اكيد حترجع

رغم انك قايلة لي
تاني
ما تجيب ليه سيرة
عن غرام
او حتى ريدة
عن هيام
مكتوب قصيدة
بس صداقة
وما في غيره
كلمة قاسيه
وجد مريرة
جرحتني
والمتني
وخلت الدمعات
غزيرة
سامحيني واعزريني
داير اقول
كلمات اخيرة
من عرفتك
ما مطول
بس شهور
وايام قصيرة
من عرفتك
جد هويتك
واحتويتك
يا اميرة
من عرفتك
بشويش
ده الغرام
خشالي جوه
في الفؤاد
وداير اقولك
ده القليب
ماليه قوة
بمقيلو
ما جمالك
هد حيلوا
ويا حليل
زمن المروة
كنت فاكرو
يبقى قاسي
ياما شاف
من ناس ماسي
ده الزمان
حافرلو
هوة
صدفه شفتك
في حفل
تخريج معتق
بغناوي الريد
مجرتق
والزغاريد فيها
داوية
ناس تبشر
وناس تصفق
فجأة شفتك
جيت اسالمك
كان جوابك
اكيد عرفتك
والقليب فرحان
يكنتك
ياهو زولك
يا هو دكتورك طبيبك
يا سلام لو كان
حبيبك
من قبل
غدر الليالي
المابتسيبك

احمد الله
واحمد الله
ده القدر
لازم يصيبك
ده القليب
شافك ترنم :
(ده الحبيب
البيه بهتم
ده السكون
البيه بنجم
ده البقول
في حسن (نم))

والمسادير فيها حلوة
مالو لو كان جيت ننجم
والغريبه اكون قريب
وشوقي زائد
ديمه اكتر
كل مرة بشوفه احلى
حلوة عسوله ومسكر
(ابو الورود )لو شافه مرة
كان قالي(جنيت وله دستر)
والمشاوير مهما تبعد
للحبيبه ما بتفتر
صوتك الناعم يجنن
للقليب
هداه كسر
دي العيون نعسانه
ديمه
ريقه بخاخا معطر
دي الخجوله الما جريئه
من اشوفها
وشيها
يحمر
محال تعاين ليك دغري
للارض دايما مدنقر
والضفائر من سوادها
زي ضلام الليل واكتر
لونه زي
دهب الخزائن
تشفي مجنونا مكجر
ده القوام ممشوق مقسم
زي نخيل بلدي المعظم
والجسيم عجوة بلدنا
الفي شدرنا
الما مغبر
بس جيت متاخر شويه
مالو لو كان
جيت ابدر
مالو لو
جيت من زمان
من زمن
دفيقو
اخضر
بس عنيدة وراسه
ناشف لما تزعل
وا حلاته لما تزعل
نوبيه
يا ست البلد
مرويه بطين الجروف
ريدتنا يا قلبي الولوف
برويها بكل الحروف
دي الريده ما بتعرف كسوف
ودي الريده ما بتعرف خسوف
ورغم الحصل
عادي
زي كل الحبائب
تاني نرجع من جديد
نبداه من حرف الالف
ولو خلاص
قلبك وقف
راسك نشف
ما بعاكسك
بس بصارحك
بدون زعل
لو حصل قلبك عرف
للريده طعم الفي الوصف
اكيد حترجع
ده الحبيب
راجيك ترجع
وما ببق بعدك
لا بطيق من تاني بعدك
كيفن نعاود للوجع
عارفك اصيله وبنت اصول
والحاج ابوك راجلا جدع
ديوان فاح للضيوف
داخرنو ليوم الفزع
برجع بقول
اكيد حترجع

قصيدة جميلة شديد

لو الغناء حلال أديها فنان يلحنها ويغنيها ليك .

اكيد حترجع

اكيد حترجع

رد: اكيد حترجع