عرارة

عرارة

واحد يا اخوانا راعى بعدين لما يجى ينوم بيملص السفنجة تحت السرير الكلام دا فى الخلاء بعدين الفار بيجى ياكل السفنجة وصاحبنا كل يوم بيشترى سفنجة جديدة فيوم زهج من الفار قام اشترى النعلات القويات الزمان (تموت تخلى )الفار جا قدر ما عضى ما قدر ياكل النعلات صاحبنا صنقرلوا عديييييل وقالو:

انت يا عرارة الفوق نعالى سريت *** السويتة رقدت يا دوبك اتجازيت

درت المشايم وللنبذ حقيت *** اكل البعر خليتو اظنك اترقيت

الفار قالو

اكل البعر خليتو زمان ممن وجدت العينة*** وشن جابر للتعب مادام المعايش هينة

اعتراف بقول لسانى ماداير شهادة وبينة*** اكل فى السفنجات الطايعة وجديدة ولينة

صاحبنا قالو

انت ما من الرجال المنك الخلق تتجفل ***وتانى ما بنديك سفنجة وتانى ما بنتقفل

اريتك تبقى راجل بى نفسك براك تتكفل*** خلاص درب السفنجات من عليك اتقفل

الفار قال

انا لا بطارد لا بسك الفايدة ****والسفنجات من غيرك فى البلاد متواجدة

اخرب واضر ما كايس من وراهن فايدة*** بس داكيفى ومزاجى فى الناس اليتصبح بايتة