خواطر من شندي

وانا اقلب في اقسام المنتدي لقيت خبر وفاة العم وزوجة اخيه في حلة قريش تغمدهما الله بواسع رحمته ...
ورجعت بي الزاكره لاخر زياره لمدينة شندي قبل 5 سنوات وصادف تاني يوم لوصولي اول يوم في رمضان
وكان يوم لا ينسي وانا في ضيافة العم العزيز عباس الاسيد وابناءه الكرام استاذ السر صاحب محل الاستاذ للتفصيل
بسوق شندي وايضا شقيقه عبالعظيم بمنزلهم العامر بحلة قريش وايضا اخوة اعزاء كانو معنا في تمبول اذكر منهم
حمزه سعد والاخ وحيد كامل واسامه ابو القاسم الكباكا وعوض الزبير وكثيرين ما اروعك ياشندي واتمني ان ازورك في اقرب فرصه
وتحياتي لكم جميعا اهل شندي الرائعون .

شكرا لك اخي خالد وهذا وفاء منك لنفر كريم من ناس شندي .
شندي مازالت بنفس طابعها ونفسها واهلها ناس حارة وواجب .
لو جاء اي ضيف ونزل في السوق لابد يكرموهو في البيوت حتى بالمهلة يعرفوهو داير منو ويوصلوهو لي غرضو ،وماعندنا ضيف بنزل في لكوندة وحتى لما اتعملت لكوندة في شندي ،مالقت رواد لاننا كلنا في البصات الداخلة لي شندي من الخرطوم بالذات بالعصر والمساء نتأكد انو الزول الراكب بي جوارنا من البلد ولو ضيف لازم نوصلو ونتأكد انو ممكن يصل الجهة التي يقصدها ولو كان في شك بانو ممكن يتجهجه في الليل داك او قاطع بالغرب والبنطون مامضمون ،فالناس عادي بحلفو عليهو حليفة قوية يمشي معاهم بيوتم ،وحتى النسوان بحلفن واثقات علي الضيف ويقولن ليهو ياولدي لازم تمشي معانا البيوت تصبح الواطة وبكرة صباحاتا بيض ،وهذا الكلام ياجماعة ماهو حجا وهذه هي شندي الماضي والحاضر .
شكرا لك اخي ود تمبول مرة تانية فلايحفظ حق الكرام الا الكرام ،
واذا جيت شندي تاني لازم تزورنا وحااوصف ليك انشاء الله ..

تسلم يااخ كبسور ولك جزيل الشكر واهل شندي اهل الكرم والجود بحق وحقيقه
واكبر دليل وجودي حاليا بيناتكم في المنتدي ماشفت منكم الا طيبه المعشر وحلاوة الاستقبال
شكرا شندي واهل شندي واكيد لوزرتها من جديد حاديك خبر واتمني بالمقابل اي واحد جابتو الظروف بلدنا
يصلنا وتب مابنقصر معاهو وتسلم يارائع بروعة وجمال شندي .

خواطر من شندي

خواطر من شندي

رد: خواطر من شندي

رد: خواطر من شندي