العرس ولا البوره

السلام عليكم ورحمة الله وبركاته
غلاء المهور والعادات الإجتماعيه ممكن تكون سبب في عزوف الشباب عن الزواج والعادات الإجتماعيه دي فيها عادات حلوه وعادات سيئه جداً زي المباهاه والفشخره بين الناس فلانه جابوا ليها شيله اتناشر اتناشر ودهب كيف والريحه يايمه ريحة السرور والضبائح كيف اي ده دافع مهر ماساهل وقالوا ليك جاب الشيله والحاجات بي عربيه وادي مفتاحها للعروس
والله حرام البحصل دا ويقع ضحيه ليهو شبابنا العاوز يعرس وخايف من لسان الناس المابرحم فيها شنو لو الناس بسطت الحكايه وعرست بالبسيط والناس سابت بعض في حالها
شباب كتير عندو الرغبه انو يعرس ويعصم نفسو من الغلط والحرام لكن المجتمع مابيرحم
اتمنى انو الناس تنظر للأمور بواقعيه اكتر المهم يكون راجل ماالمهم جاب مهر كم ودفع كم وسوي شنو وياما ناس دفعوا وماخلوا شىء لكن ماقدروا يحافظوا على بيتهم والراجل طلع ماقادر على المسؤليه اتمنى الناس تنظر لجوهر الراجل وماتعاين لجيبه وكمان مانتقيد بالعادات السيئه والفشخره والبوبار
ايوه كلامكم صاح يااهل العروس إنتو ماناقصين ايد ولارجل لكن العرفناهو في دينا أقلهن مهراً اكثرهن بركه والتمسوا ولو بخاتم من حديد

اخي عبد العزيز موضوع واقعي نعيشة ،،،

ولاكن ابشرك انو النظرة الان اختلفت تماما في السودان

فاصبح الناس متفهميين جدا للوضع الاقتصادي العام

والناس بتمشي حالا بي اي شي وربك الناقص بتموا

يعني النظرة دي انتهت اوساط الشباب في السودان

اما المغتربيين ليهم الله حاطين الاشياء دي في بالهم

وهيا انتهت من زمان لانو اصبح العريس والعروس هم البتفقوا

على اي حاجة من الالف للياء يعني اهل الطرفيين زيهم زي

المعزوميين والاعراس في السودان يوميا تسمع في عرس

والناس شغالة ذي الرصاص ،،،

ولك اجمل التحايا

بسم الله الرحمن الرحيم

السيد / السادة :- اسرة منتدي مدينة شندي

يتشرف ال ود النيل وال ود البحر

بدعوة سيادتكم بتناول طعام الغداء بمنزلهم الكائن بمنتدي مدينة جوار بوست العرس لا البورة ونظرا للتعقيد فان الزواج ينتهي بانتهاء

مراسم العقد

شكرا

اهم حاجة جيبوا حق الكشف معاكم

عشان يساعد العريس في حق اسبوع العسل ؛

تحياتي اخي الماسي وبتمنى من كل قلبي إنو تكون نظرة المجتمع اتغيرت وكل واحد بعرس بالعندو من غير شيل حال وتعقيد للامورويااخوي حافظ اكيد بنجي العرس والناقص بنتموا
تحــــــــــــياتي

طيب في مثل بقول اللي بجي بالساهل بيمشي بالساهل

ده كلام صح ولا كيف ؟؟

ده كلام صاح يانانسي لانو في ناس مامسؤلين لكن لو واحد خايف ربه وراجل تمام ونفسه كريمه وقلبه مليان بالمسؤليه وعنده مؤهلات وخبره يقدر يستمر في العمل ربنا بسهل ليو اموره وفي معني حديث تزوجوا فقراء يغنيكم الله ( لكن ليس كل مايلمع ذهباً ) فعلينا توخى الحيطه والحذر عند إختيار العريس

البايركــــس قالو

لي إيــدينا بنــــــــرفع*** والعازب كلوبيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع
*** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة
*** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي
*** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط
عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب
تلاجة *** كفاية الزيـــــــــــر البنقع
***
ما دايرين كبدة وشـية
*** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت
بــدري *** ما عادت تانـــــي بتنفــــــع
دايرين الشاب الأغبش
*** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام
نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله
عليــــــــــــنا *** ونشــــــيل أيدينا ونرفـــــع
***

ياسلااام عليك بس ياريت الشعارات دي تبقى حقيقه مازي النشيد الاصلى

ورد الشباب عليهم ب:

للرب شـــــكوانا بنرفع *** والبايـــر كله
بيســـــــــــمع
في دربك يامـــا
جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح
اقنــــــــــع
احلامكم والله
غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع
أرجــــع

***

ما عندك حق
الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا
مقطـــع أرجع
في جيوبك ساكنة
عناكب *** لو كان باعوك ما بتنفع
دايرين
العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو
ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً
أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان
صغيـــــر بيرضــــع
ما جينا زمان
شن قلتو *** يا فقير يامقطـــــع أرجــع
***
وموكيتاً
فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع
أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا
يدفــــــــع
وبشرط الشــيلة
العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد
للأصـــــــبع
وضروري
الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن
الأربــــــــع
نلبس في الكاسي
العاري *** ولو طلعت موضة بنتبع
وناكـــل
فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك
تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا
مبرقـــــع
كيفن بتحـــــب يا
أغبش *** من غير شاكوش تتفرقع
لو
كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما
قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو
بيلمـــــع
قلتولنا خلاص
انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى
ودع
عجزتو قعــــــدتو تقولوا ***
واشبابنا الأغبـــــش أجدع
ماجينا
زمان شن قلتو *** يافقير يا مقطــــع أرجــــــع
***
ما جينا
زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش
المدفــــع
رافعين الراية
البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس
تتخلــــــــع

العرس ولا البوره

العرس ولا البوره

رد: العرس ولا البوره

بطاقة دعوة

رد: العرس ولا البوره

رد: العرس ولا البوره

رد: العرس ولا البوره

رد: العرس ولا البوره

رد: العرس ولا البوره

رد: العرس ولا البوره