هام وعاجل جدااا

في الحقيقة لفت انتباهي تعليق اختنا ام تسابيح علي موضوع مرتي وانا وللحقيقه المغيبه ...
لو اي واحد فينا قعد مع نفسه شويه وراجع اسلوب وطريقة معاملته مع شريك الحياة حيلقي في تقصير شديد في حق التاني ...
انا عن نفسي بعترف اني مقصر في حق زوجتي من ناحية الحنان مش معناها اني قاسي لكن انابقصد حنية الكلام والمساعده في اعباء البيت من خدمه والاعتناء بالاطفال
وما الي ذلك من كلام حلو وهدايا بدون مناسبات ياجماعه مش انا براي لكن اكتر من نصف المتزوجين كده ده لو ماكلهم وده نحن الرجال بنقول دي طبيعة الرجل الشرقي
وده غلط لكن بنرجع ونقول انو الزوجه بتلعب دور كبير في الحته دى والكلام ليكن يالمنططات عينيكن ... اولا المرأه وبالذات السودانيه حبها لزوجها بيكون في السنة الاولي
ممن يجي المولود الاول بخصم جزء كبير من اهتمامها بزوجها وشويه شويه يجي التاني والتالت وعييييك الباقي يروح باالاضافه لشغل البيت والراجل يروح مرقه في شوربه ...
واكتر حاجه بتغيظني انو المرأه لوماشه بيت عرس تتجهز وتتلبس من الصباح للظهر عشان تظهر والعكس لزوجها اقل اهتماما وسؤالا ...
انا عاوز اعرف الغلطان في حق التاني منو والحل شنو بدون دفن الرؤؤس في الرمال ....
ارجو المشاركه وابداء الراي بوضوح مع اني عارف اني ضربت وتر حساس .

فعلا وترك حساس يا ود تمبول..
كل واحد من الطرفين لازم يعمل جرد ومراجعة
لي حياتو بين كل فترة وفترة .. لانو الطرفين ليهم
دور كبير في فتور العلاقة الزوجية.. فالزوج مشغول
دايما برة البيت .. وطوالي في حالة زهج وكواريك,,
والزوجة مشغولة بي البيت والاولاد ودايما تعبانة
ومرهقة.. وفعلا لما تكون في مناسبة هى تكون اول
واحدة.. وبنفس القدر الزوج برضو يجى داخل البيت
ولو حصل اي شئ تانى ما يطلع لكن لو ضرب ليهو
صاحبو عشان يلعبوا كوتشينة زولك يجرى جرى..
المعادلة صعبة وكل واحد ما قادر يرضي الاخر..
وهنا تاتى الحكمة من الحديث الشريف:-خياركم
خيركم لاهله وانا خيركم لاهلي)) اذا كان دا سيد
البشر وخاتم الانبياء صلي الله عليه وسلم.. المبعوث
رحمة للعالمين يعلمنا الرحمة ويترك لنا اساسا متينا
لبناء اسرة مسلمة.. لو كل واحد فينا ((الزوج والزوجة))
قرأ بس سطور من كتب السيرة النبوية العطرة ..
لعاش سعيدا في الدنيا والاخرة..
ارجع تانى لي موضوع الهدايا,, ليييه دايما الزوج هو
المطالب بالهدايا ؟؟ لييييه الزوجة ما تقدم لي زوجها
هدية حتى لو بسيطة يكون لها المعنى الكبير ..
وتقرب المسافات,, وبرضو ليييه الزوج لما يغلط في
حق زوجته ما بيعتذر ويكتفي بكلمة (( خلاص اعتبرى
الموضوع انتهى)) في حين لو غلطت هي في حقو
تبادر وتعتذر ..
الموضوع اكتر من شااائك وما معروف الغلط ويين
لكن ربنا يصلح حال كل البيوت..

مشكورة ام تسابيح يارائعه حقيقه المسؤليه والخطأ مشترك والمشكله المعالجه صعبه شديد وعاوزه مراجعات للطرفين .

تسلم يا ود تمبول على الموضوع الجميل..

عندما إرتضي الزوجين ببعض إرتضيا الشركة
التي تجمعهم جمع كل منهم راس ماله
من حنان وعطف وحب ومودة
ابرما عقد الاتفاق ومناصفة الربح والخسارة
الحزن والفرح المرض والصحة السعادة والالم
يسيرا فى هذا الدرب من اجل السعادة
وعندما ينقض اى من الطرفين هذا الإتفاق
تتفتح النيران عليهم من كل الاتجاهات
تاكل الأخضر وتقضي علي اليابس
يتحمل واحد منهم الربح ويتحمل الجانب الاخر
الخسارة والحزن والدموع والفشل
الزواج من منظوري الصغير هو شراكة
يتقاسم الطرفين الربح والخسارة
والعمل على التجديد والإبتكار فى الحياة اليومية
والتغيير فى طريقة البرامج والملبس والهدايا
والحناااانات ركزو مع الحنانات دي (تدي الحلق للملهوش ودان ) Very Happy

والجلسات الهادئة والجميلة نجلس جلسة غزلية وأمتع بيك عيني
أشوفك وأنسي الامي وأقول حققت أحلامي
وليك أميل ولي تميل عشان نميل سوا ياجميل Very Happy

والحب والرومانسية التي تقوي الرابط بين
الرجل وزوجته حتي لايصاب الطرفين بالملل
مع مراعاة التوازن في كل هذه الاشياء
النقصان يسبب الالم والحزن والزيادة تسبب التخمة Smile

تخريمة ..
الفي البررررررررر عوام .. lol!

تشكر ياجمري يارائع ... لكن بعد ما تتزوج كلامك ونظرياتك حيطير ليك كلنا قلنا كلامك ده لكن غيرك كان اشطر ياحبيب .

ههههههههههههههه يا ود تمبول
الواحد لو رسخ الحاجات دي جواهو قبل يدخل
معترك الزواج مافي حاجة بتجيهو
اهم حاجة انك كيف تكون مقتنع بالشخصية الارتضيتا لي نفسك وتصورك للحاجة
العايز تعيشا معاها وتكونو الإتنين فاهمين بعض كويس
كل واحد فيهم عارف التانى بحب شنو وبكره شنو
متين بزعل ومتين بفرح
بعدين مرور الايام كل طرف ح يسعد التاني بالحاجة البحبها
والحياة بتكون ماشة تماااااااااام
سئل جحا ذات مرة أيهما أفضل الفطير باللبن
ولا الفطير بالعسل فقال احضرهوما الاتنين اتذوقهما معا Smile

هسي نحن لسه فى مرحلة الفطير باللبن لما نضوق الفطير بالعسل ونشوف الفرق Smile

ياخوفي من الزيك ديل
يا ود الجمرى..
غايتو الله يوفقك..
وتلقي الانسانة البتفهمك..
تخريييييييمة..
تفتكروا الزواج سموه الدخول
للقفص الصدرى هى قصدى
للقفص الذهبي ليييييييه....

ياودالجمري خليك مع فطير اللبن ده احسن ليك ... انا خايف بعد تزوج خشمك يبقي ملح ملح ونظرياتك دي كلها تروح ليك .
ام تسابيح الزواج في النهايه قفص ذهبي او صدرى المعني واحد غايتو البركه في العيال وده الحسنه الوحيده
تحياتي لكم جميعا .

البركة برضو في ام العيال يا ود تمبول
لانها خلتك تكتب الكلام دا..
وناس النظريات ديل زي الزول البرة غرفة زجاج
شااااايف الناس الجوةبتعمل شنو لكن ما سامع
اي حاجة والله يستر علي الجميع

والله وبكل امانه البركه في ام ايه ومنيه وديل بنياتي البحسن بي ...
وزي ما قال سيف الجامعة ...
مريم ومي بنياتي السمعتن صوتي وجيتن لي ...
تخريمه .....
وبرضو الحاله صعبه علينا وخليك كده ياجمري .

اها يا ود الجمري الجكس زاد
ما شاء الله .. اية ومنية خالد
يلا بس انت شد حيلك..

يا ام تسابيح ودالجمري الظاهر عليهو كب الزوغه الموضوع بقي جد جد ... وين نظرياتك وكلامك ياجمري .

ازيكم يا ود تمبول وأم تسابيح كيف امسيتو ..
سمي القفص الذهبي لانو الذهب معروف من
المعادن الغالية جدا وتغني بالذهب معظم الفنانيين
ياحليف الصون فلتدم فى علااااااااااك
هل إنت زول معصوم ولا إنت ملاك
الحرير يخشن لو صفاءك صافاك
والتبرررررررر لبهاءك ذي صفر لصفاءك ..
عشان عارفنو حاجة جميلة وسمحة سمو بالحاجة الغالية دي
طيب ليه ما سمو قفص الصفيح ولا الزنك Smile

الواحد شالو ودخلو جوة القفص ده مفروض
يكون حريص على محتويات القفص الغالية جدا
القفص من ذهب الجواهو ح يكون من شنوووووو يعني
دي ح تكون أغلي من العيون وأحلي من الإبتسامة وأحن من المحنة
عليكم بالمحافظة علي ما بداخل القفص
والدجاجة خارج القفص على مسئولية صاحبها Smile

انت يا ود الجمرى بعد ما تدخل القفص
الدجاجة خارج القفص عايز بيها شنو ..
خليك في الدجاجة الجوة..
عشان ما يقع عليك المثل البيقول:
((جدادة برة الطردت جدادة القفص))
هههههههه

ام تسابيح ..

قصدي ليك دجاجتك الجوة دي
تكون عليها عشرة وتديها كل يوم الاكل والموية
والدجاج زمان بولعو ليهو النور عشان ماينوم بدري Smile

تولع النور وتشتت الحب وحب حب ياجداد شتت ليك سكر
عشان ماتلقي القفص فاتح وتطلع ترمرم برة Smile

وكان مسكت ما تفرط وكان فرطت ماتندم Very Happy

..

ودتمبول سوري ياخ البوست الجميل ده بقينا ليك بطري عديل lol!

ود الجمري ام تسابيح تحياتي واشواقي ليكم ... غبت يومين ولقيت الموضوع انقلب لدجاج وقفص عملتو لي وهم نحن كنا بناقش في موضوع الاسره والزواج ولاعن مزرعه دواجن .

تحياتي للجميع
الاهتمام بالأسره والرومانسيه في الادب الانجليزي سوري اقصد ادب الحياه الزوجيه اكيد مهم بس انا بستغرب لو الواحد بيطلع يلعب كتشينه ويجوم زوجته تزعل انو مافي اهتمام ولو قعد في البيت وقسم حياتو بين الشغل واهتماموا باسرتو وزيارات الاقارب والاحباب برضو تزعل وتقول الزوجه انت ماعندك اصحاب ليه ؟ اطلع شوف ليك اصحاب وانا من النوع التاني بطلع الشغل من سته صباحاً وبرجع مع المغرب وبفسح زوجتى يومين في الاسبوع وبرضوا بلقاها مرات مارضيانا والله ماعارف اعمل شنو؟

حالد ودتمبول كتب:ود الجمري ام تسابيح تحياتي واشواقي ليكم ... غبت يومين ولقيت الموضوع انقلب لدجاج وقفص عملتو لي وهم نحن كنا بناقش في موضوع الاسره والزواج ولاعن مزرعه دواجن .

ههههههههههههها ود تمبول والله نحن مشتاقين ليك بالأكترررر
فقدناك بشدة
الدجاج والقفص من صميم الموضوع
ركز مع الدجاجة داخل القفص
بتعرف العلاقة بين الزواج والدجاج Smile

ود تمبول انا خلاص إستوليت علي البوست وبوستى بوستك وبوستك بوستي Smile

ود عبدالعزيز دمت بكل الود..

الإنجليز لديهم مثل يقول:

- في العام الأول من الزواج يتكلم الرجل وتصمت المرأة، وفي العام الثاني تتكلم المرأة ويصمت الرجل، وفي العام الثالث يتكلم الاثنان ويسمع الجيران.!
من الواضح أن الإنجليز هؤلاء رومانسيون كما أتت الرومانسية في الكتلوج، عندنا هنا الزوجان يتكلمان والجيران يستمعون منذ الشهر الثالث، وما اعرفه أن الخواجات لديهم أساليبهم الخاصة والغريبة في إظهار رومانسيتهم، وأعتقد أن الزوج السوداني لديه من الرومانسية ما يكفي لأن يغرق بحنانه كل من دول المكسيك وتركيا ومنطقة حوض البلقان، ولكنه لديه طرقه الخاصة للتعبير عنها..
والتعبير بكون باساليب مختلفة ووسائل متعددة تعكس مدي الإهتمام وأكثر ما يسعد الزوجة الاحساس بالإهتمام في هذه التواريخ
أول لقاء بينكما .. تاريخ الخطوبة .. تاريخ زواجكما حتى تفاجئ زوجتك الكريمة بهدية في هذه
التواريخ والإحتفال سويا بصحبة موسيقي الأوبرا لو مافي أوبرا عليكم بموسيقي الجيش Smile

ما المشكلة انك تقعد فى البيت ولا تحوم المشكلة لما تجي راجع البيت الجديد بكون عندك شنو عشان ما يكون اليوم ذي المسلسل الحلقة الأخيرة معاد تاني يوم Smile

حتي لو حصلت تغيرات بسيطة بتغير فى مجري اليوم ابن ادم بي طبعه بمل من الأشياء بسرعة عشان ما يحصل ملل لازم يكون فى تجديد
في الحياة ابتسامة حانية او همسة غافية كفيلة بان تفجر فينا كل عوامل الحرمان والصمت
جددو فى أشيائكم يتجدد شبابكم Smile

قومو إلي أقفاصكم يرحمكم الله ..

ودالجمري عذبتننننا ... نظرياتك دي غايتو الا تطبقها في خيالك واحتمال تنجح او ماتنجح ... كلامك جميل ورومانسي لكن ماواقعي او بمعني اصح مامكن يتطبق علي ارض الواقع في ظل مشاكل البيت والعيال والشغل وضغوط الحياة انا عندي ليك فكره اتزوج ليك واحده بكماء وبكده تكون ارتحت من النقه وتشبع انت فيها نقه وتقدر تطبق نظرياتك ههههههههها .

حلوة حكاية الخيال دي..هههههههه
يا جماعة استهدوا بالله ,, انتو ما عارفين المشكلة الحقيقية وين..
المشكلة الحقيقية انو نحن عايشين في زمن العولمة.. ودى برااااها قصة تانية.. يعنى زمان ما كان في مشاكل في الحياة عموما او الحياة الزوجية بصفة خاصة.. زمان تلقي الراجل لما يقول ليك (( علي الطلاق))او((حرم)) الناس دي تقوم وما تقعد لانو دا اقدس
انواع الحلف عندهم .. نسبة لقدسية الحياة الزوجية .. لكن تعال شوف الليلة كل من هب ودب يقول علي الطلاق (متزوج او اعزب)
ولو كان متزوج اول ما يحلف مرتو تقوم تقول ليهو ( قلت شنو؟؟ كمان شدة الله ما اداك تحلف طلاق ؟؟ كدي انت ابقي راجل واعملا.. وزولك يدنقر ويقول في نفسو ( والله لو ما اولادى ديل كنت وديتك بيت ابوك)..
وزمان (زمن حبوبتى ) ما كان في مرة بترفع عينا في عين راجلا او حتى تناديهو بي اسمو ((وياااااحليل زمان)) هسة الواحدة في اى مكان وزمان تنادي راجلا (( انت يالسجمان دا )) وانت يا............
وبرضو لا يحرك ساكنا ..
وزماااان الراجل مرتو كانت ماااالية عينو وعينو ما زاااايغة زى هسة
يعاين لي دى ويشاغل دى وآخرتا جانا الزواج العرفي.. وقبل الزواج العرفي حكاية مساواة المراة بالرجل وكاننا عايشين في غابة ونطبق قانون الغاب والبقاء للاقوي ((الارجل)) عشان كدا اتولدت عندنا حاجات كثيييرة دخيلة علي مجتمعنا .. لو الناس رجعت للدين الاسلامى تلقي انو المراة مكرمة وقد ساوى الاسلام بينها وبين الرجل في اشياء كتيييرة وللرجل تفضيل في حاجات مختلفة .. وكل واحد مكلف علي حسب تركيبتة لانو تركيبة المراة مختلفة عن تركيبة الرجل(( وسبحان الله )) طيب ما يعملوا مساواة حتى في التركيب الجسدى لكلاهما(استغر الله العلي العظيم) ياريت كل انسان يفكر هو اصلا مخلوق ليه وماهو التكليف الملقي علي عاتقه
افتكر دي افضل طريقة عشان نوصل للحياة الزوجية السعيدة المفقودة لكتيييييرمن السودانيين او حتى العرب عامة..
آسفة علي الاطالة بس دا الشئ الفي راسي..
وكل زول يقول رايو..
واختلاف الراي لا يفسد للود قضية

الموضوع فعلاً هام جداً وأنا متابعه من البداية بس كل مرة بلقى الوقت ضيق أقول حأرد بعدين .. وبعدين دى طولت معاى شوية .
وردود الأخوان أضافت الكتير وألقت الضوء على بعض جوانب المشكلة .. وأحلى حاجة الدجاجة الجوه القفص هام وعاجل جدااا Icon_smile

انا شخصيا أرى ان التعبير عن الحب لا يكون فقط بالأساليب النمطية فى القصص والدراما المرئية من ورود وشموع وكلمات تذيب المشاعر ... فعندما يدخل الزوجين فى معترك الحياة يتغيّر أسلوب التعبير عن الحب .
فأهتمام المرأة ببيتها وأطفالها ونفسها تعبير لحبها لزوجها .. وأحترامها لأهله ومعارفه وأصدقاءه جزء أصيل من حبها لزوجها .
وفى المقابل قيام الزوج بالعمل والكد من أجل توفير دخل للأسرة تعبير عن الحب .. وتواجده بين أسرته وعدم الهروب للشلة تعبير آخر عن الحب .
فلو أمعن كل طرف فى ما يقدمه الآخر لوجد الحب .. فلا نقارن أنفسنا بغيرنا فنحن تربينا على عدم الأفصاح عن الحب لكننا نعيشه ونتنفسه .. بينما تجتهد شعوب أخرى فى التعبير عنه لكنها تفتقده .

حالد ودتمبول كتب:ودالجمري عذبتننننا ... نظرياتك دي غايتو الا تطبقها في خيالك واحتمال تنجح او ماتنجح ... كلامك جميل ورومانسي لكن ماواقعي او بمعني اصح مامكن يتطبق علي ارض الواقع في ظل مشاكل البيت والعيال والشغل وضغوط الحياة انا عندي ليك فكره اتزوج ليك واحده بكماء وبكده تكون ارتحت من النقه وتشبع انت فيها نقه وتقدر تطبق نظرياتك ههههههههها .

ههههههههههههها
بكماء عديل كده يا ود تمبول
ياخ الذ حاجة أول ما تصحي من النوم وتكون
عين مغمضة وعين مفتحة تلقي الحنان يعاين ليك
ويقول ليك حبيبي صباح الخير كيف أصبحت نور عيوني Smile

ولو ربنا اراد تكون بكماء مالو نسكت وتتكلم عينينا Very Happy

مشكوره ام تسابيح يارائعه وحقيقه ياحليل زمان وسنين زمان وبشكرك علي دودك ...
ام احمد انا كنت مستغرب ليه ماشاركتينا في مناقشه البوست الحساس ده .. لكن الظاهر انك متابعه الموضوع تمام لانو ردك هو خلاصة الحل انا بعتبرو كده وحقيقه الحب مش كلام معسول او هدايا اداء واجب ومشاعر مصطنعه الحب ذي ماقلتي ان يقوم الزوجين باداءكل منهم لواجبه الزوج في عمله وتوفير سبل الحياه الكريمه لاسرته والزوجه في رسالتها الساميه في تربية الابناء وتهيئة بيئه اسريه سعيده وبكده اكيد بتكون الحياه حلوه وجميله بشكرك ام احمد علي الرأي الصائب ودمتي بود ...
ودالجمري حيرتني وغلبني البسوي معاك اقول ليك حاجه عرس ساكت وبعد العرس ابقي قابلني
وعينك ماتشوف الا النور .. قال حنان قال .. لغة العيون كانت زمان هسه بخشمك ماتقدر تتكلم ياباشا .

ام احمد تسلمى ,, فعلا وصفتك دى هى الحل
والحب افعال وليس اقوال وكل ما زكرتى هو
من انواع الحب الحقيقي... ويا ود تمبول شكلك
كدا مترصد ود الجمرى ومنتظر متييييييييين يعرس
عشان تشوف ((الحنانات))و الصباحات))
واحلي الكلام لغة العيووووووون)) غايتو
بيقولو الناس الكده ديل بعدين حياتهم ح تكون
مخستكة.. اتمنى السعادة لكل الجداد داخل
القفص الصدري..
تخرييييييمة:
كلمة قفص تعنى السجن .. ومعرووووووووف
السجن للرجال..
وكلمة ذهب كلمة غالية جدا ومعرووووووف
الدهب للنسوان..
عشان كدا سموه القفص الذهبي.....

تسلمي ام تسابيح تحليلك ده بتاع مساطيل بس ... بيني وبينك شربتي حاجه قبل ماتكتبي كلامك ده .
ياجمري ياشراد وينك ولا بتحنك مع الحنان بتاعك .

قال تعالي ..

وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً

تفسير القرطبي

ومعنى خلق لكم من أنفسكم أزواجا لتسكنوا إليها أي نساء تسكنون إليها . من أنفسكم أي من نطف الرجال ومن جنسكم . وقيل : المراد حواء ، خلقها من ضلع آدم ; قاله قتادة . وجعل بينكم مودة ورحمة قال ابن عباس ومجاهد : المودة الجماع ، والرحمة الولد ; وقاله الحسن .
وقيل : المودة والرحمة عطف قلوبهم بعضهم على بعض . وقال السدي : المودة : المحبة ، والرحمة : الشفقة ; وروي معناه عن ابن عباس قال : المودة حب الرجل امرأته ، والرحمة رحمته إياها أن يصيبها بسوء . ويقال : إن الرجل أصله من الأرض ، وفيه قوة الأرض ، وفيه الفرج الذي منه بدئ خلقه فيحتاج إلى سكن ، وخلقت المرأة سكنا للرجل ; قال الله تعالى : ومن آياته أن خلقكم من تراب الآية . وقال : ومن آياته أن خلق لكم من أنفسكم أزواجا لتسكنوا إليها فأول ارتفاق الرجل بالمرأة سكونه إليها مما فيه من غليان القوة ، وذلك أن الفرج إذا تحمل فيه هيج ماء الصلب إليه ، فإليها يسكن وبها يتخلص من الهياج ، وللرجال خلق البضع منهن ، قال الله تعالى : وتذرون ما خلق لكم ربكم من أزواجكم فأعلم الله عز وجل الرجال أن ذلك الموضع خلق منهن للرجال ، فعليها بذله في كل وقت يدعوها الزوج ; فإن منعته فهي ظالمة وفي حرج عظيم ; ويكفيك من ذلك ما ثبت في صحيح مسلم من حديث أبي هريرة قال قال رسول الله صلى الله عليه وسلم : والذي نفسي بيده ما من رجل يدعو امرأته إلى فراشها فتأبى عليه إلا كان الذي في السماء ساخطا عليها حتى يرضى عنها . وفي لفظ آخر : إذا باتت المرأة هاجرة فراش زوجها لعنتها الملائكة حتى تصبح .

يعني المودة والرحمة هي أساس بيت الزوجية ويختلف الناس فى التعبير عن المودة والحب والوئام لكل منا طريقة فى التعبير ووصول هذا الإحساس للطرف الأخر حتي لاتكون الحياة بين الزوج والزوجة مجرد أعباء ملقية على عاتق الطرفين يقومو بها بدون إحساس وحب حتي يتخلص كل منهما من أدواره

أم تسابيح أضفتي محاور أخري للنقاش ..
1-قلتي زماااااااااان ما كان في مرة بترفع عينا فى الرجل ؟
الحاجة دي جات من وين قهارة المراه ولا ضعف الرجل ولا تغيير الزمن؟
2-زمان الرجل مرتو مالية عينو وهسي زايغة ؟
ياربي البنات ديل بقت سمحات ولا ريحة الكركار زمان ليها أثر ولا الكريمات ليها أثر
ولا حبوب التشحيم ليها أثر ولا نظرة الرجل إختلفت للمراه ؟
3-السجن للرجال
طيب سجن النساء فى أمدرمان كان برضو للرجال؟

ودتمبول صدقني الحب جميل روح للناس ياحب خلى الناس تحب
الحب مالينا غيروووووو ينسينا ويدفينا
الليلة امرق على السوق وإشتري ليك بطيخة
واكتب فيها Kh بالجنبة والحرف الأول من حرف زوجتك
وشوف طعم الحياة بتغير كيف Smile

من طرف سوما السبت 22 مايو 2010 - 12:56

طعم الحياة أكيد حيكون رايع بروعة ناس شندي ومواضيعهن الشيقة ومداخلاتن الرايعة ومهمة ومفيدة بالجد موضوع حساس ومحتاج الناس كلها تدلو برأيها لكي نستفيد من الناس الدخلو القفص الدهبي,,,
أنا بفتكر إنو أي زوجين مفروض يكونو سعيدين مع بعضهم أجلاء سعادة وكل واحد يشاطر التاني في أي شي أحزانه أفراحه مرضه عفيته كأنهم كائن واحد(روح واحدة في جسدين) مش كل واحد كان بإختياره للاخر ومفترض عوامل الزمن ما تأثر في أي شئ نحن في إيدينا أي شئ لو دايرين نعيش في نعيم بننعم ولو كمان دايرنو جحيم بنلهب نارو ,,,
ونحن عارفين الشيطان بين إيدينا ليه نطيعو ونخرب حياتنا وفي النهاية نخليه ينتصر ودي مهنتو ينكد بين الازواج...
وقيام أي واحد فيهم بواجبو تعبير عن الحب وتقديرو للاخر لكن برضو دا ما يمنع المزيد من الاهتمام كتغيير الحياة الروتينية بأن تصنعي كل يوم في حياتك يوم جديد تغيير الاكل اللبس البرامج حتي تغيير ترتيب عفش البيت ممكن يصنع جديد كوني كل يوم كيوم عرسك حتي في الالفاظ إستخدام كنايات والكلمات الجميلة التي تعبر عن الحب مثل تسلم يا أبو أحمد تعيش وتجيب يا أبو تسابيح عيوني ليك يا أبو أحمد يا روح قلب سوما ما فيها حاجة بس دفع للروح يعني العبء الاكبر في المحافظة علي الحياة الزوجية مائة مائة يكون علي ربة الاسرة أولا ً لكن الرجل أيضا يساهم بنفس الطريقة بس الطابع الشرقي يغلب داير صبر شوية يا أم تسابيح والله ما كدي وبالتالي مافي زول حيطلع من قفصه اي خطأ محسوب علي الاثنين ما نجي نندم ونقول دا أخر الزمن ,,,
أيواااااااااا أخر زمن بنات حوا بقن يلفحن راجل الميرودة أعملن حسابكن شديد هوووووووووي يا ناس القفص الصدري!!!

إشعار الزوج بالاهتمام الكبير به ... ويكون ذلك بترك كل ما بيدك حين دخوله للمنزل واستقباله بوجه طلق وهندام مرتب ... وأنت أدرى الناس بما يحبه زوجك من ألوان ولباس وعطر ونحوه ... ليراك أميرة كل ما دخل إلى البيت.... جددي حياتك وجددي من نفسك ... غيري من ترتيب غرفة النوم مثلا .. أو غرفة الجلوس ... غيري من تسريحة شعرك ... فاجئي زوجك بهدية وليس من الضروري أن يكون هناك مناسبة ... أو عشاء خاص رومانسي ...

دا كلام هلو زي الدكوة..يا سوما واحمد,,
لكن خيالي شوية..
بالنسبة للسؤال الاول يا ود الجمري , انا في البداية قلت انو حكاية العولمة والمساواة بين اللاجل والمرأة هي مشكلتنا لانو الكلام دا كان
في دول الغرب وفجأة انتقلت العدوى الينا واثرت سلبيا في تفكير المرأة العربية والسودانية..ودا السبب في قهارة النسوان وضعف الرجال ..
س2/ زمااان الناس كانت متدينة وتراقب الله والناس في كل شئ
والتربية كان ليها الاثر الاكبر وثقافة(( انا المأمون علي بنوت فريقو))((وانا ما سرقت انا جيييييت اعاين))).
اما اليوم مافي كلام زى دا.. وبالعكس السماحة زمان كانت سماحة طبيعية عشان كدا الواحد عينو يتكون مليانة (( دا جمال طبيعي حاشا ما مزور )) لكن هسة الواحد يشوف الواحدة كل يوم بي شكل ..
بالنسبة للسؤال رقم 3 .. صاح السجن مليان نسوان,,لكن انا فسرت معنى الاسم (( القفص الذهبي )) بمعني المفهوم العام للسجن وهو خاص بالرجال .. او كلام مساطيل زى ما قال اخونا ود تمبول..
ولنا عودة

تحياتي ومشكورين علي ارائكم سوما واحمد وانتي يا ام تسابيح لايشكر المرء في داره وانتي اكيد صاحبة البوست والدار واتمني نحكي ونتناقش كلنا مع بعض بس سيبونا من احلام وخيالات ودالجمري وتسلمو جميعا .

تسلم يا ود تمبول يا ذوق..
الخيال مرات بيكووون أحلي كتيييير من الواقع لكن للاسف لحظاتو قليلة.. وممكن تكون مسروقة من واقع صعب وكئيب وممل ,, اذن لا بد من كسر الملل والروتين .. قد يختلف الناس في الطريقة لكن في النهاية الغرض واحد وكل الطرق تؤدي الي روما..
يعنى في حاجات كدا ممكن تحصل وتزيد من الروابط بين الزوجين ..
مثلا : يطلعو العصرية يتمشو في البحر وياكلو تسالي ,,
او يطلعو يوم الجمعة من الصباح في رحلة ,, وممكن تكون في عزومات عشاء برة البيت او حتى في البيت يعنى كل مرة واحد في الزوجين يعزم التانى ,, المهم يكون في تغيير,, بالاضافة لي طولة البال شوية طبعا وعدم العبوس والكواريك حتى في الاطفال.. دى كلها حاجات
قد تفتح طريق جديد للسعادة الزوجية وكل زول يجرب في حدود امكانياتة .. وحبة حبة تجي المحبة .. والسعادة تبقي عادة..
سعادة علي ارض الواقع وما مسروقة من الخيال يا ود تمبول ..

غالب الزوجات السودانيات بكونوا شيحيحات في كلام الحب مع ازواجهم يعني الواحده مامكن من نفسها تجي تقول لراجلها كلام حب وكلام رومانسي إلا إذا بدأ هو بالكلام ومعظم النساء تحب تعبر عن حبها بلبسه حلوه ومكياج وأكل حلو لزوجها لما الرجال ربربوا
اتمني انو النظره دي تتغير لانو الكلام الرومانسي من المرأه لزوجها دي حاجه ترضي الله ورسوله ومافيها حرج

صباح الخير هام وعاجل جدااا Icon_eek

والله ياجماعة لوكل واحد من الزوجين احترم التاني مااظن انو بعداك يكون في مشكلة هام وعاجل جدااا Icon_cool

بغض النظر عن الحب

اخوي الواثق الإحترام والتفاهم اساس العلاقه بين الزوجين وكذلك الموده والرحمه والحب ودي اشياء مهمه في العلاقه الزوجيه

واجمل حاجة لمن يكونوا متفاهمين
ولا ماكده ياعبد العزيز Neutral

الله يهني كل المتزوجين.

لكن انا لامتزوج ولا داير اتزوج لانوا الكلام ده في الذمن ده مافي

اخوتي عبدالعزيز والواثق تحياتي لكم ومشكورين علي المرور ويا الواثق انت اعقل سوداني
حقيقه الحب والمشاعر الحقيقيه انتهت ده زمن الزيف والخداع حليك كده وربنا يهدينا ويدينا العافيه .

الحب بعد الزواج دايما بكون من طرف واحد ونادرا مايتفقوا الاتنين هام وعاجل جدااا Icon_jokercolor

لانو اكيد في واحد بكون اخد ماسورة في الزول الاختاروا
ولا ماكدة ياشباب هام وعاجل جدااا Icon_cry

ود تمبول يا حبيبنا منو القال الحب إنتهي من زمان
الحب ما بنتهي الحب يتجدد معنا ونجده فى حياتنا
فجاءة وبدون مقدمات نحب ونلهو ونرتشف خمر الهوي
وما أجمل خمر الهوي حينما يكون من كاس نظيف ليس
في شوائب من البغض والحقد والكراهية والغدر والخيانة
تشرب وتترنح بنشوة الحب والود والشوق والهيام
والهيام من هيم بتاع الدجاج داك Smile

ياسلام علي سيرة الحب وأهل الحب وناس الحب ..

الواثق يا حبيبنا والله عافي منها Smile

شكلك أدوووووووك شاكوش
جامد خلاك تكره النساء يا حبيبنا والله أحلي منهن مافي وأظرف منهن
مافي وأجمل منهن مافي..أنسي الماضي وابدا حياة جديدة Very Happy

لك التحيه اخي العزيز نزار لفهمك الراقي لكن كل راجل قلبو مابشيل غير واحده رايك شنو؟
شباب الزمن ده بعيد عنك الواحد قلبه زي بص الكلاكله تلقي الناس متشعلقه في الباب

وييييييين يا ناس القفص الصدرى
والقفص الذهبي
وقفص الجدااااااد
كاك كاك كاك
نزار نظريات
ودتمبول يالذيذ ياراااااااايق
كاك كاك كاك

تحياتي للجميع ... كان عندي التهاب حاد اليومين الفاتو ديل بعد الشر عليكم جميعا
الظاهر جداد ودالجمري ده مصاب بانفلونزا الطيور انا عارفو حاقد وبعملها ...
اعملي حسابك يا ام تسابيح لو دايره تخشي البوست الا تلبسي كمامه .

الف سلاامة اخونا ود تمبول وبعد الشر عليك,,,
يلا خلينا نرجع لي موضوعنا......
رايك شنو؟؟؟

يديك العافيه يارب وتسلمي من كل شر ام تسابيح ...
ونرجع لموضوع الجداد سوري اقصد الزواج كلو منك ياود الجمري
تخريمه ... الواحد بقي ما بفرز بين الوليه والجداده
وذي ما قال الفنان
جدادي كاكي لي وانا اكاكي ليك .
ويلا نكاكي كلنا مع بعض .

ما تشوف شر يا ودتمبول كفارة وسلامتك وألف عزيز كرامتك
والكرامة دجاج ساى شي دمعة
وشئ شواية Smile

..

ودتمبول إنت ماسمعت قصيدة

دجاجي يلقط الحب ويجري وهو فرحان
كأن عيونه خرزا له في الشمس الوان
ولي ديك له صوت جميل الشكل رنان
وعند الفجر يوقظنا وطول اليوم شيطان

الترجمة الفورية للقصيدة

مرتي لما تلقط الحب والود والريد بتجري وهي فرحانة
وتكون بتنطط ونافشة ريشا شمال ويمين
ولما نجلس فى الراكوبة ويضربنا رقاق الشمس العيون
ذي الخرز وبتعمل الوان جميلة ألوان تخليك تتوه في عينيها
من مرفئ لي مرفئ Very Happy

الديك ده الراجل Smile

لما يكون صوتو حلو ورقيق مايعملا كلها
ياولية تعالي أعملي ياولية إنتي بالنينى ياولية تاكل أهلك
اها لما يكون الصوت رقيق وحنين ونابع من الأعماق بكون صوت رنان فى أذن الدجاجة وبلقي الأذن صاغية
ومن الفجر الديك يصحي الدجاجة عشان تعمل الشاي بالبن Smile

وتكنس بيتا وترتب حاله
وطول اليوم الديك يكون متحرك ونشيط ومفعم بالحيوية ما يلقي ليه مسند ولا مرتبة عايزة يتكي ويفتح خشمه ويشخر Smile

ودتمبول.. تقول لي شاربة شنو لمن فسرت القفص الذهبي ,, اها
هسة ود الجمرى دا تقول عليهو شنو,, وحيات الله فات المساطيل..
لكن تفسير منطقي برضو,,ههههههههههههه

والله يا ام تسابيح ودالجمري ده غلبنا البنسويهو معاه تقبضو بجاي ينط بجاي
اتمني من الله يقع ليهو في جداده تنتف ليهو ريشو البتجدع بيهو علينا ده
لحدي مايعرف نوم الديك في الحبل .

هههههههههههااى
ود تمبول ,,ودالجمرى جاب كثافتك صاح
تلقي هسة قاعد يضحك وهوزاااااتو شكلو كدا
ماااامقتنع بي الكلام البيقول فيهو دا

مساك بخير ام تسابيح ... حقيقه ودالجمري جاب كثافتي هو غير العكننه والنظريات الفالصو ماعنده حاجه
يفقع مرارتي ويقعد يضحك ...
ده كلو بلاقيك ياود الجمري .

من طرف **sala35** السبت 29 مايو 2010 - 21:04

حتــــــــى لايمـــــــوت الحـــــــــــب كيف يعيش سنوات وسنوات بعد الزواج ويظل متوهجا, يشع في القلب الدفء, وفي الروح الحيويه , وفي الوجدان سعاده لاتنتهي.....الاجابه صعبه ولكنها ليست مستحيله, بدليل وجود حالات العشاق قاوموا شيخوخةالحب وروتين الزواج, وعاشوا دوما بروح وتالق شباب العشرين.

بالطبع ليست هناك وصفه سحريه ليحقق كل منا في بيته هذا الحلم الجميل ,ولكنها رحله مع اصحاب التجارب الناجحه من الممكن ان تكشف لنا الكثير من اسرار الحب الدائم.

حصاد هذه الرحله نهديها لعشاق السعاده واعداء النكد.

** حب الحياه الثنائيه **

كثير من الزيجات تفشل لان الزوجين لايؤمنان بالحياه الثنائيه ففي اعماقهمايعتقدان ان الحياه الزوجيه سجن.

علماء النفس يؤكدون ان الثنائي الناجح هو شخصان معتقدان ان الحياه المشتركه تدفعهما للامام وبمرور الوقت يجد الزوجان انه لايحب شريكه فقط بل ويحب الثنائي الناجح الذي يشكله معه.

** نصيحه **

في مقدمة اسباب الزواج الناجح الوفاء .كما يقول احد الازواج الذي يحيا في سعاده مع زوجته منذ 30عاما.

ويضيف:افضل ان اسعدزوجتي بالف طريقه عن ان اسعد الف امراه بالطريقه نفسها.

** اشياء صغيره تقول احبك **

.هناك طرق كثيره للتعبير عن الحب كان يعود الزوج في المساء وبيده هديه صغيره او ده جميله فقط ليثبت ل زوجته انه فكر بها كذلك بامكان الزوجه ان تعد له طبقه المفضل يوم اجازته...

اي شئ صغير يمكن ان يثبت ان كلا منكمايهتم باسعاد وتحقيق ما يتمناه الاخر.

** نصيحه **

علامات الاهتمام والمراعاه تلك هي الطريقه المثاليه لتقول لشريك حياتك :السنوات تمر لكني مازلت احبك.

** اعلان الحرب على الروتين **

في بداية الزواج كل تفاصيل الحياه اليوميه يكون لها معنى يقرب من الزوجين, ولكن مع الوقت تتحول تلك التفاصيل الى روتين يومي ممل*حاولا اذن اضافة القليل من التوابل الى حياتكما..*

قرار في اللحظه الاخيره دعوة للاهل او الاصدقاء لقضاء الامسيه معكما ,اوتنظيم حفلات صغيره,او العشاء على ضوء الشموع ,واغلاق التلفزيون والاستماع لشريط جديد حسب اهتمامتكما المشتركه

** نصيحه **

اذا كان الروتين هو عدو الزواج السعيد, فان التغييرات المتلاحقه هي كذلك ايضا .مثل تغيير السكن باستمرار ,او تغيير خطط الاجازات .

ولكي تعيشافي سعاده فان الحياه تحتاج لكثير من الاستقرار وقليل من التغيير.

** لاتتركا الاطفال يخنقون الحب **

.اول خطوه يخطوها الطفل .اول يوم في المدرسه.متاعب المراهقه..كل تلك التفاصيل من الممكن ان تستحوذ على معظم اهتمامات الزوجين ,ومن هنا تاتي ضروره وضع حدود لنوم الاطفال باكرا لان هذا وقت الكبار ,ولابد من الموازنه بين الحياه الاسريه والعاطفيه

** نصيحه **

- ان تكونا ابويين جيدين فهذا لايعني ان تضحيا بحياتكما المشتركه والاطفال حب الاخر كما هو.

- في ايام الزواج الاولى يبدو الحبيب شخصا مثاليا ومع الوقت يتلاشى الخيال ويكتشف ان الطرف الاخر به نقاط ضعف.

لايمكن ان ننتظر الكمال من انسان ,لابد ان يتعلم كل من الطرفين ان يقبل الاخر كما هو دون ان يحاول تغييره ليطابق الصوره التي رسمهما في خياله, وهذا لايعني ان الانسان لايتغير ,ولكن كل من الزوجين يتغير ويتاقلم شيئا فشيئا من خلال التعامل مع الطرف الاخر, فنجدمثلا ان الرجل المهمل يتعلم النظام مع الوقت.

** نصيحه **

-اذا كان احد الزوجين مدمنا اوعنيفا جدا او ميالا للاكتئاب ففي هذه الحاله لابد من استشاره متخصص.

** تعلمي كيف تسامحين **

يحدث ان يخيب زوجك امالك فيه..قد يتهرب من المسئوليات ويبقى خارج المنزل..

لاتقرري ان تحزمي حقائبك وتغادري المنزل..قبل ان تدينيه,حاولي ان تفكري وتتفهمي,فهذا هوالسبيل الوحيد لان تغفري له, حتىوا ذالم تنسي مافعله تماما مع الوقت,فان الجرح يشفى وتبقى اثار بسيطه,المهم الايكون في قلبك حقد او كراهية له.

** نصيحة **

.من الصعب ان نغفر بعض الاخطاء كالخيانه مثلا..ولكن اذا تعرضت لهافحاولي ان تسالي نفسك عن الاسباب التي جعلت شريك حياتك يقدم عليها فهذا افضل من الغرق في المراره

** لقاء بعد غياب **

.لاشئ اجمل من اللقاء بعد فراق قصير في عطلة نهاية الاسبوع ,او عدةايام قضاها كل منكما بعيدا عن الاخر..هذا البعد يحيي الرغبه في رؤيةالاخر ,وهذا الاحساس بالنقص في غيابه علامه صحيه تدل على ان الحب موجود لكنه هداء قليلا بفعل التعود

** نصيحه **

.البعداحيانا يكون الحل الوحيد حتى يمكن استئناف العلاقه بعد ذلك..

فاذا كان الجو متوترا في البيت واقترح زوجك الابتعادقليلا..لاتمانعي فربما يكون ذلك هو الحل حتى تهدا العاصفه

**التنازلات .. لها قواعد **

.لاتوجد حياه بدون تنازلات..احيانا تكون بسيطه ويتنازل كل منكما مره,والحياه تسير

لكن احيانا تكون متعلقه بطريقة الحياه نفسها(كان يريد هو الحياه في الريف وتفضل هي الحياة في المدينه)او بعلاقتك بمن حولك,مثلا هو لايحب اختك ولايحب تدخلها في حياتكما.

في هذه الحاله لابد من ايجاد حل وسط عن طريق التفاهم والمناقشه ,بدون فرض طرف رائيه على الاخر..

مثلا يمكن الحياة في المدينه مع قضاء الاجازات كلهافي الريف..يمكنك مقابلة اختك خارج المنزل بدون السماح لهابالتدخل في حياتكما..وهكذا بالحلول الوسط تستمر الحياة وتتطور للافضل.

** نصيحه **

جميل ان نشعر الطرف المضحي بالامتنان لانه لم يتمسك بموقفه وتحلى بالمرونه.لان التضحية يجب ان تقابل بالعرفان..ولايوجد اسوء من ان يضحي الانسان فيعتبر الطرف الاخر هذه التضحيه شئ عادي ومفروض.

وأخيرا اجعلا عمركما أيها الزوجان كالوردة المتفتحة العطرة دوما ...