صرخه في ضمير الإنسانيه

السلام عليكم: كنت اتصفح الإنترنت كعادتي كل صباح كتبت اطفال المايقوما وعملت بحث في قوقل لقيت صور تقطع القلب وتدمي العينين صور اطفال ذي فلقة القمر لكنهم اطفال بدون ام وأب اطفال لاذنب لهم في هذه الحياه سوي جريمه ارتكبها ابوان مات فيهما الضمير والاحساس وضعوا في ملاجىء واخرين في الطرقات تنهشهم الكلاب أو تمتد لهم يد حانيه بالرحمه والإنسانيه
كيف سيعيش هؤلاء الإطفال ؟
أي ذنب ارتكبوه في هذه الحياه ؟
كيف سيكون وضعهم في المجتمع ؟
كيف سيكون الطفل اباً سوياً والطفلة أماً سويه؟
كيف سيعاملهم الناس وينظر لهم المجتمع وبأي ذنب يحاكمهم هذا المجتمع؟
تساؤلات كثيره مرت بخاطري الا لعنة الله على كل أب وأم غاب عنهم الضمير وإنقطعت عن قلوبهم الرحمه والشفقه والإنسانيه

تنبيه ( ياشباب الموضوع دا اكيد مهم وحساس وبوجع كل واحد اتمنى انو كل واحد قرأ البوست دا يشارك معانا فيه ومايمر مرور الكرام لانو الموضوع واجعني شديد واتمنى الدنيا كلها تكون ليها وقفه طويله فيه )

ياعبدالعزيز الموضوع مهم لكن كان الله فى العون

من طرف dooody الجمعة 4 يونيو 2010 - 12:08

اي ام هذه او اي اب هذا مهما كانت الاسبااب يرمي طفله بين ايدي لا يعلمها
اطفال يتيتمو وابويهم على قيد الحياة
والله ظاهرة منتشرة في كل البلدان لكن لانملك سوى حسبنا الله فيهم ونعم الوكيل

الموضوع موجع جداً ، وأطفال المايقوما هم قلة نجت من الموت على أيدى ذويهم ..
وحسب أقوال القائمين على دار المايقوما فأن الأطفال يصلونهم فى حالة مزرية من الجوع والاصابات البدنيه .. فمنهم من بدأت الكلاب فى نهش لحمه صرخه في ضمير الإنسانيه Icon_sad

وقضية الاطفال مجهولى الأبوين لها أبعاد مختلفة ، فالجهل والفقر لهم دور فى تفشى هذه الظاهره ..
ونجد فى جانب آخر الإستهتار وضعف الوازع الدينى والأخلاقى ..
قلة فرص العمل والتردى الأقتصادى أدى الى عزوف الشباب عن الزواج وغياب الآباء عن اسرهم لتوفير لقمة العيش ..
وتراجع دور المجتمع ككل فى ضبط سلوك الأفراد أدى لظهور معينات لإنحراف الشباب ..
وكما ذكرت الموضوع وموجع والحديث عنه أليم ، ولى عودة ثانية ان شاء الله .

يا عبدالعزيز الموضوع دا طويل وداير(شفافية شديدة معاها طولة بال) وكمان داير قليب شديد(واللى بقلب البعر بقرص)..واللى نحن شايفنو دا صورة وانعكاس لحاجات موجودة فى مجتمعنا..عشان كدى ما بنقدر نحاكم الصورة ونخلى السبب الاصلى للصور دى..والسودان دا كلو بقى مايقوما وح تتواصل القصة مادامت الاسباب موجودة..ونحن هنا ما دايرين نجرم جهة معينه ونختها شماعه للحاصل دا لانو القصة دى قديمه فى السودان ولكن هناك اسباب خلت الحبه تبقى قبه ومثال للاسباب دى حكاية السياسات الاقتصادية..يعنى بصراحة اكبر مرينا بفترة الحزام فيها اتشد شديد على بطن المجتمع بتاعنا..والشى المعروف انو انت لو داير تطبق حاجه بطبقا حبه حبه لانو دى حكمة الدنيا اللى نحن عايشين فيها،وربنا ما خلق السماوات والارض فى سته ايام عبث..يعنى المشكلة ما كانت فى السياسات الاقتصادية بقدر ما انها كانت فى الطريقة اللى اطبقت بيها..واللى حصل فعلا انو فى لحظه واحدة عملو تخصيص لاى حاجة فقامت الاخلاقيات بتاعت مجتمعنا(خست)..والوضع بقى انو كل زول يتحمل فاتورة اى حاجة زى الصحة والتعليم وهلم جرا..ومجتمعنا عاش فترة بتاعت(لامبالاة) وحاجات تانيه.....والعربية الجديدة سيدا ما بمشى بيها سريع فى الدقداق،ونحن مشينا فى الدقداق دا باقصى سرعه عشان كدا حاجات كتيرة ادشدشت..وكمان فى اسباب تانيه للموضوع اللى طرحتو،وام احمد ما قصرت واتكلمت كلام جميل عن الاسباب دى..وكمان ماننسى انو اختلاف الثقافات فى السودان كان ليهو دور فى الموضوع دا لانو ممكن تكون شايف الحاجة دى غلط وغيرك يشوفا صاح..ويا عبدالعزيز(عذبتنا)..يعنى فى داعى يخليك تقول لينا لازم كل زول يتكلم فى الموضوع دا..

السلام عليكم : أولاً الشكر أجزله لكل من شارك بقلمه في هذا البوست وكما ذكرنا فالموضوع مؤلم ومحزن للغايه ولكن قصدت من أثاره هذا الموضوع في منتدانا أن نوجه رساله للمجتمع وللشباب واتمنى ان يكون هذا الحوار في جميع المنتديات وان تثار هذه القضيه في الجامعات وفي النوادي والاسواق وان تكون قضية رأي عام وان يكون للمجتمع عامه وقفه قويه في هذا الموضوع وحتى وان لم نستطع فعل شىء فبلساننا وقلوبنا وهذا أضعف الإيمان

صرخه في ضمير الإنسانيه

صرخه في ضمير الإنسانيه

رد: صرخه في ضمير الإنسانيه

رد: صرخه في ضمير الإنسانيه

رد: صرخه في ضمير الإنسانيه

رد: صرخه في ضمير الإنسانيه

رد: صرخه في ضمير الإنسانيه