رد: مطارحة غنائية

عدّى فـات ..
زمن العيون الإلفـة والحضن الملاذ
ورهـافة الحس البلوّن . ضحكة الناس العـزاز
بعد الحنان .. الكان زمان إستوطن المطر .. الحراز ...

زفات ربيع وفرح طوافي ..
وانشر في حزن السنابل ..
زي ضياع كل المشاعر ..
وأمشي قبال الصباح ..
وزعي الطل للأزاهر ..

راحل معاي ضي الأماني ..
وذكرى للأيام هناك ..
لحظات بتذخر بالمعاني ..
وكيف أنسى تذكارات هواك ..
تتخلل الغربة ونعاني ..

يوم إفوت ، والفرحة تبدأ ..
ما بقول فارقني عدَّا ..
عشان بخاف ترحل عيونك ..
وتنهزم فيني الأماني ..

يا ريتو كان سفراً معاك ..
شايف مداينك في البعيد ..
وبيناتنا ممدود الطريق ..
كيف الخيول بدت الرحيل ..
جوانا كم جرحك عميق ..

قول للبنيه الخايفه من نار الحروب تحرق بيوتات الفريق
قوليها ماتتخوفي دي النسمه بتجيب الامل والامل بصبح رفيق

قعدتك جنبي وعيونك ..
سابحة في الدنيا البهية ..
خِفْنا من سفراً يودِّي ..
للمسافات القصيـَّـة ..
قِصة الزول المسافر ..
وقلبو عشرة على الوصية ..

تتلاشى في زمن الضياع ..
وإنتي ساعة المغربية ..
خايفة من كلمة وداع ..

عيونك ديل عيون أهلي الحنان زي نغمة في مقطع

عمك حسبو اعاين لي
شتت قصبو يعاين لي

يزيدوا دلال وتزيد جنوني

لذيذ تعذيبهم لو ضننوني

يا روح غناى الغربه
ملت من شقايا وغربتى
وبقيت براى حاضن اساي
والوحشه ملت من سايا ووحدتي
لا غنوه لا موال يبدد حسرتي
غير الشجون يا ملهمه
الغربه مره ومؤلمه

شنو يا ود علي ابراهيم في البداية
كل الغنا كان راقي وفجأة تقوم تشتغل
لينا ((عمك حسبو ))ولا دي السخانة... Laughing

هانت الايام عليك
ولا هنت عليك انا
وين حنانك يا حنين
وين عيونا من الهنا
عدت وراحت كم سنه
كم سنه

تتجازي الحرف دا جيبتيهو من وين

هـجرة عـصافير الـخريف

فـى مـوسم الـشوق الحلو

هـيج رحـيلا مـع الـغروب

احـساس غـلبنى اتـحملو

وكتمت اشواق الحنـيـن

داير الدموع يتـقـلـو

ورجعـت خليت الـدموع

يـنسابو ..مـنى ويـنزلو

ليـه يا عصافيـر الخريف

في الضواحي وطرف المدائن يلا ننظر شفق الصباح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح

* * * * * *
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح

حنّانا ..
النسي اهلو ما نسانا ..
والله ما لقيت غنية غيرا.... Rolling Eyes

اطيب من الالم وارتاح

وليلى الحالى يبقى صباح

ويوم جيت مارى بعند اهلو

وشفت الحور تقول نزلو

جمالا حارسو من جهلو

جميل ولطيف

وطبعو خفيف

جمالو الفطرى دون تكليف

في صحوتي ،او حتي في عز المنام
ويبقي إسمك هو الغنا
هو البخفف لي عذابات الضني
ماالشفتو منك يا مني الروح يا أنا،
وصفو بصعب ياجميل...
وبعدت عنك.... ولما طال بي النوي
بقي لي اسيبك مستحيل

لقيتك في زمن جااااي
وزمن ماشي وزمن لسه..

همه طينة ولسه هشه

الصبر هد الجبال

وانت صبرك ما اعتيادى

وخلى ضراعتك طوال

توصل القرى والبوادى

لمهم لمة رجال وطوف بلاد الدنيا نادى

وعلمهم كيف النضال

وافتخر قول ديل ولادى

زيدني من دلك شوية وكتر الاشواق عليا
لما قلبك يصفو ليها وتملا بالانوار عينيا
تملا بالانوار عينيييييييا

أراك وتوفي بي نذري
دموعي ألفي الوجــن تـــــــــزري
حنانك ما عليك وزري
أنا قاسيت الهوى العــــــــــذري

يا واقفة بين جرح السحاب
وبين شهقة الأرض البكر
ما كان ده ريد
كان إحتمال تغيير قوانين شهقتك

كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا

الـصباح الـباهى لونك
وضّـاحه يافجر المشارق
غـابة الأبـنوس عيونك
يَـابْنَيّه مـن خُبز iلفنادق
شـيدتي في جواىْصوامع للفرح
وفـتحتِ في دُنياي مسارح
لــــلـــمَـــرحْ
وبـقـيـتـي لــــيْ
سِــكّــه وعــيـون
لا قِـــدرْتَ أطـولـكْ
شــــان أجــيــكْ
لا قِـدرْتَ من غيرِكْ أكونْ
وانـا بـيك مالينى الكلام
حرّكت بيك عصب السكونْ
جَـلبتَ لـيكْ الغيم رحط
طـرّزتَ ليكْ النيل زفاف
حَــرَقْــت ليك
الــشــوق بــخـور
وفــرشــتَ لــيـك
الــريــد لِــحَـافْ
لا الـسِكَّه بـيكِ بِـتِنْتهي
ولا مـعاك ملّيت الطواف
يـا ريتني لو أقْدَر أكونِك
الـصباح الـباهى لونك
يَـابْنَيّه مـن خُبز الفنادقْ
غـابة الأبـنوس عيونك
وضّـــــاحــــه
لــو طــال ا لطريق

قسى قلبك على ليه

ولو بحب يبقى انا ذنبى ايه

هو البجفف لى عذابات الضنى

ما الشفتو منك يا منى الروح يا أنا

وصفو بصعب يا جميل

وبعدت عنك .... ولما طال بى النوى

بقى لى أسيبك مستحيل

لا تنكأ الجرح القديم الم تكن يوماً لقلبي واقعا مشهودا
غدار دموعك مابتفيد في ظلمه مابتعرف شعاع اشباحا زي موج العدم كثر المقاديف والقلاع

عِشتَ قولِن شيل وصَفقَه
وقُلت بس يا ريتنى القى
همسه فى حُلم الأميره
أو سَبَايب فى الضفيرة
أو عِقيد فى تِبرِ جيدها
أو قليب فى راحة ايدها
يا زمان أسمعنى واكتب:
البَرِيدها وريدها سِيدى
وريدِى سِيدَها
الزمان لوحتى بالغ
ما أظِن فى زول يعيدها.
يا حَلاتِك

كمَلتَ فيكْ أحلى الكلام
فى خيط صِلَتْنَا نضمتو ليك.
سافرت حتى المستحيل
كان تعبى يوم ما يهون عليك
ووقفتَ فى وش الرياح
شان تهد ا ما تغدر عِنيك.
وما لقيت معاك غير الجفا

ابداكي كيف
وانا في الارض
لاموية لاحسا يطول
لاقدرة تديني الامل
لاحيلة تسند فيني طول
ابداكي بس بالله كيف
وريني يا حسي الخجول
لاهسه قادر ابتديك
لاجيتي سكتي الفضول
والغيمة ادتني الضهر
واطانشت فيني الحقول
واتشحتف روحي السهت
مشتاقة تسال كل زول
لو مرة شافك في النعاس
بتوضي بيك حسي الكسول
يا راكعة في الجوف اشتهى
تستنى في خشوعي الوصول
يتيمم البحر الحريق
والموية تغرقت في الزهول
مشروقة بيك حد السقف
والموج يكتح في السهول

لقيتك والرزاز .. مدخل
وناديتك :
أقيفى معاى
نشيل كتف الغنا .. الميّل
ونتخيل
حلم دونك بيتحقق

قبل أبداك كان غصنك .. بشـّر
يوم ما كان إحساسك مسرى
عرج غيمك فينى .. ومطّر
لحظة طار عصفور من صدرك
رتب فينا إحساس بالإلفة .. ودوزن عصب الزمن الأشتر
وإتوكلت عليكى .. وقلت
المارق منك داخل جرح الوردة وراسم فوقا غناوى الطل
المارق منك
رجع للغابات الزنج الهاربة
وللعتمور العرب العاربة
وأدى الكون مفتاح الحل

لقيتك فينى النفس الكاملة
تتوقى اليابسة
والنهر فى إيدك صلصال
يتسارق ضوَك خافت
متهافت نحوك أجرى
مهرول راكض
سابقت خُطاى وحدقتك
غيمة .. وضل .. وبُحيره
ضاريتك بينى وضاريتك
من الحزن القابض
نفسى وروحى واقف عارض
ستفت عيونك بالمطرة
وقرحتك ضد الزمن الراكض
وحدقتك حبيبتى
البتشبه فصول الخصوبه
تضحك أغانى وتدفق عذوبة
وبتنزل مطر
عشقتك لأنك حبيبتى
وبحبك بحر

ريدي ليك الريح بعرفو شافو لما كتبته حرفو

وزى والد همس لى جناهو بى دعوات

…قولو على لو قايلين .. معزورين ، وما عارفين

لانو الماسقا الياسمين ..

ما بعرف غلاوة الند ..ولا بعرف نداوة خد ..

وما بعرف كلام العين .. معزورين

منو الفيكم بساهر الليل …يبارى سحابة لما تشيل

…ويتبع نجمة ضواية مداها بعيد بعيد بلحيل

وقولو على لو قايلين .. معزورين وما عارفين …

لانو الما سقا الياسمين ،

ما بعرف نداوة خد .. وما بعرف غلاوة الند ….

ولا يعرف كلام العين

نكر صوتك صداك
غالطنى الزمن فيك
شهرت على الجفاف وعدك
بطاقاتنا الخريفية

رجع فاضى الكلام مليان

نرجع نحن مجبورين

نسامحكم ..... حبايبنا

ولمن زاد خصامكم لينا فات حدو

وحات عمرا قضيتو معاك

محال عن ريدك أرتد

وراجى العين تلاقى العين

وأحضن أيدك البضة

وأهى الأيام بتتعدى

ونتعاتب ونرجع تانى لابد

ده الجانى منك ومن تباريح الهوى

وصفو بصعب يا جميل

وبعدت عنك ولما طال بى النوى

بقى لى أسيبك مستحيل

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى

يا بلادى الطيبة جيتك
عندى ليك كلام كتير
أصلى من بدرى أحتويتك
أنتى يا حبى الكبير
***
كنت قبل سنين طويلة
كنت زول هانى وغرير
وكانت الأيام جميلة
والبلاد مليانه خير
والوطن كلو القبيلة
غيرو ما بنرضى البديل
والنفوس كانت نبيلة
عامره بالحب الكبير

ريحة البن لما يفوح فى قلايه
وفروة جدى صورة جدى لمن جيت أمد يدى :
( جدى أدينى تعريفه )
( بتقرا الحمدو يا المبروك )
( بقراها شان تعريفه ألقاها )
بجود فى القرايه كمان
وايه يا يمه والله زمان!!
وسبحة ( بنت الفكى )
والطورية والواسوق
وسعف حبوبة والكوريه والحنقوق
وصوت ( سعدية ) بت جيرانا
تشحد ليها فى طايوق

قصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم

ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم

مع طُول الألم والليل

زمان كُنّا بنَشيل الوُّد

ونَدِّى الوُّد

وفى عينينا كان يكْبَر

حناناً زاد

وفات الحدَ

دموع البهجَهْ والأفراح

أعيشهْا معاكَ واتأسّف

على الماضى اللّى ولَّىَ وراح

على الفُرْقَهْ الزمان طويل

على الصبر الّى عِشْنَاهو

ا عِشْنَا فى غُرْبَهْ

ولا قاسينا نِتْوحّد

وهسَّع

رُحْنا نتْوجّع

علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..

تاني إتوشح زماني ..
أصلو غير عينيك وحاتك ..
ما في للأفراح معاني ..
جينا ليك .. شوق في عيونا ..

الشجون باكر بترحل ..
والزمن يصحى ويسالم ..
الحلم يصبح حقيقة ..
وتنسجم في الحب ظروفه ..
والحنين تزهر غصونه ..
والعشم دانيات قطوفه ..