مرام مرقت علي الجيران

انتو ياجماعة الناس ديل جنوا ولا الحاصل شنو ؟؟
من كم سنة اهتز كل السودان بقصة الطفلة الشهيدة مرام ،التي تم إستدراجها بواسطة عدد من المجرمين وتم إغتصابها وقتلها ،وتمت محاكمتهم وإعدامهم .
وما كتير تاني نفس القصة إتكررت مع الطفلة شيماء .
وكل يوم تلقى خبر في الجرايد ،مرة يقول ليك طلبة ماعارف وين برضو ساقوا طفلة واغتصبوها ،وبعد يومين تاني كمان يقولوا ليك عتالي عمرو اربعين سنة إستدرج ليهو طفلة إسمها إيمان واشترى ليها بسكويت وحاجات واغتصبها وماتت !!!
المشكلة دي شنو ؟هل هي جديدة ولا زاد حجمها ؟ والسبب من شنو ،فساد ولا جن ،ام ضعف القانون ولا اهمال الاسر في رعاية الاطفال .كدي ياجماعة كل زول يحاول يناقش حجم المشكلة دي وابعادها والمعالجات شنو .

الموضوع دا مشربك شديد .. فيهو عدة جوانب اجتماعية ودينية واقتصادية وسياسية واعلامية ، ولو مسكنا كل جانب براهو بنلقاهو عندو دور لكن ليس هو السبب الوحيد لتنامى هذه الظاهرة الدخيلة على مجتمعنا .
وللأسف قبل يومين قريت فى صحيفة الراكوبة عن حكم بالسجن لوالد متزوج من أثنتين وأغتصب ابنته !!! مرام مرقت علي الجيران Confused

.
وانا بأعتقد رغم اختلاف المسببات لو القانون كان رادع وقاسى جداً فى أحكامه أكيد كتير من ضعاف النفوس حيخافوا وربما تقل الحالات المعلنه والمسكوت عنها .

لك التحية أخي كبسور فالموضوع أكبرمن ذلك قضية مجتمع بكامله أنهيار القيم لمجتمع
كان لوقت قريب يعتبر من المجتمعات النموذجية ولكن للاسف تم تدمير كل أيرث قديم كل المبادي
والموضوع له عدة جوانب اجتماعية وسياسية والفراغ القاتل والعطاله المقنعة وغياب الوازع الديني
ومدارسنا وجامعتنا أصبحت رمز للميوعه والخلاعة وتدمير الرجولة والنخوه وكذلك الافكار الدخيلة
والمنحرفة وحالة التردي الأقتصادي والفقر والعوز والعدم والثراء الفاحش وظهور الطبقيةالجهوية
التي نمت الأحقاد الأجتماعية والفوارق الطبقية كيف لا ترئ تلك الظواهر الدخيله
فالبعد من الله والفضاء المفتوح لكل فكر منحرف يعتبر من ضمن تفاقم الظاهرة
فوسائل الإعلام لها دور خطير في التربية ولديها قدرة كبيرة علي الإقناع وصياغة الأفكار
فإذا ماانحرفت تلك الوسائل قادت الناس إلي الهاوية وأصبحت معاول هدم وتخريب
فالعقيدة السليمة أساس لتهذيب النفس واكتساب الأخلاق الكريمة
والأنحراف في السلوك إنما ينشأ في الغالب عن انحراف في العقيدة
فالسلوك ثمرة لما يحمله الإنسان من معتقد ومايدين به من دين والله المستعان

السلام عليكم لك التحيه أخي كبسور وأنت تثير هذا الموضوع الهام والحساس والظاهره دي موجوده في كل العالم وانا بشوف إنو لو كان في قانون رادع جداً مثل الحكم بالإعدام حتقل حالات إغتصاب الإطفال

كيف نحمي اطفالنا من الاغتصاب ؟

وذلك عن طريق تعليمهم وتربيتهم

على التالي :

* ان يشعروا بأهمية المحبة والتقدير وانهم يستحقون الرعاية والامن

في كل الاحوال ..

* ان يعرفوا الفرق بين الاتصال الجسدي الآمن وغير الآمن ..

* ان اجسادهم ملك لهم وليس من حق اي شخص ان يعتدي عليهم .

* ان يكون لديهم الثقة بقول ( لا ) في اي موقف مريب ولا يشعرون

به بالراحة ..

* ان بعض الافراد الراشدين لديهم انحرافات ويجب الحذر منهم .

* ان طفلك يمكنه الاعتماد عليك في حمايته وتصديقه عن اي ايذاء يخبرك

به .. )

(اما كيف يتم التصرف لو حصل لطفل ذلك لا قدر الله .. :

* احتفظ بهدوئك حيث قد يفسر الطفل غضبك بأنه موجـّه له .

* اعط الطفل مؤازرة .. وتدعيما ً ايجابيا ً ..

* اشرح له بأنه ليس المسؤول عما حدث له .

* استمع له واجب عن اسئلته بكل صدق .

* تشعر طفلك بأنه ليس سيئا ً او انه ليس السبب لما حدث له .

* احرص على عرض الطفل على المختصين من اطباء واخصائيين نفسيين .

* اخبر الجهات المختصة بما حدث لكي يحصل الطفل على المساعدة المتاحة

في مثل هذه الحالات ..

شكراً للاخوة :أم أحمد ،مقنع الكاشفات ،عبدالعزيز على المداخلات القيمة ونطمع في العودة للمناقشة .
والاخت أم أحمد قدمت وصفة جاهزة لحماية الطفل ،وفعلا لازم الاطفال يكونوا محصنين ضد اي استدراج ،وبعد مايبدى يوعى شوية نشرح ليهو بي طريقة بسيطة دون مانعمل ليهو تشويش في تفكيرو ،ولازم يفهم انو في ناس ماكويسين ومايمشي مع كل زول ينادي عليه ،والام لازم تراقب حركة اطفالها خارج المنزل وتلاحظ غيابهم .حكى لي أحد الاخوة المصريين وكنا في نقاش لهذه الظاهرة قبل فترة ،بانه لو رسل طفله للدكان وتأخر الطفل حتى ولو دقائق لازم ينزل يلحقه يشوفو مالو .والقانون في مصر رادع لمثل هذه الاعتداءات وفي غالب الاحوال يتم اعدام المعتدي متى ماثبتت اركان الجريمة عليه ،ودا قلل شوية من الظاهرة .ولكن في السودان في تقديري فان المشرع متساهل شوية والقانون ضعيف وما رادع الا اذا قتل الطفل ،في حين ان معظم الدول تعدم المعتدي بجريمة الاغتصاب فقط ولا يشترط موت الطفل .وكمان عندنا غطغطة للقصص دي وكتير من الناس بلموا الموضوع وما بصعدوهو ويقولوا ليك مادايرين نعمل فضايح لنفسنا ومادايرين نعقد الطفل .كمان نحن مامتعودين نناقش كل حاجة في الهواء الطلق سواءا في اجهزة الاعلام أو في داخل البيوت وفي حاجات كتيرة مدرجة في قائمة المسكوت عنه ودا ماصاح ومابفيد ،وفي حاجات يعتبر مجرد طرحها عيب قدام البنات أو الاطفال وياريت لو يكون في شفافية اكتر ،لانو واضح أن البلد منحدرة في انحراف وتدني بحكم كتير من الاسباب التي ذكرها الاخوان سابقا منها اقتصادية ،واجتماعية وغير ذلك ،والتربية ماساهلة ذي أول بسبب كتير من المؤثرات والغزو الفكري .

مرام مرقت علي الجيران

مرام مرقت علي الجيران

رد: مرام مرقت علي الجيران

رد: مرام مرقت علي الجيران

رد: مرام مرقت علي الجيران

رد: مرام مرقت علي الجيران

رد: مرام مرقت علي الجيران