حنيني ليك ..

هنا وعلي هذه الصفحات جبنا الرملة وجبنا الطوب والأسمنت وعملنا نفير ..نفير بالحب والود والحنان والهيام لمعشوقة واحدة وهم واحد وحسناء واحدة طوق جيدها كثير من الأعضاء بالكلمات الجميلة والمواضيع الثرة التي كانت لها اثر في تواصلنا وعلاقاتنا التي امتدت علي الواقع واصبحت حقيقة معاشة
كان نفير كمبادرة نفير التي ولدت عملاقة لمواجهة خطر السيول والفيضانات علي بلدنا الحبيب ونجحت في استقطاب جميع اطياف المجتمع السوداني ونفيرنا علي هذا المنتدي يفوق حد الوصف حفرنا الساس وغرسنا طوبة ود وطوبة حب وطوبة ريد واخواتنا الفاضلات غرسو فينا وغرسو معانا الساس المتين لهذا المنتدي العملاق الذي ولد باسنانه وفاق جميع اقرانه ولكن شاءت الأقدار ان نترك هذا الصرح الجميل ونتحول صرح اخر يفوقه جمال في المظهر والتنظيم والترتيب لكن كعادتنا نحن السودانيين ارتباطنا بمكان الميلاد يكون أعمق من ارتباطنا بمكان المعيشة ( ياخ نحن نرحلنا من بيتنا في شندي مربع 8 قبل 25 سنة الي بيت فى مربع 7 لغاية هسي انا ما حصل قعدت فى مربع 7 ساعتين مع بعض نجي مربع 7 ناكل ونشرب وننوم ونجري مربع 8 حكينا القصة ليييييييه عشان نعرف الارتباط بمكان المنشاه والميلاد )..
طفت ببصري وكل حواسي في ارجاء المنتدي المختلفة ولقيت اننا كنا في نعمة كنا متماسكين ومتفائلين وفرحانيين ومبسوطين بالمنتدي كنا شايلين هم بعض كنا بنتفقد بعض ونسال عن بعض اتلاقينا علي الواقع من خلال صفحات هذا المنتدي عزينا بعض وفرحنا مع بعض لقينا بعض فى الحلوة والمرة وياريت تاني يعود الحنين ونرجع زى ما كنا وكل الاعضاء السابقين يعودو لينا بي اشراقات جديدة ورؤي جديدة وافكار جديدة ونرحب بالاعضاء الجدد الناوين يكملو معانا المشوار علي هذا الصرح الجميل ونرجع نغرس الطوب طوبة طوبة ونعمل احلي نفير لاحلي منتدي في الدنيا ..

تخريمة ..
جد الواحد حزين علي ضياع المنتدي الجديد لكن كم تغمرني السعادة للرجوع لهذا المنتدي الحنين البتشم فيهو ريحة الدعاش وريحة المطره وبيوت الجالوص والاصالة والعراقة والالفة والمحبة والود والوئام ما تبخلو احبائنا بقليل من حبكم لمدينتكم العظيمة ..

يااااربي احساس راجل المرتين زي احساسي تجاه المنتدى القديم والمنتدى الجديد الأصبح في خبر كان ؟ scratch

هنا مكان مميز جداً جداً بالنسبة لي حتى بعد رحلنا منو كنت بأختلس الزيارات اليه من حين الي آخر ..
لكن كمان المنتدى التاني كان ليهو طعم تاني فرحة الجديد وتوسع أسرة المنتدى تعب وسهر ليالي عشان نبدأ بداية قوية ، لكن قدر الله وماشاء فعل .
كلماتك جميلة كالعادة يا ود الجمرى ولعل من حسنات فقدان الموقع الجديد هو عودتك ورؤية حروفك تزين المنتدى لك ودى وتقديري .

تاريكم كنتم مقعدننا في بيت ايجار ونحن ما عارفين؟؟؟؟؟طيب على الاقل كان تكلمونا كان ممكن ندفع الايجار... بصراحة شديدة ضياع المنتدى الاخير جريمة في حق الجميع بالذات قد جرت محاولات لانقاذه ولكن لم نعطى الفرصة للمساعدة ...نسال الله الصبر والسلوان

حنيني ليك ..

حنيني ليك ..

رد: حنيني ليك ..

رد: حنيني ليك ..