رد: دوبيت

من طرف Obai abunora السبت 1 مايو 2010 - 9:49

بتريد اللطام أسد الكداد الزام
حقيت الأسم من اليمن للشام
سيفك فى قضاريف الرجال قلام
أظن هذا التشبيه فى البطل ودحبوبه ,,,,

من طرف Obai abunora السبت 1 مايو 2010 - 9:53

وهذه للشاعر الكبير أسماعيل حسن ,,,

طريتك يالجبل كاسياك مهابه
طريت أهلى وطريت كل التعابة
فى ضو الشمس ضايقين عذابا
لا غيما بمر ولا ضل سحابه

جميع واو الصقوط المولى عظم شورته
ورتبة بيه مقص تاجين مع دبورته
سلطان الملك ليك بيرفع شورته
فى الجلسه ام كراسى الجيل بتاخز نورتو

اقول///////صح لسسسسسسسانك

شندى الربه جفهاء البليب طربان
ناطح المنو ميزان عقلى مو خربان
مشتول السواقى البل اللدوب سقيان
بعيده بلادو فوق في بادية العربان

دوبيت - صفحة 2 Icon_rr

وصح لسسسسسانكم دوبيت - صفحة 2 Icon_rr

متين يابراهيم عنز القهيد بنشوفه ومهرة مالك العند الزبير مكلوفه
سالكه معبده مو المعقد دوفه زى بيت الحرم ياصاحبى نمشى نطوفه

شندي الفيها مكاً حرق الخديوي صباح
وشندي الفيها عزاً راكب ام شلواح
شندي الديمة للضيف مابفوت مرواح
شندي الجنة فوق النيل وزايدة سماح

ابيات للعبادي
جعلي ودنقلاوي وشايقي ايه فايداني غير نبذت خلاف خلت اخوي عاداني خلي نبانا يسري للبعيد والداني أكفي النيل أبونا والجنس سوداني

وقال بشري في الغزل
ان وقفت عديله... وان مشت مبرومه...وان قدلت معععععععجنه من وسط مقسومه...وان قعدت موهطه وااااااقساوت القومه ...مبرومة حشي وعجوة محس قدوما

سماحة كلما شرقت شمس تجدد
جمالا توه وزوقا اصلو مابتحدد
منعمة من مواصلة القريب تتهدد
نذره ديدبانا حديد وبابا مسدد

البارح,, براى وكتين الخلايق هاجعه
طافت روحى,, جات بى دياركم راجعه
وكتين شافت الزول اب بسيمتا ناجعة
اب حسا حنين ,,متل القمارى الساجعة
ابت الجية ..حلفت ,,يمين ما راجعة

أسيادك كتلو مكوك وطرحوا بطانة
وقفلوا الخط علي منقستو والرطانة
قبال الحكومات ماتروق العكرانة
جبال قرسي كلو ممركا الفرحانة

نحن المعانا قديمه نحن بنركب الصعب البسوه صريما
نحن اخوان البرمولا بريمه نحن دربنا زلقيب مقابل الشيمه

تميل زينوبة زي البان يمين وشمال تودي الطوق
واخوان ام شلخ ينكبو جوه الداره
زي صقرا نزل من فوق
ضرب الصوت والركزه البفرق الناس
أشان زينوبة ما بتحوق
وعاد تتحزم الجنيات وتتنظم تقيف في روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين ما مشرية من السوق

من فَرْقْ الدُّغُسْ دايْمَ الابد قَهرانْ
ومن قِلْ الفلوس أَصْبحْتَ في حِرْمانْ
فَتَّشتَ البلد عَدلانْ مع عَرْمانْ
مالقيت ليك متيل ياأم قرقداً كِيمانْ

عبدالله :
الليلة المِطيرقْ في نَعيـمْ وسَرورَة
وإِتْ النومْ عَبدْتو وما قَريتْ لكْ سورة
ساعْتينْ إن صَبَرْ كُتْ تَحْظَى بي البدّورَه
سَعَدَكْ أَصْلو داكْ ما بْجَبِّر المَكْسورة )

الحاردلو :
غَفْوَتْ عِيني ديكْ مِنْ يومَه ماها مَرِيَّة
وأَصْبَحْ حالي مِثْلْ أَلْ دَخَّلوا الظَّبْطيَّة
إترَجَّاكَ يا ابو التَّايَة أوَّلْ سَيَّه
ما اتْواخّذْ واكونْ في حالَة غِيرْ مَرْضِيَّة

عكير الدامر
ما بنقبل حكم ناس في بلاد الغربة
وتحت التاج نقع جمل انكسر في هربة
بدل الزل وعيشة العار وحالة الكربة
اولي الاخرة ميت ما بخاف التربة

فيك طبع الاسد صالحت او حاربت
وفيك طبع البرامكة بعت او قربت
فيك طبع الملوك شرقت او غربت
وفيك طبع الحكيم لقمان حلل او ربطة

ياالصديق اخوى فوق المعالق شده ومن بلد العجم
ياودمراد نتعده مى طايقالك البلد ايدك مواركه المده
مابمثلوك على ناس ملحو النتغداء

من حسس ام رشوم الحار بقول واغلبى

وما لقيت لى طبيبا يعرف الحاصلبى

عاد يا بنيه كان فت ليل معاى تنسلبى

هاك يا سمحه شن ما دورى من تتطلبى

اللييييييييييل الراكوبة صبحت طارده
من ريحه السمك هربت كدايسه شارده
الضبان كتير والمويه تب ما بارده
صبحت بت مويس للفول كمانك حارده
ود تمبول هتف ليهو المطره كانت زارده
والسهر الكتير خلي العوينات هارده

دوبيت

رد: دوبيت

رد: دوبيت

دوبيت

دوبيت لشندى

دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد: دوبيت

رد دوبيت

رد: دوبيت

رد: دوبيت