انا سوداني

لااعرف بماذا احسست وانا استمع لرائعة الفنان ابراهيم الكاشف (انا افريقي انا سوداني)
ولكن كل مااعلمه اني كنت فخورا بأن اكون سودانيا
فحقيقة ما اروع انت تكون من هذه الارض الطيبة فعلى كل سوداني ان يفتخر كونه احد افراد الشعب السوداني الرائع بناسه وصفاتهم الجميلة التي لاتحصى ولاتعد نعم نحن اعظم شعوب العالم ليس بامكانياتنا بل بطيبة قلوبنا وكرمنا وحسن اخلاقنا والكل يشهد لنا بذلك .
لذا اقولها كما قالها السر قدور :
انا بلدي قمرا يضوي مابغيب ابدا دايما باين
اغني واقول للدنيا انا ســـــــــــودانـــــي .

والان اترككم مع ارض الخير
من كلمات السر قدور غناء الكاشف

أرض الخير (افريقيا) مكاني
زمن النور والعزة زماني
أرض جدودي جباههم عالية
مواكب ما بتتراجع تاني
اقيف قدامها واقول للدنيا انا سوداني
................................................
أنا بلدي .. بلد الخير والطيبة
فيها خزاين .. فيها جناين
عيون ونجوم بالخير بتعاين
قمره بيضوي ما بغيب ابدا دايما باين
نوره بيسقي ليالي حبيبة
عليها بغني واقول للدنيا انا سوداني
...............................................
شمسك طلعت وأشرق نورها بقت شمسين
شمس العزة ونورها الاكبر
هلت شامخة زي تاريخي قوية وراسخة
ملت الدنيا وخيرنا بيكبر
شمس ايماني باوطاني
ده الخلاني اقول للدنيا أنا سوداني

ولكم تحياتي .....................

الله يديك العافيه ياعبدالعزيز
والله برحم الذين تغنو بحب هذا الوطن
الكاشف فى هذه الرائعه
والعطبراوى فى رائعته ( أنا سودانى أنا )
وعثمان الشفيع وغيرهم وغيرهم
والله الواحد لما يسمع جدودنا زمان وصونا على الوطن
على التراب الغالى الماليهو ثمن ويسمع أغانى الشباب الأن
يشعر بحجم الكارثه التى حلت بالطرب وبالمزاج العام
وليس بوسعنا الا أن نقلب الموازين ونقول الا ليت الشياب يعودون
يوما لنخبرهم بما فعل الشباب

الاستاذ عبدالله اولا اشكرك على المداخلة

ثانيا تغيرت الافكار

وحب الناس مذاهب

الأستاذ عبد العزيز لك التحية
هذه المشاعر الصادقة ...... والحس المرهف ....والتعبير السهل الممتنع ..كما ذكرت أستاذ عبد العزيز
انما الأمم الأخلاق مابقيت ***** فان هموا ذهبت أخلاقهم ذهبوا
نعم مايميزنا هو طيب المعشر والكرم الحاتمي
سلمت ياعبد العزيز ولك تحياتي .

انا سوداني

انا سوداني

رد: انا سوداني

رد: انا سوداني

رد: انا سوداني