وين حسن ظنك بي

ورينى إيه ضراك ... لو كان صبرت شويه

لكل صاحب احساس مرهف وقلب شفاف

لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

رد: لكل صاحب احساس مرهف وقلب شفاف

حبيب الروح

عشرة الايام

رد: لكل صاحب احساس مرهف وقلب شفاف