العندو القرش لو كان ريالتو تسيل

كتيييير من الناس بشوفوا إنو القروش او المال أهم شىء في الحياه وبقيموا الزول العندوا قروش ويدوهو مكانه عاليه وبكون زول محترم في المجتمع ومهم شديد وممكن كمان يعتبروا قائد وكمان بكون ليهو مكانه وإحترام خاص في المناسبات فيجد إهتمام غير عادي ويكون أول واحد يفضلوه على صواني الأكل وقيل في المثل (كل ياكمي قبال فمي ) ودي نظره كتير من المجتمعات ولما تناقش زول يقول ليك (المال والبنون زينة الحياة الدنيا )صدق الله العظيم وكمان يقول ليك ربنا قدم المال على البنون والمال عصب الحياه
لكل في ناس بشوفوا أنو الزول مامفروض يكون مادي وفي حاجات كتييير في الدنيا أهم من القروش
ياتري هل نظرة الناس البتحب القروش دي نظرة واقعيه في الحياه وهل الناس البقولوا لا القروش مامهمه وفي حاجات أهم عشان ماعندهم قروش والكديس لما مايلقي اللحم بقول عفن ولا الحاصل
شنــو
ولو دخلنا السوق بيقولوا ليك (الكاش يقلل النقاش )ولكن هل المال يستحق كل هذا الإهتمام وصاحبه يستحق كل هذه المكانه بغض النظر عن تصرفاته ومبادئه وقيمه؟

تشكر يالذيذ موضوع جميل وياريت الناس تتناقش فيه
انت عارف يابوفادى الزمن العلينا ده الناس قلبو بيت
الشعر بتاع العلم خلوهو يقول الفلوس ترفع بيت لا عماد
له والفلس يهدم بيت العذه والشرف وده كلام غلط
انا شفت فى بعض المناسبات الناس لامن يجى زول تريان
قروش يقوموعليه سلام سلام العميان شايل المكسروالمفلس
الغلبان العينه العامل رقعه لى الجلابيه يقولو ياخى شوف
الزول العارض ده

ههههه والله ده الحاصل وانا في رأيي أنو المبادىء والقيم والأخلاق أهم من الفلوس ولو بقت الحياه ماديه
وخاليه من القيم حتبقي بلامعني وغايتو نحن بنعيش في زمن صعب
(تسلم ياعواج وربنا يديك العافيه)

في الواقع لا يمكن تجاوز المادة

في اي مجتمع مهما كان ماعندنا بس

حتي عند الخواجات المال سيد الموقف ،،،،

ولا تمشي بعيد في البيت الواحد الولد البكون " مقرش "

تعاملة من قبل باقي افراد البيت حتي الام والاب مختلف

هذا واااااقع ولايكن ان ننكرة مهما كان قبيح ،،،

مشكور اخي عبد العزيز على هذة المساحة .. تحياتي

العندو القرش لو كان ريالتو تسيل

العندو القرش لو كان ريالتو تسيل

العندو قروش ولوكان ريالتوتسيل

رد: العندو القرش لو كان ريالتو تسيل

رد: العندو القرش لو كان ريالتو تسيل