فضلاً وليس أمراً

والله يا جماعة كلامكم حلو شديد بس معليش لو سمحتو الرد دائما يكون قصير ومفهوم يعني ما في داعي للرد الطويل خاصة للناس البكون عندها شغل يعني ما في داعي للرد لصفحة كاملة خير الكلام ما قل ودل وشكرا

الاخت أم احمد وجميع الاخوةالذين عقبوا على موضوعها الهام جدا
السلام عليكم ورحمة الله
ملاحظاتي المتواضعة على الموضوع سالف الذكر :
1- عملية التعقيب او الرد ليست بالضرورة فانا مثلا اكتب متى ماخطر لي موضوع ارى انه يهم شريحة من الاعضاء وليس بالضرورة جميعهم فهناك ما يخص الرياضيين والمتزوجين والطلاب وهكذا وفي كثير من المواضيع اجد ان صاحب الموضوع قد اوفى وليس بالضرورة ان نفعل مثل اصدقاء الفيس بوك اعجبني او اي تعليق من باب المجاملة وليس الاضافة والمهم المشاركة
2- بما انني عضو جديد فاجهل الكثير من طرق البحث في المنتدى وطريقة تنزيل الصور ولا اعرف حتى عدد الاصدقاء
3- بوست التعارف من خلاله عرفت الكثيرين ونحن اولاد شندي نظهر جميعا على حقيقتنا وهذا يزيل كثير من الحواجز ويشجع على الردود
4- اذا كثرت العضوية فهذا ينصب في مصلحة المنتدى ولن نجد حتى فرصة للتعقيب انا عرفته عن طريق الصدفة والان قمت بدعوة واسعة لعدد كبير من ابناء شندي من خلال الاتصال المباشر والفيس بوك والروابط والجمعيات التي تضم ابناء نهر النيل
5- دائما اجد ان المتواجدين عدد قليل جدا واحيانا اجد نفسي وحيدا فهل توجد طرق للاتصال
6- 3سنوات عمر ليس بالطويل والمنتدى واعد واعد وسيكون الاكبر والاجمل ان شاء الله ومشكلتنا نحن في اماكن دوام العمل فيها لا يسمح بوقت كافي ومصيرنا نعود للوطن وربما وجدنا زمن اكثر وخصوصا في العطلات
ودمتم

احمد علي ابراهيم كتب:والله يا جماعة كلامكم حلو شديد بس معليش لو سمحتو الرد دائما يكون قصير ومفهوم يعني ما في داعي للرد الطويل خاصة للناس البكون عندها شغل يعني ما في داعي للرد لصفحة كاملة خير الكلام ما قل ودل وشكرا

أحمد على ابراهيم مرورك أسعدنى ... وكلامك سليم فما نريده فعلاً ما قل ودل .

كلامك تمام ياكبسور وفعلاً المنتدى واجهة لمنطقة عشان كدا مطلوب مننا جهد أكبر عشان نحقق طموحنا ليهو ..

الكود:

[color=#008000]ولكن اذا كان لي ملحوظة فهي ظهور حالة شلليات في بعض الاحيان داخل هذا المنتدى وهذه افة كتير من المنتديات وتخصم من الانتاج الفكري للناس والمفروض الناس تتفاعل مع كل موضوع بحودته من واقع النص والمضمون وليس بكاتبه .ان عارف جايز في ناس كلامي دا مايعجبهم لكنها حقيقة .[/color]


بخصوص ملاحظتك أعلاه أتمنى الا تفسد الصداقات التى توطدت بين بعض الأعضاء الجو العام للمنتدى ... وأرجو أن تكون دافع للآخرين للأنضمام والتفاعل مع أخوانهم .
وفى النهاية الموضوع الجيد يفرض نفسه على الكل ويجذبهم للتفاعل .
والنصيحة حتى لو زعلت ناس برضو مفروض نقولها للمصلحة العامة .. وكلامك على العين والرأس .

فكروا فى مستقبل المنتدى وفى سد ثغرات الضعف فيه..ولا تعتبوا على الذين لم يشاركوا لأن مجرد وجودهم نوع من المشاركة وان كنا نطمح للمزيد...

فعلاً يا حذيفة لازم نفكر فى مستقبل المنتدى ، وأنا متفائلة خير لأن تطور المنتدى وحركته أختلفت كثير جداً عن ما كان عليه الحال قبل ستة أشهر ..
وحتى لو شهد كسل لفترة الناس ما تيأس بسرعة لازم نفسنا يكون طويل .. وأكيد بكره أحلى .

كبسور كتب:الاخ عبدالعزيز لك التحية
..
ولكن حكاية انو الناس تذهب لمنتديات تانية فهذه فكرة غير سليمة
لان هذا المنتدى واجهة لمنطقة وليس منتدى متخصص

اخي العزيز كبسور خلينا نكون واقعين واضرب ليك مثل لو في زول عندو ود أهله أو قريبو زول كشر ودمه تقيل ولما تتكلم معاه مابيرد ويهتم بكلامك ويتفاعل معاك
وعندك جارك زول دمه خفيف شديد وبتجاوب معاك ويهتم بكلامك حتمشي لمنو اكتر فيهم؟؟؟
وعمــــوماً

انا ماقصدت ناس شندي ماحيزورا الموقع أو حيلغوا عضويتهم لكن حيجوا ويلقوا المنتدي راكد والناس مابتهتم بي كلامهم واكيد حيمشوا للزول البيهتم ويرد على كلامهم زي المنتديات البإسم السودان مثلاً الحوش السوداني وسوداني أنا دي بتجمع كل فئات السودان والناس متفاعلين فيها شديد

وخلاصة القول والله انا بحب المنتدي دا زي بيتنا وحبي لشندي مافيهو شك لاني فتحت واتربيت فيها واصحابي واهلي وبيتنا لحدي الان فيها
واتمنى ان يكون هذا المنتدي من أفضل المنتديات في الشبكه العنكوبتيه
وكمان بخالفك الرأي لو في زول نقل كلام من النت من أجل الفائده للجميع دي حاجه يشكر عليها لان هدفها ان تعم الفائده الجميع وماها منقصه ليهو بل العكس حاجه حلوه والناس تشاركوا زوقوا وتستفيد المهم يكتب انو الكلام منقول حفاظاً للحقوق الأدبيه