بحـث
المواضيع الأخيرة
المتواجدون الآن ؟
ككل هناك 11 عُضو متصل حالياً :: 0 عضو مُسجل, 0 عُضو مُختفي و 11 زائر :: 2 عناكب الفهرسة في محركات البحثلا أحد
أكبر عدد للأعضاء المتواجدين في هذا المنتدى في نفس الوقت كان 341 بتاريخ السبت 2 أكتوبر 2021 - 9:05
آخر صيحات الموضة ( بيت البكا في السودان(
5 مشترك
صفحة 1 من اصل 1
آخر صيحات الموضة ( بيت البكا في السودان(
ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مأهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح!
عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد كبير من مكيفات الهواء تغطى أرضيته (السجاد) لزوم (عدم الغبار وكده)!
عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضع امام كل صينية عدد من زجاجات المياه المعدنية البااااردة!
فى صالون النساء جلست سوسو (فى الأصل اسمها ستنا قبل أن يصبح حسن يورو رجل أعمال) على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!
همست (سوسو) لجارتها وصديقتها (نوسة)
- كلمتى (عوضية ردحى)؟
- والله (عوضية ردحى) دى قالو عندها بكاء فى (مدنى) سافرت مشت ليه، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالها! وأديتو مليوووووون عربون مقدم.
- وشالت منك البيانات!
- أديتا ليها كلها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟
انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا)..
وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء:
ووووب ووووب وووووووووووووووووووووووووووووووووووووووووووووووووو ب..
ثم تبدأ (حنان سكليب) فى السكلى و(الوصف) وهن يرددن خلفها:
- ووووب عليا والله ليا يا حسن يوروو يا البتدى البتدورو والما بتدورو
ووووب عليا والله يا صغير وجاهل يا البتجيب القروش بالساهل
يا ود امي.. هيء يء يء يء ..
الكورس : وووب ... وووب ...ووووووووب
الليله يا حليلك يا زين الرجال ياملك الدولار يا البتستر الحال
الليله يا حليلك يا البتشيل من البنوك وتشتت قبال ما يلحقوك
يا ود امي.. هيء يء يء يء ..
الكورس: وووب ... وووب ...ووووووووب
الليلة وينك إنتا يا الإسبليت هبوبك والهمر ركوبك
الليله وينك إنتا يا البنيت المقصورة وركبت النافورة
الليله وينك إنتا يا أب جيوب منفخة وأب عربية مصفحة
يا ود امي.. هيء يء يء يء ..
الكورس: وووب ... وووب ...ووووووووب
يا حليلك الليله يا البتفك الصعيبة ويا البتسجل اللعيبة
يا حليلك الليله يا جوكى البنوك يا التهريبك بالسنبوك
يا ود امي.. هيء يء يء يء ..
الكورس: وووب ... وووب ...ووووووووب
ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة:
- قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو
منقول للفائدة
جريدة الراي العام
عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد كبير من مكيفات الهواء تغطى أرضيته (السجاد) لزوم (عدم الغبار وكده)!
عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضع امام كل صينية عدد من زجاجات المياه المعدنية البااااردة!
فى صالون النساء جلست سوسو (فى الأصل اسمها ستنا قبل أن يصبح حسن يورو رجل أعمال) على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!
همست (سوسو) لجارتها وصديقتها (نوسة)
- كلمتى (عوضية ردحى)؟
- والله (عوضية ردحى) دى قالو عندها بكاء فى (مدنى) سافرت مشت ليه، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالها! وأديتو مليوووووون عربون مقدم.
- وشالت منك البيانات!
- أديتا ليها كلها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟
انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا)..
وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء:
ووووب ووووب وووووووووووووووووووووووووووووووووووووووووووووووووو ب..
ثم تبدأ (حنان سكليب) فى السكلى و(الوصف) وهن يرددن خلفها:
- ووووب عليا والله ليا يا حسن يوروو يا البتدى البتدورو والما بتدورو
ووووب عليا والله يا صغير وجاهل يا البتجيب القروش بالساهل
يا ود امي.. هيء يء يء يء ..
الكورس : وووب ... وووب ...ووووووووب
الليله يا حليلك يا زين الرجال ياملك الدولار يا البتستر الحال
الليله يا حليلك يا البتشيل من البنوك وتشتت قبال ما يلحقوك
يا ود امي.. هيء يء يء يء ..
الكورس: وووب ... وووب ...ووووووووب
الليلة وينك إنتا يا الإسبليت هبوبك والهمر ركوبك
الليله وينك إنتا يا البنيت المقصورة وركبت النافورة
الليله وينك إنتا يا أب جيوب منفخة وأب عربية مصفحة
يا ود امي.. هيء يء يء يء ..
الكورس: وووب ... وووب ...ووووووووب
يا حليلك الليله يا البتفك الصعيبة ويا البتسجل اللعيبة
يا حليلك الليله يا جوكى البنوك يا التهريبك بالسنبوك
يا ود امي.. هيء يء يء يء ..
الكورس: وووب ... وووب ...ووووووووب
ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة:
- قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو
منقول للفائدة
جريدة الراي العام
احمد علي ابراهيم- شنداوي مميز
- عدد المساهمات : 296
تاريخ التسجيل : 03/05/2010
رد: آخر صيحات الموضة ( بيت البكا في السودان(
هكذا وللاسف هذا ماسيؤول اليه حال بيت البكا فى السودان
ولفترة قريبة كنا نرى الترابط والتعاضد ووقفة الرجل الواحد فى العزاء
لكن مع مجاراة العولمة والاستلاب الثقافى صارت الاشياء بنكهة الفشخرة والبوبار وصار كل شئ ممكنا.
احتمال يكون فى مبالغة فى التصوير بس دا مابنفى انو حايجى يوم ونكون كده لانو العلامات دى بدت تظهر وخاصة الاكل الفخم والشهية المفتوحة.
اللهم انا نعوذ بك من شرور انفسنا...
اللهم ارحم موتانا وموتى جميع المسلمين..
ولفترة قريبة كنا نرى الترابط والتعاضد ووقفة الرجل الواحد فى العزاء
لكن مع مجاراة العولمة والاستلاب الثقافى صارت الاشياء بنكهة الفشخرة والبوبار وصار كل شئ ممكنا.
احتمال يكون فى مبالغة فى التصوير بس دا مابنفى انو حايجى يوم ونكون كده لانو العلامات دى بدت تظهر وخاصة الاكل الفخم والشهية المفتوحة.
اللهم انا نعوذ بك من شرور انفسنا...
اللهم ارحم موتانا وموتى جميع المسلمين..
sala35- مشرف عام المنتدي الاجتماعي
- عدد المساهمات : 773
تاريخ التسجيل : 22/01/2010
الموقع : القاهرة
رد: آخر صيحات الموضة ( بيت البكا في السودان(
الحل الوحيد هو الرجوع للسنه والدين وماتبقي ميته وخراب ديار الواحد جاي يعزي ولا جاي يتغذي سبحان الله
رد: آخر صيحات الموضة ( بيت البكا في السودان(
سبحان الله00أين ذهبت هيبة بيت البكا00أين الإحساس بمصيبة الغيرومصابه الجلل 00وده مرض إجتماعي00بل ممكن نسميه نفسي00
وملاحظ في هذه الفتره تغير نفسية الإنسان السوداني00فنجدحاجات دخيله ظهرت على مجتمعنا السوداني00فبدينا نقرا في الصحف وفي كل وسائل الإعلام عن ظهور جرائم غريبه لم نسمع بها أونشاهده إلاَ في الصحف والقنوات الأجنبيه00من حوادث إختطاف وإغتصاب أطفال00
وفلان قتل صاحبو00وىخر قتل أبوه 00وثالث حطضم رأس زوجته بالساطور00وووووو إلخ00 ده شنو ده 00فحقيقه النفسيه السودانيه إتغيرت00فما السبب00هل هي القنوات الفضائيه 00والسماء المفتوح أم ماذا00أرجو أن يناقش هذا الموضوع بجديه ( تغير النفسيه السودانيه ) لماذا
زيزو- مشرف عام حواء شندي
- عدد المساهمات : 687
تاريخ التسجيل : 03/01/2010
الموقع : المملكه العربيه السعوديه /الرياض
رد: آخر صيحات الموضة ( بيت البكا في السودان(
لكن مبااالغه ..
وللاسف هذا ما سيصبح عليه حال النااس
واسي في الرياض كمان طالعه موضه العزى في السترااحات !!!
احنا جاين نعزي ولا نترفه؟
نسأل الله الهديااايه ....
وللاسف هذا ما سيصبح عليه حال النااس
واسي في الرياض كمان طالعه موضه العزى في السترااحات !!!
احنا جاين نعزي ولا نترفه؟
نسأل الله الهديااايه ....
dooody- شنداوي ماسى
- عدد المساهمات : 142
تاريخ التسجيل : 27/05/2010
العمر : 32
الموقع : الرياض
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 1 مارس 2024 - 22:40 من طرف عبد الرحمن احمد الحاج
» كلامات
الخميس 1 فبراير 2024 - 18:57 من طرف عبد الرحمن احمد الحاج
» اللهم رحمتك
الأحد 3 ديسمبر 2023 - 16:43 من طرف عبد الرحمن احمد الحاج
» سجل دخولك للمنتدى بالصلاة على سيدنا محمد صلى الله عليه وسلم.
الأحد 3 ديسمبر 2023 - 16:40 من طرف عبد الرحمن احمد الحاج
» سجل حضورك باسم منطقة؛ معلم بارز ؛شخصية من مدينة شندي
الأحد 3 ديسمبر 2023 - 11:53 من طرف عبد الرحمن احمد الحاج
» اين انتم؟؟
الخميس 17 أغسطس 2023 - 12:09 من طرف عبد الرحمن احمد الحاج
» كيف نجعل من شندي مدينة نموذجية ؟؟؟
الأحد 12 سبتمبر 2021 - 21:02 من طرف عبد الرحمن احمد الحاج
» ذكريات قروي
الأحد 12 سبتمبر 2021 - 20:57 من طرف عبد الرحمن احمد الحاج
» رسائل إداريـة
الأحد 12 سبتمبر 2021 - 20:07 من طرف عبد الرحمن احمد الحاج
» اللهم ارحم عمنا عبد الله أحمد عباس
الخميس 4 يونيو 2020 - 14:00 من طرف الحسين محمد
» إلى جنات الخلد برحمة الله عثمان عبدالله هلال
الخميس 21 مايو 2020 - 12:44 من طرف الحسين محمد
» الشاعر المركون وشعره المهجور
الأربعاء 6 مايو 2020 - 8:55 من طرف الحسين محمد
» نعي وتعزية
الإثنين 4 مايو 2020 - 9:02 من طرف الحسين محمد
» نشاط الجمعيات التعاونية في شندي وريفها
الثلاثاء 28 أبريل 2020 - 13:17 من طرف الحسين محمد
» رمضان مبارك
الثلاثاء 28 أبريل 2020 - 13:13 من طرف الحسين محمد
» تأكل
الجمعة 8 يونيو 2018 - 5:23 من طرف الحسين محمد
» نميري وقصص منسوجة
الخميس 7 يونيو 2018 - 12:38 من طرف الحسين محمد
» رحل كمال عليه الرحمة
الثلاثاء 5 يونيو 2018 - 7:00 من طرف الحسين محمد
» انا لله وانا إليه راجعون
الجمعة 25 مايو 2018 - 18:01 من طرف الحسين محمد
» إنا لله وإنا إليه راجعون
الأربعاء 28 مارس 2018 - 8:40 من طرف الحسين محمد