دعوة للتواصل والمحبة والسمو

السلام عليكم ورحمة الله وبركاته
اخواني الاعزاء أخواتي العزيزات
دعوة للتواصل والمحبة والسمو
هو ده مش الشعار المكتوب تحت اسم المنتدي والله انا غلطان وما بشوف؟؟كدة تاكدوا أها صح مش كدة؟
طيب الحاصل شنو ؟لقد مريت علي بعض العناوين في المنتدي السياسي وغيره بقصد التنوع والرفيه في والاستمتاع لبعض العناوين اذ فوجئت بمهاترات لا تثمن ولا تغني عن جوع غير ألا تحقق الشعار الموضوع لهذا المنتدي ألا وهو التواصل والمحبة والسمو وده ما معناه نكون بعيدين كل البعد عن حال بلادنا والواقع الذي تعيشه والمنعطفات الحرجة التي تمر بها لا نتكلم ونتناقش بس لابد أن نسمو بآرائنا وأفكارنا واختلاف الرأي لايفسد للود قضية كما يقولون ولاعايزين واحد من أسرة هذا المنتدي يفقد بسبب رأي او فكر والاخوان الفي البيت الواحد بختلفو بس مافي واحد بنكر اخوه أو يسيب ليه البيت ومهما حصل مصيرهم يرجعوا لي بعض فنامل أن يكون هذا ديدنا جميعاً وزي ما قال ليكم أخونا ود الجمري آخرها كوم تراب والزول المفروض يخلي وراه الشئ الطيب البتذكروه بيه ومشكلة عدم تطبيق آداب الخلاف وقبول الآخر وسؤ الفهم دي هي من الحاجات المؤخرانا للوراء فخلاصة القول بقوليكم....صحيح بنختلف ورايي مش زيك رأيك وفهمي مش زي فهمك بس لازم نسمو لنرتقي ونحب بعضنا عشان نسلم ونتواصل عشان ما نتخاصم
مع خالص حبي وتقديري لكم ودمتم

دعوة جميلة من رجل رائع تأخذ مكانها الطبيعي في نفس صافية تستقبل الكلمات ذات المعاني طويلة المدى.
نعم هي عنوان المنتدي ونداء للعلاقات السامية

ومكانك صميم الفؤاد