الزولة اليانعة ورائعة وإنسانة

^{[font=Comic Sans Ms][center]النصوص اذا خرجت من غمدها أصبحت ملك متلقيها لا ملك قائلها ، فيرى المتلقي فيمراياها وزواياها بقايا نفسه واشياؤه الصغيرة وظلاله التي تدخل وتخرج دون ان تهشم الزجاج ، وقد يذهب التأويل بالبعض الى درجة تحميلها ما لم يخطر ببال الكاتب حينها ،لذلك فهي ملكـ عام أقضم منها ما شئت وأتفل ما لم يستسغه تذوقكـ ...
( حفظا للحق الادبى كاتبها صديق رحمه من ابناء كسلا)

الزولة

الرائعة الفائحة مودة

[FONT=الزولة

الرائعة الفائحة مودة
زي ريحانة

الزولة اليانعة
الشافية
السكبت فوق الناس تحنانا

الزولة الشالت
من دنيانا
غبائن
وشهقت
في انفاسنا
جنائن
ونشرت في
سمواتنا
بنفسج من بستانا

الزولة
التعرف
أنها شاقا
الحِلة من غير
ما تشوفها ....
لانو الشارع
زي فجأة سكت يتصنت
لخطوات المشية رزانة

والناس اترصت
زي العسكر
وقبل تشوفها
تحس نفحاتها
وتشوف الوانها

الزولة السرقت
دهشة كل
الكانوا حضور
وغسلت رهق
الناس في كل مكانة

الزولة السكبت
في جلسات
الشارع رهبة
وتدي الناس
إحساس بالطيبة
تسامي
بالجد إنسانة

زولة
عجيبة
لما النسمة
تشوفها بتفرح
وتضحك
تشاغل الوردة تميل أغصانا

يرقص
صفق الشجرة
يهفهف
يميل للناس
يحاكي البانة

الزولة
النشرت
روحها على
أركان
الحارة
وهطلت
بامطارها
تروي جنانا

زولة جميلة
تفرهد زهرة
روحك لما تشوفها
وينضح نبض القلب
أيقاع خطواتها
وتصلب إنسان
عينك في ألوانا

زولة عزيزة تمسح
حزن الروح
بكلمة ، تبيد الخوف
من غير ما تشعر
تدوزن أغنية
وتعزف وتر
القوس في كمانة

الزولة الرائعة
لما تجالسك
تفتح قوس
الفرح أفاق
ويسكت الم الغربة مسافة
حتى النبضة تعيد خفقانا

زولة عجييبة عجيبة عجيبة بالجد إنسانة}

والله صحي لكن0000زووووووووله رائعه بالجد000

تسلم يازوووووول00ياالباقر

الخال العزيز مساك الله بالخير...
كيفك وكيف احوالك فى الغربة؟
والله مشرف ومنور منتدى شندى
اما عن الزولة الرائعة ويانعة وانسانة بالجد قصيدة اكتر من رائعة ومقاطعا كلها مليانه حد الدهشة....
يسلم ذوقك واختيارك الانيق،،،،،،،

هلت البشائر وأول الغيث قطرة ..
قصيدة رائعه جداً .. تسلم على الأختيار الحلو ، وأنا أعتبر دى ضربة بداية موفقه لمشاركاتك فى المنتدى ونتوقع المزيد .

الاعزاء ..
زيزو .. بت الغالين sala35 و الفاضله ام أحمد
لك الود مشكورين للمرور ولاطراء
اتمنى ان نكون عند حسن الظن

الباقر لما الزوله جات ماره وقفنا نعاين زى العسكر
ولما البان اتمايل خفنا غصن البان يتكسر
ولما الشارع لاذ فى صمتو بقت خطواتنا بتسرع أكتر
وبقت خفقاتنا بتضرب تمتم
وقلنا يا الله الزوله الجابا الباقر دى جات من وين
امكن دى الريحانه الكانت بتحوم الحله يوم المطره تصب
وتوزع عطرها خير على الفرحان وعلى الحزنان
على الغنيان وعلى الفقير ماخصت أبداً انسان
أمكن يالباقر دى عيون القمره البتملا الدنيا حنان
وأمكن دى النومه البتجى للتربالى بعد فتره
الباقر بسم الله أنا مالى سرحته وخليت غنمى يديك الف عافيه