لا تلوموني هي الحقيقة

إذا أغضبتك يوماً فقولي
لعل هنالك ما أغضبه
ترين البحر صفواً وإنما
إذا هاجت الأمواج حطم قاربه
هو القلب بحر فإن صفا
أذاق الملح شهداَ شاربه
كذاك القلب بحر فإن جفا
تحول أهوالاً فأغرق صاحبه
عدا قلبي ففي الحالتين
تعود قول البرية ما اطيبه
...
فماذا تبقى لغصن الحياة
وأنتي إلى الموت في ملعبه
وماذا سيبقى لسيل الدموع
فراق الأحبة ما أصعبه
فإن أسدل الله ثوب الممات
وكنت مع الموت في التجربة
فقولي _ إلى الله _ إني ضعيف
وإني مع الحزن منذ الصبا
فإن يغفر الله ضعفي الحزين
عذاب الجحيم فلن أغربه

صحيح وقت الشمس بتغيب
يغيب النور
تحس أرواحنا بالرهبة
تفتش
للقمر يظهر
وحالف أصلو ما يظهر
ينور في بلد تانين
ونحن علينا
بستكتر
...
وحات عينيك تعالي قريب
شوفي عيونا كيف دامعات
وشوفي
قلوبنا كم مفجوعة تتفطر
...
وحات عينيك تعالي قريب
على ومضة شعاع
نورك
سواد الليل بيتكسر
...
عشان خاطر عيون سمحات
تعالي قريب
وردي الروح
وبلي الجوف وشيلي الخوف
وكوني الغيمة من حر الهجير في
الصيف
أنا الشايل
هموم الناس .. جروح الناس
عذاب عشاق ونار أشواق
وكوني
الغيمة يوم وادينا يتمطر
...
تعالي قريب
وشوفي قلوبنا كيف بتفور
وحسي
حرارة اللأنفاس
ودون ما تختي حتى يديك
بتسمعي للقلب أجراس
وحتى
الكلمة لما تبوح
تحسي لساني بين أمواس
وختي إيديا بين إيديك
عشان
تبكي الدموع بالدم
وتعرفي لهفة الأحساس
...
حنين الموجة لما يثور
بتتحطم
مراكب النيل
ولما يثور هدير السيل
بيوت الحلة جاها الويل
وليكي
حنيني لما يفيض
بخاف عينيك من الشوك
ولو عضن إيديك نملات
بتلقي
قليبي بتاثر
...
وحات عينيك
تعالي قريب وحسي البي
يتملأ
الدنيا كل الكون
وكت ما إنتي تضحكي لي
أنا الحبيت سواد عينيك
وشلتك
في سواد عيني
نار الريدة جوة الجوف
وإنتي تزيدي فيني الكي
منو
الوداك إنتي بعيد
منو القساك إنتي علي
صحيح ببقى الصبر قاسي
وكت
تتعالي إنتي علي
يكون قلبك عديم إحساس
وقلبي على خطى قلبك بيتعثر
...
وحات
عينيك تعالي قريب
وحسي الدمعة والآهة
تكون عينيك دليل دنياي
وغيرك
إنتي تواهة
ربيع الفرحة وانتي معاي
وصيف الوجعة من غيرك تغشاها
ومنو
العارف خبايا الريح !؟
أكيد تتغير الأحوال
إذا ضلت خطاي دربك
قبل
عينيك ألقاها
كنت أعيش سعيد مبسوط
وراحة بالي تمسح
دمعة الأحزان
وتقفل حتى مجراها
صحيح تجري الرياح مرات
على عكس الصبح قلبك تمناها
...
وبعد
كتب القدر ألقاك
وعشت معاكي كم لحظات
إنتي اخترت تمشي بعيد
تسيبي
قليبي للأحزان
دموع الحسرة فوق العين
على الزمن القضيتو معاك
...
حرام
في آخر المشوار
أعرف إنو قلبك كان بلا إحساس
وكيف قلبك بلا أحساس
بعرف الحب
واتحداك لو في مرة حتى أحب
وختي نصيحتي بين عينيك
بكرة
الريح ح تلعب بيك
تسوقك لي زمن قاسي
تسوقك لي قلب قاسي
يسوقك لي
مدن احزان
تضيع البسمة من خدك
تتوه نفسك بلا أوطان
تصير زي قشة
بين الموج
محال لو تلقى بر أمان
وتزبل زهرة الأيام
وتتكسر على مر
الزمن أغصان
وتتحسر دموع عينيك على ماضيك
خلاص الماضي عدا وراح
وكان
الكان
ولو كف القدرجابك
وجيتي تحسي دمع العين
وجيتي تحسي إحساسي
ح
تعرفي إني كنت معاك
على مر الزمن إنسان
...
صحيح يا بت
وكت
قلبك صبح قاسي
أخير أبعد بعيد عنك
ألملم في عقاب الروح
وأحرق كل
لحظة شوق
وأقفل للقلب أبواب
أكيد برضو القلب حساس
محال لو تاني
يرجع ليك
محال لو حتى ينظر ليك
إذا عينيا شافنك
يخيب يظنك
وفاكرة
قليبي يجري وراك
يخيب ظنك
كتير غيرك بتملأ الكون
وما فاكراني
ألقى سواك
يخيب ظنك
وبتحداك
كوكوي كل بيوت الحي
كوكوي كل بيوت
الكون
محال لو تلقي زول يقدر
يحبك إنتي زي قلبي الغلط حباك
وبتحداك
منو
القال ليك إنو الزول
بعد يجرح قلب إنسان بعيش فرحان
ومنو الضامن حكم
اقدار
وبيهو الكان زمان بيدين
بكرة عليهو يبقى مدان
وبتحداك
وبكرة
الدنيا تثبت ليك
وزي ما هسا تضحك ليك
بكرة أكيد ح تبكي عليك
تجيكي
الآهة حمرة عين
يئن قلبك ألم مذبوح
يحاول لو يتوه منك
يتوه
بين الجسد والروح
وفي خديك قناع افراح
وفي
عينيك حزن مجروح
ولو قايلاني ح أشمت فيك
أموت لو مرة أشمت فيك
أنا
الجواي قلب إنسان
محال لو مرة يقسى عليك
يخيب ظنك
منو القال ليك
مشاعر الناس
تكون زي لعبة في كفك
محال لو تاني أرجع ليك
محال لو
أبقى في صفك

أنا ذاهب
ماذا سيجدي الإنتظار !؟
...
إني أحبكِ
آآآآه ما أقساك أنتي
لم يكن يعنيني شئٌ
إنما تعنيني أنتي
إني أحب الله ثم نبيه
أمي أبي
ثم اخواتي وأخواني
وخالاتي وأخوالي
وعماتي وأعمامي
أساتذتي وأصحابي
وقلبي تائه بهواكِ أنتي
وأنتِ لستِ أنتي
فأيُ شئٍ في دمي
قد ذاب من طول إنتظار!؟
...
لا تطلبي مني التوقف
قدمي تخالفني
وأنفاسي تلا حقني
وعقلي ساخطٌ مني
وعيني لا تكف عن الدموع
وقلبي ثائرٌ بين الضلوع
لا .. لا تطلبي مني الرجوع
انا لا أريدكِ أن تريني في انهيار
...
تاه الربيع
بباب قلبي ذات يومٍ
ثم .. ثم صادته المنون
أوراق حبكِ عن فؤادي
تساقطت وتكسرت كل الغصون
هيا أخبريني ...
كيف مات الحب في هذه العيون!؟
إني أموتُ وفي دمي بعض الظنون
لا تسأليني...
لن أُحبكِ مرةً أخرى
فهذا من جنون
قد كان لي قلباً أسيراً في الهوى
فأذاب الصخر في ذاك الجدار
إني كرهت الإنتظار
...
يا من خدعتِ القلب يوماً
دون أن يدرك قلبي
أن في عينيكِ شئٌ من خداع
أن في شفتيكِ تختبئ الضباع
قلبي برئ ...
لم يكن يدرك يوماً
أن في قلبكِ أشواكٌ تباع
...
منذ إلتقي
قلبي وقلبكِ ذات يومٍ
إلتقى الحب عناقاً في عناق
إني أضعت القلب في عينيكِ شوقاً
فكيف أقبل من عيونكِ ساخطاً بعد الضياع
قد أحب القلب قلباً كاذباً في حبه
فأريني وجهك الكاذب من خلف القناع
...
من كل جزءٍ
في الفؤاد أخذتُ شوقاً
ونسجتها كيما تصير سفينةً
ودفعتها في موج نهركِ عاشقاً
فرميتِ أدراج الرياح سفينتي
وأعدتِ مافي القلب مكسور الشراع
فقُتلتِ في قلبي
ولم تبقي سوى إسماً بذاكرتي
قد كنتِ أروع من خدعتُ بسحرها
والآن أسوأ من وداع

...

في قصتي قد غاب
كل شئٍ وانتهى
حسناءسحرها
كالبدرِ في الظلام والبهاء
سمراء وجهها الصباحُ
ظبيةٌ عيونها المها
سواد شعرها الطويلِ
تاج حسنها وأبّهة
رموشها نقوشها
سهامٌ حيّرت أولي النهى
...
رميتني جميلتي
لكنني لم أنكسر
في قلبي الصنديدِ
قسوة الحجر
لا , لا تصدُقي
قولي فإني من بشر
لم يحتمل قلبي
دقائق المطر
فكيف إحتماله
عينيكِ والخطر
...
تركتِني جميلتي
في ظلمتي
أشباحها الخرساء
ناحت لبلوتي
أدمت رماح الحب
أدمعَ مقلتي
أذرت رياح البعد
روعةَ كلمتي
لكنها يا ويحها
حملتْ وشاحكِ في يدي
...
صمتكِ الظلامُ
يا ترى إلى متى
شعاعُ شمسك الجميلُ
يستعرّ في لظى
قد مات قلبكِ
الرهيفُ حبّاً في فتى
أمواجُ صدره
تلاطمت لها صدى
يكاد يصرخُ باكياً
أيانَ يومُ الملتقى
...