بحـث
المواضيع الأخيرة
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر لا أحد
أكبر عدد للأعضاء المتواجدين في هذا المنتدى في نفس الوقت كان 341 بتاريخ السبت 2 أكتوبر 2021 - 9:05
معني كلمة زول
+5
خالد ود تمبول
عبدالعزيز محمد الحسن
ام تسابيح
كبسور
أم احمد
9 مشترك
صفحة 1 من اصل 1
معني كلمة زول
ماذا تعني كلمة زول؟
كثيرون يعتقدون جهلاً أن كلمة زول كلمة اخترعها السودانيون
و ليس لها أصل ولا فصل
.
.
الزول تلك اللفظة العربية التي أصبحت تعادل كلمة (سوداني) في كل مهجر ومغترب،
حتى أصبحت شعاراً للسوداني ـ هي والعمامة ـ
و (زول) من فصيح العربية ولها في لسان العرب لابن منظور أكثر من سبعة عشر معنى..
.
.
زول = الكريم الجواد
"لقد أروح بالكرام الأزوال من بين عم وابن عم أو خال"
.
.
الزول: الخفيف الحركات،
قال أبو منصور الثعالبي في حديثه عن الممادح والمحاسن، حين ذكر أطوار الإنسان:
فإذا كان حركاً ظريفاً متوقداً فهو: زول.
الزول: الفتى
قال محمد بن عبيد الله الكاتب المشهور بالمفجع يمدح علياً رضي الله عنه:
"أشبه الأنبياء كهلاً وزولاً وفطيماً وراضعاً وغذياً"
الزّول: العجب .!
ألا ترى السوداني إذا استغرب شيئا قال: يازول ؟؟
يعني: ياعجبي من هذا الشيء..
.
.
قال الشاعر في وصف سير ناقة:
"مرفوعها زول وموضوعها كمر غيث لجب وسط ريح"
فمرفوعها زولٌ يعني سيرها إذا أسرعت عجب من العجائب.
.
.
الزول: الخفيف الظريف الذي يعجب الناس من ظرفه.
الزول: التظرف.
الزول: الداهية.
الزول: الشجاع الذي يتزايل الناس من شجاعته.
.
.
الزول: الصقر.
الزول: معالجة الأمر كالمزاولة.
الزول: الغلام الظريف.
الزول: الحركة.
الزولة: المرأة الظريفة،
قال الأصمعي: أنشدتني عشرقة المحاربية، وهي عجووز حيزبون زولة.
قال أبو علي: الحيزبون التي فيها بقية من الشباب والزولة الظريفة.
والزولة: المرأة البرزة (الجميلة) الفطنة الذكية،
قال الطرماح بن حكيم: وأدت إليّ القول منهن زولة تلاحن أو ترنة لقول الملاحن والملاحنة هي الفطنة،
فهذه تتكلم بما يخفى على الناس ولا يفهمها إلا الفطن.
الزولة: الفتية من الإبل أو النساء..
.
.
قال رؤبة بن العجاج : قد عتق الأجدع بعد رق بقارح أو زولة معق.
و وصيفة زولة : إذا كانت نافذة في الرسائل.
و يقولون..
فلان رامي الزوائل: إذا كان خبيرا بالنساء.
.
.
قال الشاعر : "وكنت امرأً أرمي الزوائل مرة فأصبحت قد ودعت رمي الزوائل"
ففتى= زول.
فتاة = زولة.
فتية = أزوال.
فتيات = زولات.
ونسوة = زوائل.
و الزول: كلمة آتية من الزوال اي أنك انسان زائل..
.
.
فالزول و العمامة شعار السوداني ـ وأكرم به ـ
ونحن نسعد ونفخر أن يكون شعارنا كلمة عربية أصيلة هي (العمامة)
والعمامة: هي لباس النبي صلى الله عليه وسلم وأصحابه والتابعين والأئمة والفقهاء..
كثيرون يعتقدون جهلاً أن كلمة زول كلمة اخترعها السودانيون
و ليس لها أصل ولا فصل
.
.
الزول تلك اللفظة العربية التي أصبحت تعادل كلمة (سوداني) في كل مهجر ومغترب،
حتى أصبحت شعاراً للسوداني ـ هي والعمامة ـ
و (زول) من فصيح العربية ولها في لسان العرب لابن منظور أكثر من سبعة عشر معنى..
.
.
زول = الكريم الجواد
"لقد أروح بالكرام الأزوال من بين عم وابن عم أو خال"
.
.
الزول: الخفيف الحركات،
قال أبو منصور الثعالبي في حديثه عن الممادح والمحاسن، حين ذكر أطوار الإنسان:
فإذا كان حركاً ظريفاً متوقداً فهو: زول.
الزول: الفتى
قال محمد بن عبيد الله الكاتب المشهور بالمفجع يمدح علياً رضي الله عنه:
"أشبه الأنبياء كهلاً وزولاً وفطيماً وراضعاً وغذياً"
الزّول: العجب .!
ألا ترى السوداني إذا استغرب شيئا قال: يازول ؟؟
يعني: ياعجبي من هذا الشيء..
.
.
قال الشاعر في وصف سير ناقة:
"مرفوعها زول وموضوعها كمر غيث لجب وسط ريح"
فمرفوعها زولٌ يعني سيرها إذا أسرعت عجب من العجائب.
.
.
الزول: الخفيف الظريف الذي يعجب الناس من ظرفه.
الزول: التظرف.
الزول: الداهية.
الزول: الشجاع الذي يتزايل الناس من شجاعته.
.
.
الزول: الصقر.
الزول: معالجة الأمر كالمزاولة.
الزول: الغلام الظريف.
الزول: الحركة.
الزولة: المرأة الظريفة،
قال الأصمعي: أنشدتني عشرقة المحاربية، وهي عجووز حيزبون زولة.
قال أبو علي: الحيزبون التي فيها بقية من الشباب والزولة الظريفة.
والزولة: المرأة البرزة (الجميلة) الفطنة الذكية،
قال الطرماح بن حكيم: وأدت إليّ القول منهن زولة تلاحن أو ترنة لقول الملاحن والملاحنة هي الفطنة،
فهذه تتكلم بما يخفى على الناس ولا يفهمها إلا الفطن.
الزولة: الفتية من الإبل أو النساء..
.
.
قال رؤبة بن العجاج : قد عتق الأجدع بعد رق بقارح أو زولة معق.
و وصيفة زولة : إذا كانت نافذة في الرسائل.
و يقولون..
فلان رامي الزوائل: إذا كان خبيرا بالنساء.
.
.
قال الشاعر : "وكنت امرأً أرمي الزوائل مرة فأصبحت قد ودعت رمي الزوائل"
ففتى= زول.
فتاة = زولة.
فتية = أزوال.
فتيات = زولات.
ونسوة = زوائل.
و الزول: كلمة آتية من الزوال اي أنك انسان زائل..
.
.
فالزول و العمامة شعار السوداني ـ وأكرم به ـ
ونحن نسعد ونفخر أن يكون شعارنا كلمة عربية أصيلة هي (العمامة)
والعمامة: هي لباس النبي صلى الله عليه وسلم وأصحابه والتابعين والأئمة والفقهاء..
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
جزاك الله خيرا الاخت أم أحمد علي هذه الافادة .
وفعلا كلمة زول اصبحت شعارا لنا في اي مكان .
وفي دلالة هذه الكلمة اننا فعلا لنا جذور عربية ضاربة في الاصالة.
فهذه الكلمة الفصيحة تكاد تكون اندثرت في كل البلاد العربية ولاتستعمل في ذاتها ومشتقاتها الا في السودان .
ولها معاني كريمة لو علمها اخواننا الاعراب والمستعربة لقاتلونا عليها بالسيوف .كما ان كل معانيها الكريمة من الشجاعة والكرم وغيرها منطبقة علينا .فهو شرف لنا ان ينادي علينا الجميع بهذه الكلمة بماتحمله من اوصاف حميدة وهم لجهلهم يقولوها لنا من باب الاستخفاف .
مافي عزة اكتر من كدا ونحن السودانيون قد نلنا الحضارة والاصالة
بكل ابوابها ،من ناحية عروبة اصيلين ومن ناحية حضارة فالحضارة المروية ثبت رغم عن انف بعض أخوتنا المستعربة ،انها ام الحضارات في الدنيا وماعداها استمد نوره منها ولغته مشتقة من المروية ،وبي كدا البدفرنا مابرمينا ..
كسرة :ركبت التاكسي مع احد اخوتنا العرب المستعربة ووجدني افهم لهجته ويفهمني بوضوح فقال لي الاخ سوداني ولا من اسوان ؟فقلت له حضرتك ترقح ايه؟ فقال لي ارقح انك من اسوان،فقلت له ليه؟ فقال لي لان السودانيين اللغة العربية بتبان تقيلة (بابدال القاف ألف) على لسانهم شوية .فضحت في سري وقلت انكم امة سخرت من جهلها الامم .وهو يظن ان لهجته التي يبدل فيها القاف الف والجيم قاف ويضاف في اخر كل شئ فيها شين ،هي لغة الاعراب ،ياسبحان الله .وهذا السائق المسكين طبعا لايدري ان كتابات التجاني يوسف بشير ومعاوية محمد نور في بداية القرن الماضي ضجت بها عاصمته ومازالت ،وماعلم ان العلامة بروفيسر عبدالله الطيب الف معجما في فهم اشعار العرب وقدم لهذا السفر كاتب كبير في القاهرة منذ اكثر من نصف قرن من الزمان ومازال يدرس في كليات الاداب عندهم ،وما علم ان عبدالله الطيب قد احتار فيه كل اعضاء مجمع اللغة العربية في القاهرة وصاروا بالنسبة اليه تلاميذ وهم اسماء معروفة وكبيرة .وماعلم ان صورة هذه العمامة على روايات الطيب صالح تزين مكتبة مدبولي الشهيرة وقد كان العم مدبولي لايقدم على الطيب احد .
وماعلم ان منتديات الاسكندرية والقاهرة الادبية ضجت في خمسينيات القرن الماضي عند ظهور ثلاثة شعراء قادوا ثورة شعر التفعيلة في الوطن العربي وهم مصطفى سند ومحي الدين فارس وتاج السر الحسن وقد خرجت صحف القاهرة ذات صباح ان ثلاثة شبان سودانيين غيروا تاريخ الشعر العربي ..
وفعلا كلمة زول اصبحت شعارا لنا في اي مكان .
وفي دلالة هذه الكلمة اننا فعلا لنا جذور عربية ضاربة في الاصالة.
فهذه الكلمة الفصيحة تكاد تكون اندثرت في كل البلاد العربية ولاتستعمل في ذاتها ومشتقاتها الا في السودان .
ولها معاني كريمة لو علمها اخواننا الاعراب والمستعربة لقاتلونا عليها بالسيوف .كما ان كل معانيها الكريمة من الشجاعة والكرم وغيرها منطبقة علينا .فهو شرف لنا ان ينادي علينا الجميع بهذه الكلمة بماتحمله من اوصاف حميدة وهم لجهلهم يقولوها لنا من باب الاستخفاف .
مافي عزة اكتر من كدا ونحن السودانيون قد نلنا الحضارة والاصالة
بكل ابوابها ،من ناحية عروبة اصيلين ومن ناحية حضارة فالحضارة المروية ثبت رغم عن انف بعض أخوتنا المستعربة ،انها ام الحضارات في الدنيا وماعداها استمد نوره منها ولغته مشتقة من المروية ،وبي كدا البدفرنا مابرمينا ..
كسرة :ركبت التاكسي مع احد اخوتنا العرب المستعربة ووجدني افهم لهجته ويفهمني بوضوح فقال لي الاخ سوداني ولا من اسوان ؟فقلت له حضرتك ترقح ايه؟ فقال لي ارقح انك من اسوان،فقلت له ليه؟ فقال لي لان السودانيين اللغة العربية بتبان تقيلة (بابدال القاف ألف) على لسانهم شوية .فضحت في سري وقلت انكم امة سخرت من جهلها الامم .وهو يظن ان لهجته التي يبدل فيها القاف الف والجيم قاف ويضاف في اخر كل شئ فيها شين ،هي لغة الاعراب ،ياسبحان الله .وهذا السائق المسكين طبعا لايدري ان كتابات التجاني يوسف بشير ومعاوية محمد نور في بداية القرن الماضي ضجت بها عاصمته ومازالت ،وماعلم ان العلامة بروفيسر عبدالله الطيب الف معجما في فهم اشعار العرب وقدم لهذا السفر كاتب كبير في القاهرة منذ اكثر من نصف قرن من الزمان ومازال يدرس في كليات الاداب عندهم ،وما علم ان عبدالله الطيب قد احتار فيه كل اعضاء مجمع اللغة العربية في القاهرة وصاروا بالنسبة اليه تلاميذ وهم اسماء معروفة وكبيرة .وماعلم ان صورة هذه العمامة على روايات الطيب صالح تزين مكتبة مدبولي الشهيرة وقد كان العم مدبولي لايقدم على الطيب احد .
وماعلم ان منتديات الاسكندرية والقاهرة الادبية ضجت في خمسينيات القرن الماضي عند ظهور ثلاثة شعراء قادوا ثورة شعر التفعيلة في الوطن العربي وهم مصطفى سند ومحي الدين فارس وتاج السر الحسن وقد خرجت صحف القاهرة ذات صباح ان ثلاثة شبان سودانيين غيروا تاريخ الشعر العربي ..
عدل سابقا من قبل كبسور في الأحد 20 يونيو 2010 - 23:04 عدل 1 مرات
كبسور- مشرف المنتدي السياسي
- عدد المساهمات : 228
تاريخ التسجيل : 05/04/2010
الموقع : Misurata Libya
رد: معني كلمة زول
صدقت أخى كبسور .. فكلمة زول التى تقال لنا استهزاءاً فى معظم المواقف تلخص أجمل صفاتنا السودانية .
وكم كنت أتمنى لو أن قناة زول الفضائية عكست هذا النسيج المتفرد للشخصية السودانية ، بما انها حملت هذا الأسم المتميز .. لكنها للأسف خيبت توقعاتنا .
ولك أن تعذر سائق هذا التاكسى المسكين فقد حكى لى زوجى عن مواقف لزملاء دراسته فى الجامعة بمصر تنم عن مدى جهلهم بأبسط الأشياء عن السودان.
وكم كنت أتمنى لو أن قناة زول الفضائية عكست هذا النسيج المتفرد للشخصية السودانية ، بما انها حملت هذا الأسم المتميز .. لكنها للأسف خيبت توقعاتنا .
ولك أن تعذر سائق هذا التاكسى المسكين فقد حكى لى زوجى عن مواقف لزملاء دراسته فى الجامعة بمصر تنم عن مدى جهلهم بأبسط الأشياء عن السودان.
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
انا الغلطان
مناسبة القصيدة إن كاتبها رد على أحد منسوبي الدول العربية بعبارة:
( نعم يا زول )
فجاء رد ذلك العربي عليه مستاءً :
((بتقول زول !!؟.. ليه شايفني لافي بتاعة على دماغي؟؟))
((يقصد عِمة))
***********
أنا الغلطان
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
*
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك وبينو
إنو نضيف وأبيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف وكاتلو حنينو
*
أسد في الحارة
لابختاك ولابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمة بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
*
زول الماهو عاجبك ده
بلا توجيه ولا تعليم
أديب وفهيم
هميم وكريم
وفطرة ربو من يوم خلقو
لا فتان ولا خوان
أخو أخوان
بكفي الألف والألفين من الضيفان
ولو اضطر يرهن ولدو
وان ما كفى
باع بيت أهلو والجيران
*
زول الماهو عاجبك ده
يوم تحتاجلو بتلاقيهو
أكان ورطان وكان جيعان
وكان وجعان.. وكان سجمان
قبل تتأوه وتناديهو
يمين في أقل من برهة
وبين مد الألف والها
قبل ناسك بجيك حفيان
بضمد جرحك وبداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
*
اللافيبا راسو الزول ومتباهيبه
إسمها عمة
سنة سيد الأسياد
المعصوم شفيع الأمة
وسيما الأوليا الزهاد
قلال الزاد كبار الهمة
وتاج العزة والجبرة
ورمز الطيبة والحكمة
والملفوف على المبروكة
إسمو التوب
لباس العفة والحشمة
*
أزيدك من فضول القول
ولاّ خلاص عرفت الزول ؟
ده جمل الشيل
دخري الحوبه
فارس العتمه ساري الليل
لبيب وزكي ونجيب بلحيل
فهيم فهماً يهد الحيل
تقول لي: ما فهمت عليك
عيد القتو لي تاني !
واجيب فهامه عاد من وين
كلامي القتو ألماني؟
*
أخير ليك تمشي تختاني
وتنسى الزول وتنساني
وفوت قبال تعاديني
واقول اللوح ده عاداني
ويكفي الزول ويكفيني
إني وإنو سوداني
***********
( نعم يا زول )
فجاء رد ذلك العربي عليه مستاءً :
((بتقول زول !!؟.. ليه شايفني لافي بتاعة على دماغي؟؟))
((يقصد عِمة))
***********
أنا الغلطان
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
*
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك وبينو
إنو نضيف وأبيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف وكاتلو حنينو
*
أسد في الحارة
لابختاك ولابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمة بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
*
زول الماهو عاجبك ده
بلا توجيه ولا تعليم
أديب وفهيم
هميم وكريم
وفطرة ربو من يوم خلقو
لا فتان ولا خوان
أخو أخوان
بكفي الألف والألفين من الضيفان
ولو اضطر يرهن ولدو
وان ما كفى
باع بيت أهلو والجيران
*
زول الماهو عاجبك ده
يوم تحتاجلو بتلاقيهو
أكان ورطان وكان جيعان
وكان وجعان.. وكان سجمان
قبل تتأوه وتناديهو
يمين في أقل من برهة
وبين مد الألف والها
قبل ناسك بجيك حفيان
بضمد جرحك وبداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
*
اللافيبا راسو الزول ومتباهيبه
إسمها عمة
سنة سيد الأسياد
المعصوم شفيع الأمة
وسيما الأوليا الزهاد
قلال الزاد كبار الهمة
وتاج العزة والجبرة
ورمز الطيبة والحكمة
والملفوف على المبروكة
إسمو التوب
لباس العفة والحشمة
*
أزيدك من فضول القول
ولاّ خلاص عرفت الزول ؟
ده جمل الشيل
دخري الحوبه
فارس العتمه ساري الليل
لبيب وزكي ونجيب بلحيل
فهيم فهماً يهد الحيل
تقول لي: ما فهمت عليك
عيد القتو لي تاني !
واجيب فهامه عاد من وين
كلامي القتو ألماني؟
*
أخير ليك تمشي تختاني
وتنسى الزول وتنساني
وفوت قبال تعاديني
واقول اللوح ده عاداني
ويكفي الزول ويكفيني
إني وإنو سوداني
***********
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
الزوووووول الوسيم في طبعو دايما هادي
من اوصافو قووول اسكرنى هات يا شادى..
دا رد علي الماشي ولي عودة..
تسلمى يا زولة يارائعة..
من اوصافو قووول اسكرنى هات يا شادى..
دا رد علي الماشي ولي عودة..
تسلمى يا زولة يارائعة..
عدل سابقا من قبل ام تسابيح في الثلاثاء 22 يونيو 2010 - 0:32 عدل 1 مرات (السبب : اضافة اغنية)
ام تسابيح- مشرف عام حواء شندي
- عدد المساهمات : 1275
تاريخ التسجيل : 04/02/2010
العمر : 48
الموقع : المدينه النبوية
رد: معني كلمة زول
تسلمي الرائعه ام أحمد وانا كنت بفتكر كلمة زول من الزوال هكذا فسرتها لكن استفدت من هذا البوست في فهم المعاني الكثيره لهذه الكلمه لكى التحيه
رد: معني كلمة زول
أم تسابيح شكراً على الطلة ومنتظرة رجعتك تانى ..
مشكور عبد العزيز على المرور وانا كنت زيك ما عارفة كل المعانى دى لكلمة زول.
مشكور عبد العزيز على المرور وانا كنت زيك ما عارفة كل المعانى دى لكلمة زول.
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
مشكوره يازوله يا روعه ... ام تسابيح الزول الوسيم دي بعبشتيها من وين ؟
الاغنيه دي اتغنت في حفلة زواجي غناها فنان من تمبول بصوره ادهشت الفنان اللحو وقال انها من اجمل اغاني النعام ادم لو عندك نزليها لينا .
الاغنيه دي اتغنت في حفلة زواجي غناها فنان من تمبول بصوره ادهشت الفنان اللحو وقال انها من اجمل اغاني النعام ادم لو عندك نزليها لينا .
خالد ود تمبول- شنداوي مميز
- عدد المساهمات : 446
تاريخ التسجيل : 27/03/2010
العمر : 47
الموقع : تمبول
ردمعنى كلمة زول
تسلمى الرايعه ام احمد وعليك الله شفتى سماحة العمم دى
ديل اهلى انا منهم وهم منى ولو ماجيت من زى ديل واسفائ واقلى
نحمد الله على سودنتنا وعلى زولتنا
ديل اهلى انا منهم وهم منى ولو ماجيت من زى ديل واسفائ واقلى
نحمد الله على سودنتنا وعلى زولتنا
عواج الدرب- شنداوي مميز
- عدد المساهمات : 226
تاريخ التسجيل : 29/04/2010
العمر : 45
الموقع : السعودية - الخبر
رد: معني كلمة زول
لمن تقول حاجه فيها مبالغه السوداني بيقول ليك (يازول)اي انك زائل فذكر الله
الزول السمح فات الكبار والقدرو كان شافوه ناس عبد الله كانو يعذرو
الزول السمح فات الكبار والقدرو كان شافوه ناس عبد الله كانو يعذرو
مندر- شنداوي مميز
- عدد المساهمات : 205
تاريخ التسجيل : 25/02/2010
رد: معني كلمة زول
تسلمي ياأم أحمد علي هذه الروعة يازولة.
ويحلو طعم الزول والزولة مع شعر جمال حسن سعيد في أجمل ما كتب .
زولة
زولة كما النورس تجي
تنزل شواطئ الالفة الزمن الشفيف
وانا زي مكتف في الرصيف
مربوط على حبل السفن في الظلمة والليل المخيف
بتجيني تدخلني وتقيف
* * *
شرشت تيبان السكات على أرض رويانة وخريف
زولة .... بتعرف تدخلك .... وتقفلك ... وتغفلك
تقعد على ناصية هواك ... وتشغلك
وانت بتحنس غمام كي تجعلك مطرة ودعاش
طاير تحلق في السماء وارضك فراش
هذا الفراش بيطير على نضرة رحيقا وخُضرتا ... ومحبتا .... أو مشيتا ..ومحنتا
أو ضحكتها وسخريتا وتقعد تهضرب ياولد من حمتا
ولو تسألك وتحلفك في ذمتك أو ذمتها
والي متى .... هذا الجنون الى متى ؟؟! كل التفاصيل لمتا
هذه البنية قد أتت وأنت ذاتك كالورق
كيف تنجو انت من ذاك الغرق
من ذكرياتك تنجو وين ؟؟؟
وين مهربك ؟؟ من دفترك ؟؟ من مصدرك ؟؟ من مظهرك ؟؟ من جوهرك ؟؟؟
من حرقة الجوف والعرق
هذه البنية تفتح الروح ضلفتين
وعلى ضفتين في نهر احزان الزمن تقعد تلوح باليدين
زولة
تخشك ..... تمرقك .....
ما بتقفل الباب من وراها .... بل تساسق بين شفقتك وحرقتك ... ما بتأذنك
ما روحا نفاج غربتك
هذه البنية الساكنة أسرار فكرتك
هي الشايلة حسك وسترتك
زولة .... كما النورس تجي
تنزل شواطئ الالفة الزمن الشفيف
ويحلو طعم الزول والزولة مع شعر جمال حسن سعيد في أجمل ما كتب .
زولة
زولة كما النورس تجي
تنزل شواطئ الالفة الزمن الشفيف
وانا زي مكتف في الرصيف
مربوط على حبل السفن في الظلمة والليل المخيف
بتجيني تدخلني وتقيف
* * *
شرشت تيبان السكات على أرض رويانة وخريف
زولة .... بتعرف تدخلك .... وتقفلك ... وتغفلك
تقعد على ناصية هواك ... وتشغلك
وانت بتحنس غمام كي تجعلك مطرة ودعاش
طاير تحلق في السماء وارضك فراش
هذا الفراش بيطير على نضرة رحيقا وخُضرتا ... ومحبتا .... أو مشيتا ..ومحنتا
أو ضحكتها وسخريتا وتقعد تهضرب ياولد من حمتا
ولو تسألك وتحلفك في ذمتك أو ذمتها
والي متى .... هذا الجنون الى متى ؟؟! كل التفاصيل لمتا
هذه البنية قد أتت وأنت ذاتك كالورق
كيف تنجو انت من ذاك الغرق
من ذكرياتك تنجو وين ؟؟؟
وين مهربك ؟؟ من دفترك ؟؟ من مصدرك ؟؟ من مظهرك ؟؟ من جوهرك ؟؟؟
من حرقة الجوف والعرق
هذه البنية تفتح الروح ضلفتين
وعلى ضفتين في نهر احزان الزمن تقعد تلوح باليدين
زولة
تخشك ..... تمرقك .....
ما بتقفل الباب من وراها .... بل تساسق بين شفقتك وحرقتك ... ما بتأذنك
ما روحا نفاج غربتك
هذه البنية الساكنة أسرار فكرتك
هي الشايلة حسك وسترتك
زولة .... كما النورس تجي
تنزل شواطئ الالفة الزمن الشفيف
sala35- مشرف عام المنتدي الاجتماعي
- عدد المساهمات : 773
تاريخ التسجيل : 22/01/2010
الموقع : القاهرة
رد: معني كلمة زول
ام احمد الله يديك العافيه
الموضوع جميل
والقصيده قمة الجمال
والله لما قرأتها تضاعف افتخارى بأنى سودانى وأنى زول
الموضوع جميل
والقصيده قمة الجمال
والله لما قرأتها تضاعف افتخارى بأنى سودانى وأنى زول
عبدالله حسن بشير- مشرف عام المنتدي الثقافي
- عدد المساهمات : 337
تاريخ التسجيل : 04/07/2009
العمر : 50
الموقع : السعوديه ــ حفرالباطن
رد: معني كلمة زول
خالد ود تمبول كتب:مشكوره يازوله يا روعه ... ام تسابيح الزول الوسيم دي بعبشتيها من وين ؟
الاغنيه دي اتغنت في حفلة زواجي غناها فنان من تمبول بصوره ادهشت الفنان اللحو وقال انها من اجمل اغاني النعام ادم لو عندك نزليها لينا .
تسلم يا زول يا أصيل ..
ويا أم تسابيح فاتتنا الحفلة الرابة دى ،رأيك شنو يا ود تمبول تعيد لينا الحفلة بنفس الفنان فى أقرب مناسبة سعيدة عندك ؟
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
عواج الدرب كتب:تسلمى الرايعه ام احمد وعليك الله شفتى سماحة العمم دى
ديل اهلى انا منهم وهم منى ولو ماجيت من زى ديل واسفائ واقلى
نحمد الله على سودنتنا وعلى زولتنا
فعلاً الحمد لله ونفتخر جداً بسودانيتنا ..
ونفتخر كمان (بعمتك) السمحة دى لأنها منورة المنتدى بلمسة سودانية أصيلة .
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
مندر كتب:لمن تقول حاجه فيها مبالغه السوداني بيقول ليك (يازول)اي انك زائل فذكر الله
الزول السمح فات الكبار والقدرو كان شافوه ناس عبد الله كانو يعذرو
شكراً مندر على الأضافة وأسعدنى مرورك كثيراً .
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
زولة
تخشك ..... تمرقك .....
ما بتقفل الباب من وراها .... بل تساسق بين شفقتك وحرقتك ... ما بتأذنك
ما روحا نفاج غربتك
سلا يا زولة يارئعه .. دائماً تأتى مشاركاتك أجمل وأجمل ..
شكراً جزيلاً على الإضافة الثرة .. ولا عدمناك .
تخشك ..... تمرقك .....
ما بتقفل الباب من وراها .... بل تساسق بين شفقتك وحرقتك ... ما بتأذنك
ما روحا نفاج غربتك
سلا يا زولة يارئعه .. دائماً تأتى مشاركاتك أجمل وأجمل ..
شكراً جزيلاً على الإضافة الثرة .. ولا عدمناك .
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
عبدالله حسن بشير كتب:ام احمد الله يديك العافيه
الموضوع جميل
والقصيده قمة الجمال
والله لما قرأتها تضاعف افتخارى بأنى سودانى وأنى زول
لك كل الحق فى أن تفتخر ..
ويكفينا فخراً أننا سودانيين فمهما شاب سمعتنا فى المهجر من المثالب التى ظهرت مؤخراً ، فمازالنا ننتمى لذلك الأصل الطيب ..
وعندما نرى تمسك السودانيون هنا بأصالتهم وقيمهم السمحة نزداد فخراً .. فالتحية لكل سودانى نجح فى عكس صورة مشرفة عننا .
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
تسلمي ام احمد ماعندي مانع نعمل ليكم حفله رابه وب3 فنانين ومعاها عشاء كمان بس المشكله العروس
اختارو العروس واسالوني من الحفله اهه قصرت معاكم .
اختارو العروس واسالوني من الحفله اهه قصرت معاكم .
خالد ود تمبول- شنداوي مميز
- عدد المساهمات : 446
تاريخ التسجيل : 27/03/2010
العمر : 47
الموقع : تمبول
رد: معني كلمة زول
أيوة قصرت شديد وانا آسفة اذا أنت فهمتنى غلط يا ود تمبول ..
لأنو الكلام البتقول فيهو دا مناسبة تعيسة مش سعيده ، وانا ما بشارك فيها
لأنو الكلام البتقول فيهو دا مناسبة تعيسة مش سعيده ، وانا ما بشارك فيها
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
اسف انا يا ام احمد الظاهر عليك فهمتيني غلط انا قصدي تقولي العروس ام منيه وبس
ونرجع نعيد الافراح والبهجه والسرور علي قول الجمري لكن انتو من مايجيبو سيرة العرس
العيون ينططو والشعر يتنكش والعفاريت تطلع والهرشه تحصل لينا وتخلونا نتكبكب ومانعرف نكتب شنو
ذاتو .
تخرييييييييمه
انتو الواحد بخشمو ساي مايعرس طوالي ساكيننا كده .
ونرجع نعيد الافراح والبهجه والسرور علي قول الجمري لكن انتو من مايجيبو سيرة العرس
العيون ينططو والشعر يتنكش والعفاريت تطلع والهرشه تحصل لينا وتخلونا نتكبكب ومانعرف نكتب شنو
ذاتو .
تخرييييييييمه
انتو الواحد بخشمو ساي مايعرس طوالي ساكيننا كده .
خالد ود تمبول- شنداوي مميز
- عدد المساهمات : 446
تاريخ التسجيل : 27/03/2010
العمر : 47
الموقع : تمبول
رد: معني كلمة زول
ههههههههه مافى أى طريقة للتخريمات ياود تمبول ..
والله يلمنى فيك ياأم منية عندى ليك كلام كتييييييير .. الأجازة الجاية الشافنى فى تمبول ماااكضب .
والله يلمنى فيك ياأم منية عندى ليك كلام كتييييييير .. الأجازة الجاية الشافنى فى تمبول ماااكضب .
أم احمد- مشرف عام المنتديات المتخصصة
- عدد المساهمات : 1311
تاريخ التسجيل : 08/08/2009
الموقع : السعوديه - جيزان
رد: معني كلمة زول
ود تمبول هرشتك ام احمد
ولّا ام منية....؟؟
عالم تخاف ما تختشيش..
ولّا ام منية....؟؟
عالم تخاف ما تختشيش..
ام تسابيح- مشرف عام حواء شندي
- عدد المساهمات : 1275
تاريخ التسجيل : 04/02/2010
العمر : 48
الموقع : المدينه النبوية
رد: معني كلمة زول
افو بعد الشنب ده وتهرشونا كمان انا ابوك يامنيه افو ..
ياجوز الحمام ههههه حلوه مش .. انا ام منيه بعمل معاها نيفاشا وبقنعها بس انتو اطلعو منها
اعملو شخيط واقيفو بعيد وتاني شنو ماعارف كلام ام تسابيح الجابتو من ناس السوق العربي
من كلام سودانين ...[img][/img]
ياجوز الحمام ههههه حلوه مش .. انا ام منيه بعمل معاها نيفاشا وبقنعها بس انتو اطلعو منها
اعملو شخيط واقيفو بعيد وتاني شنو ماعارف كلام ام تسابيح الجابتو من ناس السوق العربي
من كلام سودانين ...[img][/img]
- المرفقات
خالد ود تمبول- شنداوي مميز
- عدد المساهمات : 446
تاريخ التسجيل : 27/03/2010
العمر : 47
الموقع : تمبول
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة 1 مارس 2024 - 22:40 من طرف عبد الرحمن احمد الحاج
» كلامات
الخميس 1 فبراير 2024 - 18:57 من طرف عبد الرحمن احمد الحاج
» اللهم رحمتك
الأحد 3 ديسمبر 2023 - 16:43 من طرف عبد الرحمن احمد الحاج
» سجل دخولك للمنتدى بالصلاة على سيدنا محمد صلى الله عليه وسلم.
الأحد 3 ديسمبر 2023 - 16:40 من طرف عبد الرحمن احمد الحاج
» سجل حضورك باسم منطقة؛ معلم بارز ؛شخصية من مدينة شندي
الأحد 3 ديسمبر 2023 - 11:53 من طرف عبد الرحمن احمد الحاج
» اين انتم؟؟
الخميس 17 أغسطس 2023 - 12:09 من طرف عبد الرحمن احمد الحاج
» كيف نجعل من شندي مدينة نموذجية ؟؟؟
الأحد 12 سبتمبر 2021 - 21:02 من طرف عبد الرحمن احمد الحاج
» ذكريات قروي
الأحد 12 سبتمبر 2021 - 20:57 من طرف عبد الرحمن احمد الحاج
» رسائل إداريـة
الأحد 12 سبتمبر 2021 - 20:07 من طرف عبد الرحمن احمد الحاج
» اللهم ارحم عمنا عبد الله أحمد عباس
الخميس 4 يونيو 2020 - 14:00 من طرف الحسين محمد
» إلى جنات الخلد برحمة الله عثمان عبدالله هلال
الخميس 21 مايو 2020 - 12:44 من طرف الحسين محمد
» الشاعر المركون وشعره المهجور
الأربعاء 6 مايو 2020 - 8:55 من طرف الحسين محمد
» نعي وتعزية
الإثنين 4 مايو 2020 - 9:02 من طرف الحسين محمد
» نشاط الجمعيات التعاونية في شندي وريفها
الثلاثاء 28 أبريل 2020 - 13:17 من طرف الحسين محمد
» رمضان مبارك
الثلاثاء 28 أبريل 2020 - 13:13 من طرف الحسين محمد
» تأكل
الجمعة 8 يونيو 2018 - 5:23 من طرف الحسين محمد
» نميري وقصص منسوجة
الخميس 7 يونيو 2018 - 12:38 من طرف الحسين محمد
» رحل كمال عليه الرحمة
الثلاثاء 5 يونيو 2018 - 7:00 من طرف الحسين محمد
» انا لله وانا إليه راجعون
الجمعة 25 مايو 2018 - 18:01 من طرف الحسين محمد
» إنا لله وإنا إليه راجعون
الأربعاء 28 مارس 2018 - 8:40 من طرف الحسين محمد