دفتر أحوال المنتدى

الهدف من هذا البوست أنو كل زول ممكن يدخل ويدي ملحوظاتو عن الاعضاء من ناحية الحضور والغياب والنشاط العام للمنتدى وغير ذلك من الافكار .

اليوم الحضور بسيط مقارنة بعدد العضوية ،والحال دا مستمر ليهو كم يوم مامعروف السبب السخانة ولا كاس العالم ولاشنو ؟
في غياب لي اعضاء قدامى ذي د.عوض ،زيزو ،الرفاعي .محمد احمد مصطفى .
في ناس دخولهم اقل ماذي أول ذي نزار ،بت نمر ،سوما ،سلا ،أم تسابيح ،كبسور ،عبدالله حسن بشير،أم فادي ،ابوقطوف .
في أعضاء محافظين علي نشاطهم ذي أم أحمد ،حوذي ،مندر ،الماسي ،ودتمبول ،عواج ،عبدالعزير واحمد علي ابرهيم .أبومعتصم ..وفي اعضاء جدد واعدين ذي نانسي والواثق وابوسلمى .
الحالة العامة للمنتدى :هدوء شديد والبوابة المواضيع بقت تقعد فيها فترة طويلة .
الحضور الان :أم أحمد حودي ،مندر ،سلا و4زوار ..

صباح الخير اختى سلا :اليوم هذا الصباح : الاجواء قمه في الهدوء الرجال مساهرين في كاس العالم ويسبوا في حظ نيجريا وقاموا للشغل عين مغمضه وعين مفتحه والحريم في السعوديه لسه نايمات وضاربات المكيفات
لاتكاد تسمع سوى نسمه خفيفه تهب في بعض الاحيان من هنا أو هناك
لايوجد زوار المتواجدون في المنتدى سلا ممثله عن القسم النسائي وعبدالعزيز عن القسم الرجالي
وفي انتظار مزيد من الاعضاء وانتظار قدوم الزوار الكرام

الاحوال تمام التمام .
الحضور جيد .
النشاط جيد وبدأ المنتدى يستعيد عافيته وروحة .
في عودة للنجوم القدامى وكمان برضو نشاط من الشباب الجداد .

الاحوال تمام .
النشاط ممتاز .بس الناس لو استمرو في القراية والتعليق علي البوستات الجميلة بكون افضل احسن من نكتر البوستات ساكت من غير تركيز .

الاحوال تمام والحمد لله ,,
بس عندى ملاحظة صغنوووونة,,
وهى : مرات بيكون في تواجد كبير
لأعضاء المنتدى لكن المشاركات
بسيطة او معدومة ,, ماعارفة ليه,,
الناس بتدخل المنتدى وبتمشي وين؟؟
وعلي قولة حوذي العزف الجماعى في
مكان واحد احسن من العزف المنفرد
في عدة اماكن,, ودا تأكيد لي كلام اخونا
كبسور,, لازمنا تفاعل اكتر مع المواضيع
المطروحة في المنتدى..
مجرد رأى..

كلامك مية المية ياام تسابيح انا من انصار التركيز في الكتابة وبفضل الناس تنحت راسا وماتجيب مواضيع منقولة الا اذا فعلا فيهاحاجة مميزة ،بعدين من الافضل قدر الامكان التعليق على المواضيع الموجودة علي البوابة المميزة والمحافظة عليها لاطول زمن .وواحد من الحاجات التي اضعفت هذا المنتدى وبي صراحة شديدة اصرار بعض الناس علي فتح مواضيع جديدة متعددة وفي زمن متقارب ومرات بتكون منقولة ولا يتفاعل معها الاعضاء وتخفي مواضيع اخرى متميزة من غير داعي من البوابة .ومثل هذا الاسلوب مزعج لكتير من الاعضاء ،وبطفش الناس مننا ساكت .

الاحوال ما شاء الله تمااام..
يوجد بالمنتدى في هذه اللحظة
11 عضو مسجل
8 اعضاء زائرين ..
ياريت التفاعل مع المواضيع يكون
بنسبة تواجد الاعضاء .. ولو كل
عضو كتب كلمة ,, في النهاية
كلماتنا تكون جملة مفيدة ..ادخل
وضع بصمتك ولا تكتفي بالمطالعة..
دعوة للاخوة الزائرين..
يشرفنا انضمامكم لأسرة منتدى
مدينة شندى..

لك التحيه أم تسابيح محتاجين نشر ثقافة المنتديات وملاحظتك
في محله لدي ملاحظه مامعقول يكتب مشارك 6 مشاركات
دون أن يطلع علي المشاركات الموجوده
اول مقومات الاتصال هي
0 الاستماع 0الادراك0 النقد البناء 0 التعامل مع الاختلاف 0ثم التحدث
الادراك هو كيفية تأويل وترتيب رسائل الأخرين والأشياء من حولك
بحيث تكون معني معين خاص بك
ومبدأ الاتصال فهم وجهة نظر الطرف الأخر يجب أن يأتي قبل السعي لعرض وجهة نظرك
مزايا الاستماع التشخيص قبل العلاج تعطي الطرف الآخر احساس بقيمته
النتيجه تجري مناقشه بصورة سلسة
السمع وظيفه فسيولوجية خاصه العقل والأذن
الاستماع وظيفه نفسيه العقل والقلب
مستويات الاستماع
الانصات 0 التركيز0 الانتقاء 0 التظاهر 0 التجاهل
قيمة الاستماع
الاستماع الحقيقي مايحتوي من مشاعرالأخرين وأعادة صياغة محتوي الكلام
رساله لمشرفين المنتديات
أستخدام الاجنده لتسلسل المواضيع
تلخيص ماتم مناقشته
شجع الحضور علي المشاركه الايجابيه
ساعدفي تقريب وجهات النظر للوصول لنقطة اتفاق
اترك المحتوي للاخرين وقوم بادارة النقاش
تحياتي مع كلمات حكيمه
في أعماق كل أنسان حاجه لان يكون مقدرا ومسموعا

مقتع الكاشفات يارائع
مشاركتك مفيدة واتمنى من الجميع قرأتها مرارا وتكرارا
وهذه حكمة الله ان خلق لنا لسان واحد واذنين اتنين حتى نسمع اكتر من ان نتكلم ..
جزاك الله عنا كل خير وفى انتظار اضافاتك وارائك...

sala35 كتب:مقتع الكاشفات يارائع
مشاركتك مفيدة واتمنى من الجميع قرأتها مرارا وتكرارا
وهذه حكمة الله ان خلق لنا لسان واحد واذنين اتنين حتى نسمع اكتر من ان نتكلم ..
...

يقول الله سبحانه وتعالي (والتين والزيتون وطور سنين وهذا البلد الأمين لقد خلقنا الإنسان في احسن تقويم))صدق الله العظيم ولقد خلق الله اذنين للإنسان بدلاً عن اذن واحده لمعرفة إتجاه الصوت فعلمياً لوكان الإنسان يسمع بأذن واحده لما إستطاع أن يحدد إتجاه الصوت ولتعرض لكثير من المخاطر والصعوبات مثل الحوادث

لكم التحيه الاخت سلا والاخ محمد الحسن
وأشكر لكم فهم وجهة نظري ومانرمي اليه ان نكون مستمعين
جيدين للمتحدث قد نختلف معه وسبب هذا الاختلاف نحدد ماهو مختلف عليه حتي نتفق وليس عيبا ان نختلف ولكن كيف نختلف
وعلي ماذا نختلف حتي ناتلف

احوال المنتدى تمام
حضور الناس اليوم جيد
في جو من النقاش والتفاكر ممتاز ومهما اختلفت الاراء فانها تصب في صالح المنتدى .
اليوم في تركيز علي البوستات الحية ودي ميزة ايجابية .
والديمقراطية نتيجتها الان واضحة من مداخلات معظم الاعضاء .

اليوم في ركود في المنتدى ,,
ولا توجد مشاركات كتيرة او تفاعل ..
الان يوجد بالمنتدى 3 اعضاء :
خالد ود تمبول &سلا وام تسابيح
ما أثار دهشتى ان هناك عدد15
زائر بالمنتدي الان..
اكرر دعوتى لهم .. تسجيلكم
في منتدانا يشرفنا..

فعلا والله ياام تسابيح اليوم في ظاهرة غريبة وهي عدد الزوار كبير ونثني دعوتك لهم بالمشاركة .حضور الاعضاء ضعيف خاصة في الصباح ولكن هسه الناس بدو يجوا علي المنتدى .

أكبر عدد للأعضاء المتواجدين في هذا المنتدى في نفس الوقت كان 23 بتاريخ الجمعة يوليو 09, 2010 7:24 pm

ان شاء الله المرات الجاية يكون حضور الأعضاء أكتر من الزوار .. وطالما أنه فى حضور الحمد لله نحن كنا وين وبقينا وين .

لك التحيه ياام احمد انا كاتب بوست عن ثقافة المنتديات
المهم التفاعل اذا كان العدد كبير بدون تفاعل لايعني شئ
وجة نظر يوجد لديكم مخزون جيد من المواضيع الجيده ونسبة مشاهده عالية للاسف المشاركة صفر المشكلة تفاعل فقط

كلامك فى محلو يا مقنع الكاشفات وانا ناقشت المشكلة دى كتيييييييير ولسه قائمة ...

طبعا يامقنع الكاشفات انت فعلا حددت مشكلة هذا المنتدى وهي عدم التفاعل .
والمنتدى الان غني بالمواضيع وتعب في بناء هذا الرصيد مجموعة محدودة من الاعضاء تكاد تعادل اقل من عشرة في المية من العضوية الحقيقية .والحضور فعلا يوميا كبير وذي ماانت فلت الناس مفروض تعرف ثقافة المنتديات وهي ببساطة العضو مفروض يطلع علي مساهمات اخوانه ولو عندو اضافة يضيف ،لكن هنا الواحد داير ينزل مرات اكتر من عشرة مواضيع طويلة ،جديدة ومرات منقولة ،وفي معظمها بتكون في وادي والمنتدى في وادي اخر والقصد شنو والله مامفهوم .والمفروض الشخص لو عجبو موضوع او فكرة في اي محل يكتب ويلخص ويعيد الصياغة باسلوبه مش يكون نقل مسطرة وفي بعض الناس قالوا دايرين المواضيع المنقولة يثبتوها كمان ،انتو ياجماعة دايرين تضحكوا علينا ناس المنتديات التانية ولا شنو ؟؟
وطبعا لما يكون جزء كبير من منتدانا منقول دا طبعا بخصم منو ونجن بنراهن على عضوية فاعلة ،حتى لو بقوا بسيطين الان ،ولكننا مازلنا متفائلين ، والغد انشاء الله سوف يكون افضل بانضمام ناس زيادة مبدعين .

لك التحيه أخي كبسور وهذا مانرمي اليه وقريبا حانزل بوست
شامل عن ثقافة المنديات وكيفية التفاعل والاتصال وادارة النقاش

كبسور كتب:طبعا يامقنع الكاشفات انت فعلا حددت مشكلة هذا المنتدى وهي عدم التفاعل .
والمنتدى الان غني بالمواضيع وتعب في بناء هذا الرصيد مجموعة محدودة من الاعضاء تكاد تعادل اقل من عشرة في المية من العضوية الحقيقية .والحضور فعلا يوميا كبير وذي ماانت فلت الناس مفروض تعرف ثقافة المنتديات وهي ببساطة العضو مفروض يطلع علي مساهمات اخوانه ولو عندو اضافة يضيف ،لكن هنا الواحد داير ينزل مرات اكتر من عشرة مواضيع طويلة ،جديدة ومرات منقولة ،وفي معظمها بتكون في وادي والمنتدى في وادي اخر والقصد شنو والله مامفهوم .والمفروض الشخص لو عجبو موضوع او فكرة في اي محل يكتب ويلخص ويعيد الصياغة باسلوبه مش يكون نقل مسطرة وفي بعض الناس قالوا دايرين المواضيع المنقولة يثبتوها كمان ،انتو ياجماعة دايرين تضحكوا علينا ناس المنتديات التانية ولا شنو ؟؟
وطبعا لما يكون جزء كبير من منتدانا منقول دا طبعا بخصم منو ونجن بنراهن على عضوية فاعلة ،حتى لو بقوا بسيطين الان ،ولكننا مازلنا متفائلين ، والغد انشاء الله سوف يكون افضل بانضمام ناس زيادة مبدعين .

ياكبسور انت كرهتنا تلفزيون السودان كمان عاوز تشردنا من المنتدي ياخي قول رايك من غير مايكون فيه تعدي
بعدين نحن قصدنا تجميع المواضيع المنقوله في حته واحده عشان المواضيع دي بعضها مفيد ممكن الواحد ينقل كلام لعالم ودكتور أو إقتراع أو مساهمه رياضيه تفيد أعضاء المنتدي والناس الزيك الماعايزين يستفيدوا مايدخلوها

ياكبسور انت كرهتنا تلفزيون السودان كمان عاوز تشردنا من المنتدي ياخي قول رايك من غير مايكون فيه تعدي
بعدين نحن قصدنا تجميع المواضيع المنقوله في حته واحده عشان المواضيع دي بعضها مفيد ممكن الواحد ينقل كلام لعالم ودكتور أو إقتراع أو مساهمه رياضيه تفيد أعضاء المنتدي والناس الزيك الماعايزين يستفيدوا مايدخلوها[/quote]

يااخوي انا ماذكرتك بالأسم ،ولم اوجه لك الكلام ،وانت ذكرتني بالاسم واستعملت عبارات غير مناسبة ذي (كرهتنا ،والناس الزيك ،والماعايزين يستفيدو ) هسه المتعدي فينا منو ؟؟
وانا الان اترفع وأربا بنفسي ان ارد على مثل هذه العبارات .
ولكن ،ولكن اذا كنت انت مصر علي المهاترات انا ماعندي مانع وليكن جميع الاعضاء شهود وحتى هذه اللحظة انا سكت عن الرد المناسب عليك للمحافظة على نقاء هذا المنتدى .
وأكررها لك مرة اخرى اذا انت داير هذا الاسلوب انا جاهز جاهز جاهز بس خلي الناس يشهدوا عليك أول .

ياكبسور ويا عبدالعزيز والله الكلام ده عيب منكم وياجماعه المسأله اديتوها اكبر من حجمها انتو مشرفين ومن كبار الاعضاء يبقي من المفترض تكونو قدوه لبقية الاعضاء مش تصلو لمرحلة المهاترات الفارغه ودي ابدا مابتخدم المنتدي بل العكس انتو حتعملو انشقاق وبعدشويه يمكن تدخلونا في استفتاء كمان ...
الموضوع ده في غاية البساطه وافتكر الناس اجمعت علي عدم جدوي المواضيع المنقوله الما منها فائده وتأتي خصما علي مشاركات جديره بأن تأخذ مكانها في المنتدي ولكن برضو لا غني للمنتدي عن المواضيع المنقوله المفيده والتي لابد منها في المنتدي الرياضي او المطبخ اوغيرها وان ملاحظ من كم يوم الامور ماشه تمام والناس شغاله كويس في البوستات القديمه اللي ما اخدت نصيبها من التعليق والمداخله عشان كده بردو نفسكم شويه وبطلو حماقة الجعليين الليله طبقتوها لينا عمليا وبث مباشر كمان يلا ياشباب صافي لبن وفي النهايه كلنا اخوان واتفضلو اشربو عصير ابري طازه الوالده عاست ليها كم طرقه كده فلنا نضوقكم ليهو .

اتمنى من الاخت ام احمد ان تقوم بحذف ما كتب من مهاترات من قبل الاخوين ابوفادى وكبسور لأن ما حدث كما يقول الاخ الراقى خالد لا يشبههما ولا يشبه الروح الاخوية التى تسود المنتدى..واعتقد ان الخطأ مشترك بين الاثنين..فكبسور استخدم السيف فى موضع اللين بينما لبس ابوفادى طاقية عرضت على الجميع..ويا كبسور مهما يكن اقتناعك بالفكرة التى تطرحها وتدافع عنها بقوة لابد لك ان تترفق بالآخرين وان تستخدم من العبارات مما لايجرح قلبا ولا يكسر خاطر ..وانت يا ابوفادى نعيب عليك انك اعتبرت نفسك المقصود بالكلام مع انه كان موجها لنا جميعا فلست وحدك الذى ينقل فى هذا المنتدى..نتمنى ان لا يعلق بالدواخل شئ من حتى الاحداث السابقة فأنتم اخوة وتهدفون لهدف واحد وهو العمل على ترقية وتطوير المنتدى..ولا ادرى لماذا دائما نخبئ الكلمات الطيبة داخل القلوب فى وقت الحوجة اليها وندع الباب مفتوحاعلى مصراعيه لكل الكلمات الاخرى وفى كل الاوقات..الآن نحن نحتاج منكما ان تفسحا الطريق امام الكلمات التى تداوى لا للتى تجرح حتى يعود وجه المنتدى صافيا نقيا كما كان..صدقونى ان كل كلمة جارحة توجهونها لاحدكما نحس بها جميعا ونتألم بها اكثر مما تتألمون..وما كتب هنا كان وقعه على قلوبنا ثقيلا،ولذا لابد لكم نسيان ماحدث واعتباره شئ من الماضى وفتح صفحة جديدة ان لم يكن من اجلكم انتم فمن اجلنا نحن اخوانكم الذين نقرأ ما تكتبون شئتم ام ابيتم..

الاخ حذيفة جزاك الله خير على هذه الكلمات الطيبة .ولكن انت تعلم انني ادافع عن فكرة وانا لست ضد شخص ولا اهاجم شخص معين وكان هذا بمثابة نقد ذاتي لينا كلنا واصلا انا لم اهاتر شخص عشان تمسح مشاركتي وكان ذلك في سياق رد علي العضو مقنع الكاشفات وهو قد شكرني على ردي وقال لي (هذا مانرمي اليه) وتفأجات بعضو اخر يهاجمني ويذكرني بالاسم ،وانا استغرب يااخ حذيفة كيف ساويت بيننا في هذا الموضوع مع انني لم أسيئ اليه وقد استخدم هو عبارات تحمل الاساءه الي شخصي ،فكيف ساويت ياحذيفة بين من ظن ان هناك سهم موجه الى عينه وبين من قلعت عيناه فعلا وطبعا لايتساويان ،ومازلت احتفظ بحق الرد في الوقت المناسب مالم يعتذر هذا العضو صراحة عن كلامه هذا أو يمسحه أويمسح من قبل الاشراف .ولو انا كنت مستعجل في ذلك فانا قادر والحمد لله على الدفاع عن نفسي ولكنني ماداير حتى هذه اللحظة اجرح الناس .
وبعدين ياخي حذيفة الكلام عن المواضيع المنقولة ابتدرته الاخت أم أحمد للنقاش وكل شخص قال رايه وكل شخص له وجه نظر مفروض يدافع عنها من غير ذكر اسماء الناس وماياخذ كلام الناس على انه موجه اليه .

·

·

·

·

·

·

·

·

رد: المواضيع المثبتة

من طرف عبدالعزيز محمد الحسن في الخميس 8 يوليو - 10:13:58

السلام عليكم ورحمة الله وبركاته
أقترح تثبيت البوستات التاليه :ــ
(3)المواضيع المنقوله لوضع كل المواضيع المنقوله والتي تفيد أعضاء المنتدي وتضيف للمنتدي في مكان واحد
ولكم الود والتحيه
ودمتم

رد: دفتر أحوال المنتدى

دفتر أحوال المنتدى I_icon_minipost

من طرف كبسور في السبت 10 يوليو - 16:59:01
+
-----
وفي بعض الناس قالوا دايرين المواضيع المنقولة يثبتوها كمان ،انتو ياجماعة دايرين تضحكوا علينا ناس المنتديات التانية ولا شنو ؟؟

السلام عليكم: ياحوذي انا مالبست طاقه تخص الجميع والإستهتار كان واضح عشان كده انا زعلت وقمت بالرد وعاوز أقول من حق أي عضو يقول رأي مخالف لكن يجب عدم الإستهتار والتعدي
على الاخرين وطبعاً ماشرط تقول الإسم لكن من خلال الكلام الفوق يقدر الجميع ان يعرف سبب النقاش وسبب الزعل ومنو الغلطان وبدأ بالإستهتار
وفي النهايه ياكبسور عشان الناس مايضحكوا على شخصى الضعيف الغلبان انا ححترم نفسي وماحدخل المنتدي

أخوتي لكم التحيه نحن في بواكير خطانا نتلمس الطريق نحبوه بمنتدانا نحو وجه كمل وأمثل لابد أن تكون هنالك روح سائده بيننا
وهي روح الودوالبعد عن المهاترات الشخصية واول أشتراكي في منتداكم العامر أرسلة لكم هديةمغلفة وسوف أذكركم به مره أخره أرجوا أن تنال إعجابكم
خذوا دقائق من أوقاتكم للتفكير فيمن حولكم أشعلوا شموع الوصل بينكم
بزهور الحب تهادوا وبأريج الود تقاربوا وبأجمل الحروف تعانقوا فلا خير في حياة يهجرها الفرح
ما أن نجد الوسيلة لإضفاء السعادة إلي قائمة أمنياتنا الحياتية حتى نعود لدائرة الحيرة مجددا
تري ماالهدية الملائمة ؟ وعلي ماذا يعتمد انتقاؤنا لها ؟ وما الوقت المناسب لتقديمها ؟
وكيف نجعلها شيئا جميلا يفرح به الآخرون ؟
الإنسان مولع بالمفاجآت محب للفتات الرقيقة التي تأتي دون استجداء والتي لايخالطها تكلف ولا مباهاة
وله مشاعر تدغدغها الكلمة الطيبة وإحساس يستفزه العطاء
ولذلك فان اختيار الهدية وأسلوب تقديمها مهمة ليست بالهينة وهي فن يتقنه بعض الناس ويجهله الكثيرون
فعند اختيار الهدية يجب مراعاة جوانب تخص المهدي إليه عمره جنسه ثقافته هواياته ومراعاة المناسبة والوقت
وعلي هذا الأساس ستنحصر الخيارات وتتضح الرؤية
والاهتمام بشكل الهدية أي غلافها الخارجي فيجب أن يكون جذابا وأنيقا ونرفق معه بطاقة بكلمات معبرة غير منقولة
لضمان الخصوصية والتفرد ويكون بأسلوب لطيف وبشكل ودود والكتابة لأتغنى عن التهنئة الكلامية
علي حسب المناسبة عيد ميلاد دعوة زواج ودعوة صادقة بدوام الفرح ولأمانع من بعض الإطراء في أن تنال رضاه
وكذلك علي مستقبل الهدية واجب التعامل بذكاء وإضفاء جو التقدير والاهتمام واستقبال الهدية بابتسامه تدل علي الامتنان
والحرص علي النظر إلي عينيه وشكره بعمق يستحق الموقف لان الهدف هو التواصل وبناء الجسور وتقوية العلاقات
ومن اللطيف إضفاء جو المفاجأ وفتح الهدية أمام مقدمها والإطراء عليها وعدم إهمالها والتحدث بغير مبالغة عن جمالها
ووضعه في مكانه الملائم وتجريبه المهم في الأمر عدم وضعها جانبا وكأنها لم تنال رغبة وإعجاب من قدمت إلية
طبعا لابد أن ترافق مناسباتنا هدايا متنوعة معبرة له نكهة الاستمتاع وليبقي مذاقها عالقا بالذاكرة مع مرور الزمن
وكم رائعة تلك الهدايا التي ترافق مناسبة ما وأروع منها تلك الهدية التي لا ترافق أي مناسبة
والأجمل والأكمل والأروع من كل ذلك الهدية التي تذكرنا بمناسبة كنا قد نسيناها
يقال أن الرجال أقل تعلقا بالهدايا من النساء وهن غالبا الكفة الأرجح في الاهتمام بالهدايا وهن الأكثر عشقا لها
وأنهن الأعظم حيلة لصنع المناسبات وخلق الأوقات المليئة بالمفاجآت والمسرات
رغم أن هديتي فقد ت عنصر المفاجأة
بزهور الحب تهادوا وبأريج الود تقاربوا وبأجمل الحروف تعانقوا فلا خير في حياة يهجرها الفرح
تعتنقك الحيرة كلما أردت أن تزين حياتك بابتسامة أحدهم وتتعد خياراتك كلما عقدت العزم علي تلوين
سماء آخرين بلون الرضاء تستوقفك المحبه وتسألك بخجل كيف ستجعلني أسكن أفئدة من تريد ؟
يجيبك قول نبوي عميق ( تهادوا تحابوا )
دية مغلفة لامانع من نسخه مره أخره

صراحة احوال المنتدى اليومين ديل
لا تسر حبيب لا تسر عدو..
ركوض غريب في كل اقسام المنتدى
ومافي اي حاجة جديدة ولا حتى تجديد
للقديم.. يعنى نحن نتناقش في المواضيع
المنقولة تتفتح لينا المواضيع المكررة ..
اذا كانت دى رغبة الاعضاء ,, فأين المشرفين
علي اقسام المنتدى ؟؟ وليه الناس بتتفرج
والمنتدى شكلو كدا بيغرق؟؟؟ ليه ما يكون
في خطوة جرئية ضد كل المواضيع المكررة ؟؟
وليه كل عضو قبل ما ينزل مشاركة ,, ما بيتأكد
اذا كانت موجودة اصلا ولا لا؟؟
وحاجة تانى احب اعلق عليها ,, وهى الحساسية
الزايدة بين اعضاء المنتدى ,, لازم كل زول يحترم
كيان المنتدى واعضاءه ولا نقبل التجريح بأي صوره
من صوره؟؟
صراحة يا جماعة المنتدى ما يستاهل منكم كدا
ولا دى المحرية فيكم.. ولا الحاجات دى بتشبهنا
وتشبه شندى ....

نتمنى من الاخوين ابوفادى وكبسور ان ينهيا الامر على خير..ويا ابوفادى اعتذر لك اذا زعلت من المثل الخاص بالطاقية الذى كتبته فى تعليقى على مجرى الاحداث بينكما..وفى النهاية لايهم كثيرا من اخطأ انما المهم عدم التمادى فى الخطأ..وما استغرب له انكما تحدثتما حديث جميل ورائع فى بوست الاعتذار،ولكن حينما جاء الدور عليكما وعلى ارض الواقع للاعتذار لبعضكما البعض ولكل اعضاء المنتدى ،صعب الامر كثيرا عليكما..وما استغرب له اكثر ان الموضوع نفسه لا يستاهل كل هذا الزعل وكل هذه الضجة..ويا ام تسابيح بخروا المنتدى..ويا ابوفادى خذ قسط من الراحة واعد التفكير ستجد ان الموضوع ابسط بكتير ولا يستحق ان يكون سببا يجعلك تغادر المنتدى لان المنتدى يمثلنا جميعا ويحتاج منا الكثير لكى نقدمه له..وصحى الحجاز فى راسو عكاز‘جيت احجز بين الجماعة و فى النهاية راسى اتفلق من عكاكيز الجماعة..وبرضو ما حنخليكم تتشاكلو..

سلاام ياغالييييييييييييييييين
أول شىء احب أوضح انا مابحمل شىء على أحد وانا بحب المكاواه والهظار وايذي وجني وجن الجديه في كل شىء
وياكبسور انا ماقصدت أزعلك لكن عقاربك دي ماتختها لي تحتي وعلى العموم لو صدر مني شىء في حقك انا اَسف
وكمان أقول ليكم انا بحب المنتدى ده شديد و الناس الراقين القائمن على أمره
وأم سبوحه دي حركات ساي مافي حساسيه الا في الجيوب اَخر الشهر وانا بحب الهظار شديد ودمي تقيل ومابزعل
وياناس المنتدي بصراحه مالو لو كلنا نشارك في المواضيع ونظهر صدقوني حيبقي لمنتدانا نكهه خاصه وحيكون لذيذ انا ماعارف قصة الزول يدخل المنتدي ويتفرج بس ياربي يكون خجلان ..ياجماعه انا بعرف ناس شندي عندهم الشجاعه يقولوا رايهم في كل حاجه واتمنى ان يطرح بوست بإسم أسباب عدم التفاعل في المنتدي والناس كلها تشارك ونعرف الاسباب شنو ونحل الموضوع ده
وياأم تسابيح ربنا يجزيك عنا كل الخير شايله هم المنتدي زي بناتك
وياسلا انتي زوله راقيه ومواضيعك بتحركنا كتيير
ويانزار وحوذي تعبتكم معاي شلتو الهم طوالي تتصلوا وعاوزني ماازعل لك بصراحه الواحد مرات بكون عاوز يتدلل ويحس بأهتمام الناس البحبوه
ويكبسور ارجع لينا ماتزعل وحقك علينا
وياشباب إن شاء الله روحنا دايماً رياضيه ومانشتغل بصغائر الامور
ودمتم بكل الود والمحبه والمعزه الامنتهيه
وياود تمبول الحلو مر عجبني مافي تاني (شحاد وعيني قويه )ولو اتعودت على عصائرك كل يوم بتلقاني فاتح خشمي

سعدنا كثيرا وانت تتحفنا بهذه الاشياء الرائعة يا ابوفادى..وهذا درس مجانى للجميع وهى ان اهل المنتدى مهما مرت بينهم لحظات اختلاف فانهم يستطيعون التغلب عليها وتخطيها لانها مجرد سحابة صيف تنقشع سريعا لان ما يجمع بيننا من مودة ومحبة اكبر من كل الاختلافات العابرة ولاننا اكبر من ذلك..ونحن فى انتظار ما يتحفنا به الاخ كبسور..

حبة كلام:والله دخلتونا فى اضافرينا لاننا نعزكم الاتنين ابوفادى وكبسور..وتانى عليكم الله ما تدخلونا فى حتات ضيقة زى دى..يعنى اسع كان دورت مشكلة بالجد ،نقيف مع منو فيكم دفتر أحوال المنتدى Icon_exclaim

...

أيوة كدا

مشكور ابو فادى علي الكلام الطيب دا,,
واكيد كل الاعضاء بيحبو المنتدى ومهما
اختلفنا نرجع اقوى من الاول,, لأنو العترة
بتصلح المشي ..
تفكيرنا واحد ....
وانتماءنا واحد....
وعاداتنا دايما حلوة...
عشان كدا يا ريت كل الناس تصفي نفوسا
ويد بيد نصل النجوم..
يلا يا كبسور خلاص صافية لبن ومحتاجين لي
التكاتف وقبل كدا قلتها وتانى بعيدا.. نتواصل ..
نحب ..... نسمو..... ولا شنو؟؟؟؟
ودكتورنا الرائع دوما طرح سؤال مهم .. هسة
لو اتشاكلو اتنين نقيف مع منو؟؟؟؟ Shocked

حمدلله ع السلامه ودي عين واصابت المنتدي لكن الحمدلله عدت علي خير ويلا بالمناسبه دي انا جبت ليكم

شوال عدس يلا يا ام تسابيح خشي المطبخ وظبطي لينا حلة عدس كاربه كده

عدس شنو ؟؟ انت ما شايف الشيات
والمرارة في الراكوبة؟؟

يا ام تسابيح زولنا دا اجرس شديد وما تصدقى حكاية العدس دا..شكلو ما عارف انو نحن ضبحنا عتودو وكمان اكلناهو..

الاخوة المشرفين وكل الاعضاء عموم .
لكم كل التحية والود والتقدير .
اجدد عهدي للجميع انني لن اهاجم او اسئ لاي عضو في شخصه وكل مااكتبه لااقصد به غير النقد من اجل الاصلاح ولكن صاح مرات بكون بكلمات حارة ولكن دا كلو والله بسبب غيرتي الشديدة علي المنتدى وذي ماقالت اختنا الكريمة أم احمد فبل كدا انا برضو شايف المنتدى دا حقي وبيتي ولكن في سبيل ذلك نتمنى مستقبلا ان يوفقنا الله بحيث تكون مناقشتنا غيث يغسل ولا يغرق .وانا شخصيا حريص على كل اعضاء المنتدى وحريص على عماره ولن اساهم في تطفيش اي زول منه وقطع شك انني اكن للاخ عبدالعزيز كل التقدير والاحترام واعتذر اليه صراحة اذا اصابه مني رايش ،ولكنها نيران صديقة وليست مرسلة من عدو ،والمنتديات تجمع الناس ولايمكن ان تفرق والناس بتكون الاركان في داخل المنتديات قبل ان يشوفوا بعضهم ،ويتواصلوا على ارض الواقع .
وللجميع كل الود والتقدير .

قمة الروعة والرقي ..
والله انتو كلكم كدا احلي اعضاء منتدى
انا شفتهم في حياتى.. وكلنا كدا
نبنى منتدانا قشة قشة وطوبه طوبه,,
وابنى عشك يا قمارى قشة قشة
وعلمينا كيف علي الحب دارنا ينشأ..
خليتونا نغنى الله يجازيكم..

الليلة ما شاء الله وتبارك الله..
عينى بااااااردة ..
يشهد المنتدى اليوم حركة واضحة
في المشاركات والردود وحتى تواجد
الاعضاء .. ياريت كل يوم يكون في
حركة ونشاط.. وما عايزين خمول تانى..

نحيى الاخ كبسور كما فعلنا من قبل مع الاخ ابوفادى..وقد لاحت لنا من ثنايا ما حدث معادنهم الاصيلة..وكما ذكرت من قبل ان اتفاق الناس الدائم ليست ظاهرة صحية فى كل الاحوال وان الاختلاف سنة من سنن الكون واحيانا كثيرة مؤشر جيد نتعلم منه ويصحح الكثير من الاشياء..دعونا نختلف فى الافكار وليس فى الاشخاص..واعتقد ان ما حدث كان اختلاف فى الافكار ولكن العيار فلت شوية..اتمنى ان نختلف جميعا فى الافكار لان الاختلاف فى الافكار يولد افكار جديدة ويكون طريقا ممهدا للابداع..ومن الاشياء التى لا تعجبنى فى المنتدى ان كثير من الافكار التى تقدم بالمنتدى يعقب عليها الاعضاء بالثناء فى كثير من الاحوال ولا احد يقدم وجهة نظر مخالفة..دعونا نمارس النقد الموضوعى على اعمال بعضنا البعض..والنقد يعنى الثناء على الايجابيات ومحاولة اظهار السلبيات..دعونا نستفيد من بعضنا البعض لان النقد يعنى الاهتمام وتوضيح السلبيات ومن ثم محاولة تلافيها من اعضاء المنتدى..

تسلم أخوي كبسور وانا كمان أكن لك كل الإحترام والموده والمعزه الصادقه وأشكر الاخوان أم تسابيح وحوذي وخالد ود تمبول ومقنع الكاشفات وانتم أخوه واصدقاء غالييين
ودمتم بكل الود والمحبه
ولكم تقديري وإحترامي ومعزتي؛؛؛؛

التقاء الأيمن الممزوج بعصارة التاريخ وهدوء الأيسر كهدؤ حكماء القبائل يجتمعان كنقيضين فتتغلب الحكمه الوقورة علي العنفوان الهادرعلي دلتا الالتقاء فيرتفع منسوب الترياق وهنا يعتلجان أعتلاج النفس البشرية في مسيرة التكوين الأزلية ليس الأ رياح موسمية
جافة مغلفة تحمل في طياتها بذور يافعة تنتظر الخريف لتأخذ الحياة طريقهاالي فلقات حباتها هكذا الحياة
ماأروع تلك القمرية الورقاء التي تنقل خبر تنافس الزواجل ولكنه
تبشر بقدوم خريف جديد لمنتدانا لكم التحية علي الروح الرياضية
اخوتي كبسور وعبد العزيز ماأروع الصفاء والعودة الحميدة

المنتدى في اللحظة دي فيهو
ام احمد ** سلا** بعبوشة
وام تسابيح.. حاجة غريبة انو
اول مرة يكون الحضور من الجنس
اللطيف.. وفي 5 زائرين بس ما عارفاهم
معانا ولا مع الخيانة...

من طرف dooody الجمعة 16 يوليو 2010 - 23:45

ومازال الجنس اللطيف يحوز على المنتدى
يا خواااشن يا تلحقو المنتدي يا احتليناهو
هعهعهع
بس يا ام تساابيح احلى كده عشاااان نااخد رااحتنا <<ما يسمعوني rendeer

شكلهم كدا سمعونا يا دودى
هسه كان جبنا سيرة كنز ما كان
لقيناهو,,, انضم الان الي المنتدى
الاخوان حوذى والعبادى,, ورجلكم
حااااارة لانو سلا طلعت..
بس الحمد لله جاتنا بت نمر..

من طرف dooody السبت 17 يوليو 2010 - 0:03

شكلو كده
لكن هم برضو بمكانه كنز لينا ولمنتدانا ولا شنو؟ <<ده عشاان ما يزعلو

والعبادي شكلو زعل
والموجودين حوذي دوودي ام احمد ام تسابيح

والله ياجماعة المنتدى اليوم جميل شديد ،الحضور جيد .
وانا قلت جميل لانو ياجماعة في حوار ممتاز وماحصل اليوم في بوست (بيتي ..مملكتي ) يعتبر نموذجي بكل المقاييس ودا شكل المنتدى الذي نريد .مناقشة حلوة وهادفة وكل زول بقول راي مفيد ،وشوفوا ياجماعة بوست فتح خلال ساعات وتمدد بمداخلات عدد من الاعضاء ،شكرا لك الاخت أم أحمد على على هذا الجمال والروعة .وبوست ذي ده يدرس لي كل المنتديات .

بصراحه كده المنتدي بقي لذيذ اكتر من زمان بكتير والمواضيع ممتعه وانا مبسوط شديد

لك التحيه عبد العزيز المنتدي كاسهم البورصه هبوط وارتفاع
بقدر التفاعل والمواضيع المطروحة وشكرنا لام احمد على الوجبة
الدسمة التي قدمتها لنا وجاهزين واقلامنا سنينه ولم يتبقي لنا
من الوجبات الاعتود ودتمبول وليك يوم وراءك والزمن طويل

المنتدى اليومين دى عايز بخوووووور
ما شاء الله حضور تمام ولو انى ملاحظة
غياب بعض الاعضاء .. المشاركات حلوة
شديد ,, وبوست بيتى مملكتى أدى
المنتدى طعم ونكهة وابعاد اخرى..
نتمنى من الاعضاء التفاعل اكتر حتى في
مواضيعنا القديمة .. واتقدم بطلب للادارة: هو
ان يستعجلوا نقل المنتدى للموقع الجديد
وياريت يكون قبل دخول شهر رمضان..

صرااااااااحة المنتدى فيهو جو رهييييييييب الليلة حضور متألق من
8 اعضاء من احلى واغلي الاعضاء في المنتدى ,, مشاركات
تنم عن روح الابداع والاخوة فيما بيننا .. اتمنى ليكم كلكم ليلة
سعيدة...

سلام مربع لاحلي اعضاء في احلي منتدى..
حضوووووور متميز واجواء ربيعية رائعة
في المنتدى .. وبما انو نقل موقع المنتدى الي الموقع
الجديد ح يكون قريب باذن الله ,, لازم يكون في
تواصل وتكاتف اكتر بيننا , وعايزة بس اقول حاجة
صغنونة كدا , انو نوقف تنزيل بوستات جديدة
ونكتب في القديم بس ,,لانو لسة ماعارفين نسبة نجاح
عملية نقل المنتدى .. يعنى المواضيع الجديدة خلوها للمنتدى الجديد
وياريت اي زول عندو فكرة عن نقل المنتديات
يمدنا بيها ,, وايد علي ايد تجدع بعيد..