رد: سجل حضورك باسم منطقة؛ معلم بارز ؛شخصية من مدينة شندي

اسجل حضور اصدقئى
(مدرسه شندى الثانويه بنين)
ذالك الصرح الشامخ
هل لا زالت تعطى العلم بلا حدود

انا من العسيلات وقريت في شندي عشان كده بسجل حضوري بمدرسة شندي الثانويه (الاهليه وذكرياتها والداخليه وكل المعلمين بداية جيب الله -باسان- سعران -ودالعاقب وبقية العقد الفريد.

والله لفته بارعه من شندي لكي يدوم التواصل بين الناس واغلبهم مابتلاقوا وهذه مساحه للمواصله ود مويس مضوي علي.

انا اسجل حضوري بمنطقة قريش او حي قريش كما يحلو لابنائها

اسجل حضوري باسم معلمتي الاستاذة الفاضلة

عشة قدور

الله يمتعها بالصحة والعافية

اسجل حضور باسم الاستاذة الفاضلة عائشة محمد عبدالله دكين متعها الله بالصحة والعافية00

اسجل حضورى باسماء بعض من اعطوا اسم شندى بعد آخر

من الصحافة الرياضية(المريخ): مزمل ابوالقاسم

(الهلال) : محمد عبدالماجد

الصحافة السياسية: احمد البلال الطيب وكل اسرة البلال

الحيشان التلاتة: محمد نعيم سعد..طارق جويلى..كوثر بيومى

فنانين :حسين شندى..الطيب عبدالله..محجوب كبوشية..نانسى عجاج..ريماز ميرغنى

اعلام رياضية:محمد الشيخ مدنى

اداريين بالمريخ: عصام الحاج..منصور عبدالرحيم

اداريين بالهلال:صلاح ادريس..عبدالمجيد منصور..العمدة سعد

وهذه الاسماء للمثال وليس الحصر..

اولا اشكر كل القائمين علي امر هذا المنتدي علي هذه اللفتة الرائعة وارجو ان يتواصل كل ابناء شندي للنهوض بمدينتهم .
واسجل حضوري باسماء ملوك البجراوية اول حكام العالم

اسجل حضوري بمستشفي شندي التعليمي وكانت لنا معه ايام جميلة

اسجل حضوري بمحطة مياه مربع20

اسجل حضوري باسم شخصية شنداوية اعتقد انها قدمت الكثيرررررررررررررررررررر لشندي من خلال مانحن فيه الان اخونا الناصرابي رائد فكرة منتدي مدينة شندي له كل التقدير خصوصا في يومنا هذا بمرور 3 سنوات علي انطلاق المنتدي الرااااااااااائع

الله اكبر والله يالناصرابي ما شالله وتستاهل بقيت شخصية شنداوية بارزة

بسمة امل كتب:اسجل حضور باسم الاستاذة الفاضلة عائشة محمد عبدالله دكين متعها الله بالصحة والعافية00

الاخت بسمة امل جزاك الله خير وفعلا الاستاذة عائشة دكين من رموز التعليم بالشقالوة وشندي عموما وخرجت أجيال من الطلاب والطالبات تميزوا في كل الجامعات .

وأسجل حضور بإسم الاستاذ الفاضل :
سليمان محمد أحمد كركبة ،من المعلمين الرواد ،الذين أوقدو شعلة التعليم بشندي .

تسجيل حضور بمستشفي المك نمر ذلك الصرح الذي ولد عملاقا

اسجل حضوري بالمنطقة الصناعية شندي التي لي فيها زكريات جميلة وهي حضور عند مدخل المدينة بتلك اللافته الكبيرة قرب بقالة الدسمة التي مكتوب فيها اتحاد الحرفيين يرحب بالسيد رئيس الجمهورية

من طرف arahim الخميس 26 يونيو 2014 - 8:50

جامع الفكي يوسف بشندي فوق

سجل حضورك باسم منطقة؛ معلم بارز ؛شخصية من مدينة شندي - صفحة 4 107kvvs

تحية خاصة للاستاذ عوض صالح الكرنكي
وداخلية الباستيل العريقة فقد كنت من ساكنيها

والله يا شباب انا عضو جديد لكن البوست دا عذبني عديل كدا ... لكن والله الا اشارك فيه

غايتو انا بسجل حضوري بمحطة السكة حديد شندي .... ياخي دي مجتمع قائم بزاتو .... وعلى حس السفسفة نذكركم كدة بطعمية وسلطة الاسود بتاعت المحطة
تحياتي ياشباب

الي الاخ/ خالد

سجل حضورك باسم منطقة؛ معلم بارز ؛شخصية من مدينة شندي - صفحة 4 2zzhnit

الاخ arahim
شندي دي فيها طابع جميييييييل كدة ... فيها حاجة ما بتتوصف ... اسي الصورة دي شالتني من المكتب ودتني طوالي (البكان ) دا ... ورجعتني لشندي الشمالية اهو ديك انا شايفه ... وانا طالع من المدرسة يوم الخميس الساعة 12 ... احب حاجة لينا كنا بنتنافس بالمشي فوق السكة البمشي مسافة طويلة منو ؟؟؟ بذكر يوم الخميس والاتنين كان بجي قطر حلفا كنا بننتظرو لانو بجيب مجلات سمير وميكي وماجد حسب الاصدار ... بجي يستلمهم لطفي صاحب مكتبة العهد الجديد ... بنمشي معاهو المكتبة لكن ما كل مرة بنشتري ...

قطر حلفا عندما يكون قصاد المدرسة الاهلية تكون الساعة العاشرة الا ربع صباحا ، كان هنالك انضباط عالي في السكة حديد والمشي فوق السكة حديد كنا نتنافس فيه من الاهلية الي عبدالله الحسن ، فيا لها من ايام

ميدان المولد راحة قروي

تمساح المحكمة / شندي

الطول اربعة امتار ونصف

اصطاده امباشي احمد حسين همام

نمرة248 من بوليس مركز شندي يوم 15/7/1959

بجزيرة كجوك غرب حجر العسل بطلقتين فقط

شجرة وارفة الظلال شرق مرسى البنطون من الناحية الغربية للنيل كنا نقيم فيها الرحلات

حقيقة كانت معظم الرحلات فيها والناس تمشي محازية النيل بارجلها حتي الوصول لها

وخاصة رحلات النقادا ..كنت طوالي بمشي احضرها

في مجموعات كثيرة في الفيس تحمل اسم شندي يتحفنا فيها العم مكرم وهو من النقادة بذكريات جميلة عن شندي ويا ليت تنضم لها ووتواصل كتابة ذكرياتك لأن التجاوب فيها افضل من المنتدي والمشاركة فعالة

شندى بس ... وشكراً
معهد التربية شندى (زكريات ولا فى الخيال وايام لها ايقاع )
الزمن الجميل (شنداويات
صور شندي القديمة Old Shendi Photos

كل هذه مجموعات نشطة في الفيس

صندل غارق غرب مرسى بنطون شندي كنا نمارس عليه هواية الغطس الى ان جاءت السباحة سارة جادالله لتدرب عليه فقلنا يابحر تمساحك جاء وانزوينا

من طرف arahim الأحد 3 أغسطس 2014 - 7:00

عمنا عبدالصادق وأم جغيم

استاد شندي وحاجة كانت تبيع التسالي امامه

من طرف arahim الإثنين 4 أغسطس 2014 - 8:13

اهرامات البجراوية والحمام الملكي حيث زرناها ونحن طلبة في الابتدائي من ضمن الانشطة في ذاك الزمن فيا سبحان الله

يا سبحان الله ماشين لي وراء

من طرف arahim الأحد 17 أغسطس 2014 - 7:54

مرة ثانية أم جغيم ، لانها فيها الحل لمشاكل الخريف ويجب أن نجعل عودتها شعار ليس كمكان ولكن كفعل وهو تصريف مياه الامطار الي النيل

عربية عبد الشكور

من طرف arahim الإثنين 18 أغسطس 2014 - 4:14

بص سلمان

المرحوم عوض النور الشفيع

فرن ود الزاكي

فراد النقادة

من طرف arahim الخميس 21 أغسطس 2014 - 4:37

بت شاويش

منتدى شندي

من طرف arahim الإثنين 25 أغسطس 2014 - 6:42

حقيقة المنتدي من المعالم البارزة في التردي مفارنة مع المنتديات الاخري

انا ذاتي قصدت كدا
اياك اعني فاسمعي يا جارة

من طرف arahim الخميس 28 أغسطس 2014 - 6:21

راكوبة المنتدي

يا زول انت قنعان من روحك؟؟؟دي راكوبة النسمة تشيلها؟؟

من طرف arahim الأحد 31 أغسطس 2014 - 6:15

اليوم ام احمد شرفت الراكوبة وان شاء الله تقوم باللازم

كان كدي هادي قعدة

من طرف arahim الأحد 31 أغسطس 2014 - 6:44

ما شربت من الشاي والقهوة الفي الراكوبة

خايف تكون زوبعة في فنجان

حتي الآن أم احمد صامدة

الاستاذ المصري مصطفى سليمان له الرحمة