توب الكرب الجابوا النقادة

تميزت شندي عن ساير مدن السودان بوجود عدد كبير من اسر النقادة الطيبين ويتصف أفراد هذه الاسر بكريم الاخلاق وقد إنصهر النقادة في شندي بصورة رائعة تجسد أرفع درجات التعايش الديني والعرقي ( وطبعا الكلام دا من قبل ميثاق حقوق الانسان)
واشتهر النقادة بادي الامر بحرفة النسيج بالصورة التقليدية بواسطة النول ثم أجادوا التجارة ولهم في تواصلهم مع الاخرين وقفات ومواقف جليلة وكم اتمنى ان يكون احد افراد هذه الاسر الكريمة عضو في هذا المنتدى حتى يقوم بالتوثيق لهذه الجماعة التي أثرت بشكل إيجابي في شندي

تواجد النقادة في شندى هو دليل علي كرم
ضيافة اهلنا في شندى .. وتعايش النقادة
وانصهارهم معنا وحبهم لشندى دليل كبير
علي كرم اخلاقهم وطيبتهم ..
وياريت اي
عضو عندو صديق من النقادة يجيبو لينا
عشان نعرف عنهم اكتر واكتر.....
حسام تسلم افكارك...

ام تسابيح بعد ما (لحستي) التورتة براك جايه تقولي لي تسلم أفكارك هسع دي يأكلوها بي ملاح شنو توب الكرب الجابوا النقادة Icon_biggrin

طبعا لانو انا من اولاد حلة البحر القريب من مربع واحد وقريت جزء من الابتدائي في مدرسة الشمالية فزاملت كثير من الاخوان النقادة وحقيقة الاولاد ديل (ضكرين ) جدا والواحد فيهم أخو أخوان تمام اتذكر قبل كم سنة حصل لي موقف مؤثر جدا معاهم وانا في حوامة الخرطوم المابتنتهي دي جاني خبر وفأة عمنا حبيب يوسف وهو من زعماء النقادة في شندي فسافرت لاداء واجب العزاء خاصة واني صديق وزميل لابنائه وعندما أذن المؤذن لصلاة المغرب أشوف ليك شفع النقادة فرشوا لينا المصالي ووجهوها على القبلة وكل شافع فيهم مسك ليهو إبريق وقعدوا يكبوا لينا في موية الوضوء والله الحكاية دي أثرت علي بشكل مبالغ فيهو وطبعا المسألة دي فيها سمو ديني رفيع لكن برضو لو العزاء دا ما كان في شندي ما كان دا حصل لانو شندي فيها خاصية (عبقرية المكان)

دى يا كلوها بي ام شعيفة
ياود عامر جمال الدين geek

موقف مؤثر فعلا وانا برضو زاملت واحدة
نقادية من حي البحر .. والله كانت اكتر من
راااائعة ...
وفعلا دى خاصية تتمتاز بها مدينتنا الحبيبة..

شكرا ليك يا حسام على موضوعك الرائع(مع انى كنت داير اعرف قصة توب الكرب دا)..وطبعا النقادة شريحة مهمة فى مجتمع شندى اكتسبت ثقة الجميع لانها اثبتت عبر مرور السنين الطويلة انها اهل لهذة الثقة ،كما تؤكد ايضا متانة النسيج الاجتماعى فى شندى الذى اشتهرت به قبل ان تكون مشهورة بالانسجة القماشية...

الاخ الحوثي شكرا للمرور

وهوي يا ام تسابيح انا جني وجن الزول يعرفني وانا ما أعرفه والقال ليك منو انا ود عامر جمال الدين مش إمكن أكون ود عامر سالم

يا ود عامر سالم ,, انا عرفتك من بوست الترحيب بالاعضاء الجدد
(نحن قاعدين نعمل دكوة).,,, والوالد اشهر من نار علي علم
وبعدين يعنى كيف ما بتعرفنى ,, عرفة المنتدى دا ما مالية عينك Crying or Very sad

اضف إلى ذلك نزاهة التجار النقاده وشطارتهم في التجاره انا عندي عمي مشارك النقاده في تجاره في السوق كتيرطلعت معاه وقابلتهم ناس الواحد مايلقي منهم الا كل الخير
اتمني ان نكون نحن المسلمون سباقون اكثر لكرم الاخلاق

من أعلام النقادة عمنا الراحل أديب فاخوري والذي كان يمتلك ويدير محل في سوق شندي مخصص للمكرفونات ومكبرات الصوت يقوم بإيجارها وصيانتها وكان مسئول عن صيانة غالبية مكرفونات المساجد كما أذكر إشرافه المباشر على مكرفونات قفلة المولد وكذلك صلاة العيد وقد كان الراحل ذو خلق رفيع كعادة أهلنا النقادة وكان يمثل لهم الاب الروحي وحسب علمي كان عضواً بمجلس محلية شندي أعرف من أولاده فادي والذي يمتلك صيدلية الان كما اعرف وزاملت إبنه بولس والذي كان (يركز) للجلد على غير عادة أبناء النقادة

أن مدينة شندي هي مثال حي للتعايش الديني والعرقي ،وقد أصبح النقادة جزء اصيل في كل حراك المدينة ،تجاري ،واجتماعي وغيره .
وظل التداخل حميم بين المسلمين والنقادة ،في الافراح والاتراح والاعياد ..
تلقى الحريم راكبات في المواصلات ،ويقولن للكمساري ياولد عليك الله نزلنا في حزقيال ،وفعلا قد اصبح حزقيال مش محطة فقط ،ولكن جزء من تاريخ ووجدان كل ناس شندي ..
من منا لايذكر عمنا المرحوم أبرهيم بسخرون ،أشهر طبيب بلدي (بصير )يعالج كل الكسور ويعلم كل خبايا العظام وأمراضها ..
تعال كمان شوف ناس لطفي وأخوانه ،ومكتبتهم الشهيرة (العهد الجديد ) التي ظلت منارة للعلم والثقافة لزمن طويل ..
ونذكر هنا ناس أبوالزيق ،بركات والفول الشهير،وشاؤؤل .
ونبيه قلادة أحد رواد التجارة في المدينة .
وأولاد حبشي ،ناس منصور الفنان الماهر ،الذي جمل كل المناسبات .
ناس روبيل الترزي الشهير وأخوانه ،والاخوان نصيف ،مهنى وهلال في السوق ..
الأسر العريقة ناس أدوارد سمعان وميلاد ..
هذه نماذج فقط وليس حصر لكل النقادة في شندي .

يا سلا كيف أحوالك لكن لقيتك خطيرة كان للان متذكرة روبيل وخايفك تكوني لعبتي معاهم ضمنة بالعصر في برندة دكانه توب الكرب الجابوا النقادة Icon_biggrin

عالم غايتو يا سلا قاعدين للناس بس تكتبي
اي حاجة يشبو ليك في رقبتك.. rabbit

لكن انت زااااااااااتك يا ود عامر جمال الدين
القال ليك منو هم كانو بيلعبو ضمنة؟؟؟؟ pirat

من طرف **sala35** الخميس 27 مايو 2010 - 6:29

حسام عامر كتب:يا سلا كيف أحوالك لكن لقيتك خطيرة كان للان متذكرة روبيل وخايفك تكوني لعبتي معاهم ضمنة بالعصر في برندة دكانه

(لعبتي معاهم ضمنة) كلام غير موفق منك وأكيد خانك فيهو التعبير ،لأنك لو كنت في حوجة أصلا للمزاح كان المفروض يكون بي صورة لائقة ،وأنا كتبت عن تاريخ شندي ولم أوجه لك هذا الحديث ،ومافي سبب بخليك توجه لي رد ..وأنت خرجت عن فائدة الموضوع بدون مبرر ..عموما لن أعلق مستقبلا علي أي بوست أنت موجود فيه حتى أسلم من مثل هذا الرزاز،وممكن أخرج عن هذا المنتدى أذا لم يتحلى الاخوان بالمسئولية في الكتابة .

الاخت سلا
أسف

توب الكرب الجابوا النقادة

توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة

رد: توب الكرب الجابوا النقادة